(الدنيا_دواره 2)
"طبعا بعد مرور خمسه سنوات ايات حصلت من قبل و جابت توم ولد و بنت 😍 و حاليا حامل في شهور الاولى😍.. و طبعا فؤاد و كوتر اتزوجوا و عندهم بنوته😍 و كذاالك فراس و سجى اتزوجوا😍.. "
رؤوف..، رمضان .. عائشه وينكم
"طبعآ توأم سماهم على اسامي امه وبوه الحقيقين"
عائشه خاشه تبكي..، بابا قول لثلب رمضان ريش شعري
رؤوف..، رمضااان
رمضان..، بابا هيا خدت مني شكلاطتي
عائشيه..، كذاب هيا في الاصل شكلاطتي
"و بدوا يتناقروا و رؤوف يحز بيناتهم😹"
اني بطني قدامي..، اخخ تي خيركم تناقروا
رؤوف..، ع شكلاطة ميستروا هدي رزينا فيها
اني..، تو نعطيكم و انتم فتحتوها جبها
"و جابتلهم شكلاطه مسحوا دموعهم و قعمزوا كلوها"
اني و رؤوف امقعمزين في الصالون
اني..، تذكر رؤوف زمان لما قلتلي شركة الميستروا ما رابحه الا منك😹
رؤوف ضحك..، هههه المفروض نمشي نشكرها والله
اني..، ههه
رؤوف..، حياتي
اني..، عيونها
رؤوف..، شن رأيك نجتمعوا خوتي و نديروا زرده في الاستراحه نقعدوا غادي يومين
اني فرحت..، والله فكره حلوه و اكيد خواتي من اول ما يسمعن ح يطيرن من الفرحه😍
"المهم كلمت خواتها و رؤوف كلم خوته و اتفقوا ان بكره يمشوا للاستراحه و يديروا زرده و مشواي😍 .. طبعا وقته كانن عزز الشتاء"
..
المهم وقت الغدي طلع رؤوف بيجيب حاجات لـ زردة غدوا و رقدت ايات صغارها و خشت بدير غداها لين تسمع باب يدق
اني..، يا رؤوف يا مطرشق اكيد نسيت المفتاح السياره
"و تفتح الباب تتفآجئ من يلي اتشوفه"
اني..، ءء فريال😳
"فريال صبية ايات طبعا فريال مش قتلكم انها اتزوجت و هيك"
المهم من اول مافتحت الباب شفت فريال و كان فريال حالها اول مره في حياتي انشوفها عالحال هدا كان حالها والله بجدد يقطع القلب💔"
فريال بصوت مخنوق..، اسفه جيت في وقت غدي بس نبي" قاطعتها"
اني..، اهليين و سهلين فريال .. لا فريال عاد انتي منا و فينا في اي وقت اتجي اتفضلي اتفضلي
"زاد الكلام هدا قطعلها قلبها💔"
"خشت فريال و قعمزتها ع الصالون'
أنت تقرأ
ع البركه
Юморتحكي الروايه على بنت كدبة كدبهه متوقعتش انها ح توصل بيها للمشآكل و ه الكدبهه ح تسببلهآ كره و فراق⚡ #حب_لا_يفهم_الكلام_باليبي احتآج الدعم و طبعاا الروايه تأليفي لاا اسامح ل اي شخص نشر روايتي بدوون اسمي
