ع البركه

part 39

(#حسبي_الله_ونعم_الوكيل)

و جي نهار زفة ايات😍 ناضت ايات صبح بدري بكل حماس ورفعها يوسف للمزين ..

..

ناض كذالك رؤوف الصبح و جهز في روحه و صحابه داروله جو المهم فوته كله تصوير و ضحك كان يوم حلو عرسانه بنسبالهم❤

..

ريهام بعد الضهر كلمت ابراهيم و خطت معاه و قاللها تم.. اتريحت ريهام و حاسه ان الامور كلها حتمشي بتمام

..

كملت ايات التزين و طلعت قمر

حاليا ايجهزوا في السياره العروس و ساعه 6 تطلع و كذالك كمل رؤوف التلبيسه و طلع طرف يجنن

و قعد يصور و جو لين رؤوف اتجي مكالمه من رقم يرد

رؤوف..، ايوا السلام عليكم

ابراهيم..، ايواه رؤوف وعليكم السلام

رؤوف حس بأن الصوت مش غريب عليه

رؤوف..، من معايا اتفضل

ابراهيم..، اني ولد عم ايات و انحب انهنيك و الف مبروك

رؤوف طول عرفه و اذكره ان هدا كاين حبيب ايات..، الله يبارك فيك اتفضل للعرس

ابراهيم..، صحيت بس اني حبيت انهنيك

رؤوف..، لا كيف مايصيرش لازم اتجي

ابراهيم..، اني حتى لو بنجي في حاجه ضروريه لازم ماتعرفها

رؤوف استغرب..، شنو

ابراهيم..، تو انجي و ندويلك عليها

"المهم سكر رؤوف.. حس بيضيق شويا مادورش بعد قالولا اصحابه هي اطلع معاش فيه وقت"

..

طلعت سيارة العروس و طبعا قبل مايطلعوا بكي ام ايات و خواتها و اصلا ايات حاسه بيضيق في قلبها و لكن حاولت تكتم ادموعها..

..

من اول ماوصلوا خشت ايات و يلي هدا شهق فيها و في جمالها طالعه قمر .. وطلا من ريهام و فريال يخممن على ابراهيم و عم ان شالله يدويله..

..

من اول ماوصل رؤوف قالولا صحابه شويا و يجوا الناس يهنوا قال رؤوف خلاص بنخش لحمام و تو انجي شافه ابراهيم لحقه..