ع البركه

part 24

(مستحيل!!)

لما قريت الرساله خلاص.. مانلقا روحي الا راميه النقال و انعيط بلا اراده ..مش مصدقه يعني هدا كله و مزال كان عندي امل يرجعلي رؤوف لكن هدا وين تبتث نفسي ان خلآصص رؤوف ماهوش لياا رؤوف طااار من بينن يديااا💔💔💔💔💔

اني بصوت عالي..، لا مستحييل!! مستحيل!"

..

كوتر اتلم في الصفره و سجى في المطبخ كوتر حست بصوت في الدار حطت الصفره و طلعت و سجى استغربت من استعجال كوتر.. فتحت كوتر الباب لقت ايات منهاره بكيي

كوتر جت تجري خايفه..، ايات!! ايات خيرك ! ايات (سمعت سجى لحقتها)

اني عيوني حمر امقعمزه عالوطا متكيا عالساس و حاطه يدياا على بعضهن نرجفف من البكيي💔..، الءءء الي (قاطعتني سجى)

سجى..، ايات وقفتيلنا قلبناا احكي!!

اني بنفس الوضعيه..، رؤوف

كوتر و سجى..، خيره!!

اني واسيت تقعميزتي و غمضت عيوني..، اليوم انخطب

كوتر و سجى انصدمنن

كوتر..، اءءء وانتي من خبرك

اني اشرت يدي عالنقال خدت سجى النقال و قرت الرسايل هيا و كوتر و كلا اني مابطلتش بكييي💔💔

سجى..، تي ينخطب و لا يطير مش سيبتوا بعض

اني برقت فيها لحزن..، مش عارفه ليش كان عندي امل ان رؤوف ح يرجعلي💔.. ي يعني م متوقعتش ان ح توصل بيه لـ هدرجه💔..

كوتر ضبطتبتني..، خلاص يا ايات الدنيا نصيب و الله ماستاهل دموعك غاليات

(سجى مستمره في قراية الرسايل و من اسلوبها فريال مع سجى حست ان القصه ملعوبه و ماحبتش اتبين قدام ايات)

كوتر..، خلاص ايات نوضي اغسلي وجهك نوضي " نضت غسلت وجهي وخشيت للسرير و بنفس الوضعيهه طبعاا مابطلتش بكيي"

..

عند فريال .. 

ريهام بحماس..، شن صار درتي يلي قولتلك عليه..

فريال بفرح..، اي اي "و حكتلها" 

ريهام..، بالله عليك و شنن ردت😍😍