رؤوف..، ايات مافيش مشي لأهلك
اني بأستهزاء عاودت كلامه بعد اتخطيته و طلعت فتحت الباب رؤوف فك مني الشناطي
رؤوف..، ايات ماتخلنيش انفش غولي فيك
اني بأستهزاء..، ياااي ع أساس جديده قبل ماتفشش غولك فيا
"قوت ايات فكت الشناطي منه و نزلت تجري و رؤوف حاول يلحقها و ينادي عليها لين نزلت و يلقوا هل رؤوف امقعمزين يفطروا بات رؤوف لما شافهم انصدم"
رؤوف رفع صبعه فوق..، ايات ارجعي من دون مشاكل
"اني مندوي يقاطعني بات رؤوف"
بات رؤوف..، ايات قعمزي نتفاهموا
اني..، ياعمي والله معاد فيه على شن نتفاهموا
بات رؤوف..، يا بنتي والله عارفين ان ولدنا غالط و حقك على راصنا بس انتي يلي بدريه ماهوش حل بالعكس حتكبري المشكله و احني ياسرنا من المشاكل
اني بديت نبكي..، بس يا عمي
"قاطعها بات رؤوف"
بات رؤوف..، مافيش بس يابنتي بالله عليك اقعدي و اتفادي من المشاكل و نوعدك ان مستحيل يصير هكي مره تانيه
"ايات فكرت بعد ركبت الشناطي و رؤوف امصبي المهم ركبت ايات و سكرت على حوشها بالمفتاح تقصد ان ماتبيش رؤوف يركبلها"
بات رؤوف بحت في رؤوف..، اخخ منك يا رؤوف
..
"بعد ركب رؤوف و فتح الباب خش للحمام و بدل بعد طلع لقي ايات في المطبخ تغسل في لماعين"
رؤوف..، ايات
"ايات جاهلاته و دارت روحه ماسمعتاش"
رؤوف..، ايات ندويلك
"ايات التفتت و واضح على ملامحها الكره"
اني..، تحسابني قاعده هنا على خاطرك راهو على خاطر بوك و بويا مانبيش انخرب علاقتهم بسبايبك انت طبعا "و التفتت بتكمل غسل"
"رؤوف معاش عرف كيف يتصرف ولا يرد عليها طلع سيبها "
"ايات معاش قدرت اتحمل فوتتها بكي💔"
..
رؤوف نزل شافه بوه
بات رؤوف بأستغراب..، وين بتمشي
رؤوف تأفف..، بنطلع على حالي
بات رؤوف..، لا حول ولا قوة الا بالله
"طلع رؤوف من دون مايرد المهم مشي للبحر و بعد ماوصل طلع نقاله و فتح عالصور المحادثات و قعد يركز اكتر عالصور ..مرات يقول بالك ابراهيم يكذب و لكن صور ايات هدي ماخشش راصه بكل و حاير كيف بيدير يبيها المشكله تنحل زايد ناقص .. قعد يفكر رؤوف ياربي احني شن وصلنآ ليها المشاكل💔"
أنت تقرأ
ع البركه
Humorتحكي الروايه على بنت كدبة كدبهه متوقعتش انها ح توصل بيها للمشآكل و ه الكدبهه ح تسببلهآ كره و فراق⚡ #حب_لا_يفهم_الكلام_باليبي احتآج الدعم و طبعاا الروايه تأليفي لاا اسامح ل اي شخص نشر روايتي بدوون اسمي
