ع البركه

part 43

(مضلوومههه💔)

قعدت ام ايات اتفكر كيف بتحكي لـ رؤوف على هالقصه و حست ان ايات كلامها صحيح لازم يعلم من القريب قبل الغريب .. و طبعا جي بعدها بات رؤوف و خبراته يلي صار كذالك حس ان كلام ايات صحيح و مابطل تفكير على القصه

..

"ريهام اليوم جت لـ فريال"

فريال..، قصدك انتي بتخبريه رؤوف؟

ريهام..، اي اني بنخبره و الدليل في يدي

فريال..، ان شالله مشيتي درتي تحاليل

ريهام بتقه..، اي

فريال.., مفلحك ، تعرفي كان انتي اتخبريه تي وربي يقلب الحوش لين يسمع الجيران

ريهام..، و اني جايه على اساس اليوم بنخبره

فريال..، اي اصلا رؤوف مسبل

ريهام بفرحه..، خلاص تم احلا شي

..

المهم قرروا ام وبات رؤوف ان اليوم في الليل يخبروه

..

من اول ماوصل رؤوف ايروقبن عليه فريال و ريهام ايراجن امتى ايخش بيش اتجيه ريهام المهم ركب لـ حوشه غير دبشه و هيك و بعد نزل و هوا نازل يتلاطم مع ريهام

ريهام..، بسم الله .. اهلين رؤوف مبروك عليك

رؤوف يتأفف مابرقش فيها بكل..، الله يبارك فيك "و بعد اتخطاها

ريهام..، رؤوف

"وقف رؤوف اتنهد "

ريهام..، في شي ضروري لازم ما انخبرك عليه

رؤوف استهزء بالامر..، اسمعي والله ماني فاضي للكلام الزايد

ريهام مسكت يده..، صدقني يلي بندويهلك ضروريه

رؤوف بنص عين..، اسمعي بتدوي خوشي في الزبده

ريهام مدت الورقه..، خلاص مش تبي الزبده افتح الورقه

"رؤوف فتح الورقه لقاه كلام دشش"

رؤوف..، تحسابيني بروفوسوري .. ترجمي

ريهام حطت صبعها على كلام المهم..، شوف

"و قري "

رؤوف مزال مافهم..، تي يا بنت بطلعيني من عقلي

ريهام انفعلت..، رؤوف انت مانكش ولد احمد!

رؤوف بأستهزاء..، تي شن تخرطي

ريهام..، مش اني يلي نخرط اقرا السطر هدا

"و لما رؤوف قري الكلام فهم و معاش قدر يتحمل .. دف ريهام و خش للحوش كافر ماهو مسلم"

..

فتح الباب بالقوه و واضح على ملامحه الغضب و خش للحوش في الصاله امقعمز بات رؤوف قدام التلفزيون و ام رؤوف في المطبخ