ع البركه

part 34

(و آخييرآ_عرفنااه_الشخص_المجهول💔)

من اول ماوصل بات رؤوف للمستشفى خدي موعد و قرر بكرا الصبح يدير عميله ب تبرع كليته لـ ولده💔

..

طبعا فؤاد و فراس داروا جهدهم بأن هما يلي يتبرعوا و كانوا مش راضيين عليها و ام رؤوف في الحوش اتباكى على القصه

..

ايات اتخمم على رؤوف و اموليا من البكي و تعب و ازمه النفسيه و قلة الإكال حالاا 💔💔

..

تاني يوم ناض بات رؤوف بدري و يجهز في روحه للعمليه لان هددوه امتاعين المستشفى بأن اليوم اخر فرصه.. ام رؤوف خلاص ماعندها على شن بتقنعه طايحه فيها نديب و بكي كذالك فؤاد و فراس.. و  كلا من فريال لما علمت ان رؤوف مش خوها الحقيقي حاليا ولى بنسبالها ولا شي و تدعي يموت بيش معاش اتعشش عليها ريهام و حتى بوها مايتبرعش كليته بشخص مش خوها ..

..

و هوا طالع بات رؤوف و واضح على وجه الحزن فؤاد و فراس يشدوا فيه و ينبوا فيه مايديرش العمليه و ام رؤوف اتعيط و حالهه .. يتلاقه مع الشخص المجهول

..

بات رؤوف لما شافه حس كأن الوجه هده مألوف عنده لكن ماذكراش زين و كلا من فؤاد و فراس مستغربين شكل جديد

الشخص المجهول..، انت الاستاد احمد ///

بات رؤوف استغرب منه..، اي اني من انت

الشخص المجهول تأكد %100..، ممكن ناخد من وقتك شوي و ندووا بمفردنا

بات رؤوف..، معليشي خويا اني عندي عمليه بنمشي بنديرها

الشخص المجهول ..، بس الموضوع يلي مندويهلك اهم من كل شي

بات رؤوف حس ان في شي ضروري من كلامه رجعوا للحوش و خشوا للمربوعه و كانوا فؤاد و فراس متشوقين يبوا يسمعوا

..

بات رؤوف..، اتفضل خويا سامعك بس ياريت اتعجل لان العمليه مزال عليها نص ساعه

الشخص المجهول ..، اني مندويلك و نبيك تفهمني زين

بات رؤوف حس بتشوق و معش قدر يتحمل..، ءء شن ادوي بسرعه

الشخص المجهول ..، و حكاله*

"بات رؤوف لما سمع الكلام مش مصدق اول حاجه حس بيها هوا تأنيب الضمير بعد الضلم و بعد حس روحه كذاب و اناني"

بات رؤوف اتفاعل..، ليييش لييش ماقلتلي الكلام هدا من زمان ليش خليتني نضلم اشخاص بسبايبك ليييش! حسبي الله فيك! تو اني كيف بنوري وجهي قدام ربي اني مزال عندي وجه انوريه لـ ربي و  للشخص يلي ضلمته طول السنين ليييييييش (و هنا داخ و و معاش قدر يلقا نفس.. عطاه اميه مباش يشرب علشان العمليه)