ع البركه

part 32

(معااااش_نقدر_نتحممممممل💔💔)

بات ايات..،😳😳

بات رؤوف..،😳😳

بات ايات يتأفف..، اسمع لو ناوي على مشاكل بعد هالسنين ولله ماهو وقتهن

بات رؤوف ناض و واضح على عيونه الشرار..، اني مانيش قليل اصل بيش انجي اندير مشكله

"رؤوف حك عيونه مية مره على امل ان قاعد في حلم مش حقيقه"

رؤوف..، صلو عالنبي و فهموني خيركم؟!

بات رؤوف..، مش قلتلي البنت اتكون من عيت(و ذكر عيلة صاحب المحل يلي رؤوف في باله ان ايكون هدا لقب ايات)

رؤوف علامات الانصدام على وجها..، تي غير اصبر عليا شويا قصدك هديما عيت منو

بات رؤوف بيدوي يقاطعه بات ايات

بات ايات..، اني اسمي عبد الحكيم //// (ذكر عائله يلي بات رؤوف اموصيهم عليهم يلي بات رؤوف متعارك معاهم من زمان و امداير معاهم مشاكل هو نفسه عائلة ايات الحقيقيه)

"رؤوف هدا وين انصدم صح و مش مصدق يلي صاير معاه حاليا في الدقيقه هدي"

"و يخش يوسف بصفرة القهوه و لما يشوف رؤوف عرفه طول"

بات رؤوف وقف..، و بيش تعرف يا شيخ عبد الحكيم ان جيتنا مكانتش عالمشاكل

"رؤوف امقعمز مصدوم و سارح و يقول مع روحه بالك اني يلي غالط في العنوان"

بات ايات بعصبيه..، امالا عليش جاينا شن بيناتنا ان شالله

بات رؤوف..، جاي على اساس عيله تانيه بنخطب لـ ولدي لكن شكله اتلخبط في العنوان و جابنا هنا

"يوسف كذالك خاش و مش فاهم شي"

يوسف..، تي غير اصبروا شن صاير هنا فهموني

بات رؤوف..، رؤوف نوض خلينا نطلعوا

"لحق عمران"

رؤوف..، غير اني والله ماني فاهم راصي من كرعيا اني سامع ان العيله هدي عيت "و ذكر عيلة صاحب الدكان" و حتى البنت يلي متعرف عليها و نبيها انشوف فيها اتخش من هنا "و زرقت منه الكلمه هديي😱😳"

بات ايات..، شن قلت!؟

عمران..، انت شن تقول قصدك انت متعرف على بنت من احني!؟

بات رؤوف..، رؤوف قتلك هيا خلينا نطلعوا

"و بدت اتزيد المشكله و كل واحد مش فاهم شي يدوي وخلاص"

يوسف..، تي باهي يا بويا خيركم انتم الاتنين تعرفوا بعضكم

بات رؤوف..، رؤوف هياا نوض وين سارح

"كلا رؤوف السؤال يجري في باله و شاك ان ايات كذبت عليه"

بات ايات..، متحشم فيها ماتبيش تدويها