ع البركه

part 28

(اشتقت_لگك)

ريهام..، تي غير اسمعي مش اكيد حنديرها

فريال..، تي و غصبا عنك مش ح ديريها ت سمعي راهو يلي دويتيلي عليه هدا يمكن يصير فيها حتى رقب

ريهام خبطت راسها..، يا خايبه خيرك هكي خوافه

فريال..، اسمعي يلي دويتلي عليها المره الاولى هدي كويسه

ريهام..، اني قلتلك كان ماقدرناش انديروها انديروا هدي

فريال..، ااه يعني يلي فهمته منك هدا للأحتياط

ريهام بتقه..، بزبط

فريال..، لا حبيبتي ماتستحقش احتياط قلنا بنديروا يلي قلتي عليه المره الاولى يعني بنديروه و تمت

ريهام بتكشيخه..، تي باهي باهي

..

"روحت غفيتهاا نومم للعشيه نضت كالعاده تكسيده عالنت و لا تلفزيون مع خواتي هدرزه"

..

#تسريع_الاحداث

سجى..، تو تو ادبريلي في شخشير مادخلنيش

كوتر..، تي يا عش ماعنديش

سجى..، تي مش مره عطيتك شخشير وين مجمجتييه!

امي..، ياسر من العياطات

سجى..، امي قوليها كوتر تعطيني شخشير

امي..، كوتر اعطي لأختك

كوتر..، يا امي تبيني نخترعلها  ولا كيف

اني..، تي خيركن اتعايطن تو يسمعكن بابا يقول مافيش مشي بكل

سجى..، نبي شخشير

اني..، تو نعطيك و انتي امدايره هرجه عليه

سجى..، تو انوريك يا كوتر احسابك بعدين

امي..، هيا بسرعه ساعه خمسه جت

اني..، يوسف هياا اطلعناا

يوسف..، اطلعن انتن هيي

..

"طلعنآ احني التلاتهه و لما وصلنا غادي لقينا امينه بنت عمي حمد قعمزنا احني الاربعه نضت اني داخل بنقعمز شويا حدا ساره و بنطلع"

ساره..، امشي قعمزي تو ايفرقوا عليك الكيكه اتفوتك

اني..، انلحق انلحق😂

"خشت فريال داهشه"

فريال..، ايات قاعده هنا

اني بأستغراب..، نعم

فريال..، بالله عليك تعالي شويا نبيك

اني مستغربه..، ت.. تمام

(طلعت من الدار و دخلتني في دار تانيه فاضيه)

فريال..، بالله عليك نقصو علينا طروف الكيكه و مانبوش نحكوا قدام ساره و مانبوش انخوفها بالله عطيني نقالك نتصل بـ ولد خالي يزيدنا اني ماعنديش رصيد و مانبوش حد يسمع دويتلك انتي لان واتقه فيك