ع البركه

part 1

(#بنآت_حاآيرآت_😂)

امي... تي نوضن يا بايرااات ياا حايرآآاات ليا ساعتين انوض فيكن يا خاميرات نوم هدا كله سهر ع نت ف ليل نوضن حتى صبح ماصليتن و الجمعةه قريب بتذن نوضن..!

و سمع بوي كلمت ماصليتنش الصبح😶..، حي يا حي ان شالله ماصليتنش الصبح😨 نوضن يا كافرات الجمعه على اذان😠 ...

طبعا من اول ماسمعنا صوت بوي نضنا اني و اخواتي زيي عمود الضي و شعر انتينات مناضرنا وقته يجيب ستين يوم قبلي🐸⚡ المهم خش بوي..، ماشاءالله والله اني نقابح في خوكن و انتن طلعتن احرف منه ..

اني..، هي اني منخش الاولى..

سجى دفتني..، حولي اني منخش قبلك😒

اني..,😑

كوتر..، اني بعدها راه ..

اني انفعلت😡..، في عينگك الحولههـ اني دويت اول وحدة بس بطيبت قلبي خليتها قبلي

كوتر بأستهزاء..، الله علي اختي طلعت حنونهـ ..

اني..، امشي شوفي منضرك ف المرايا .....

قعمزت راجيت الانسة سجى قرون🐸

اني..، تي وينها سجى هدي شكلك سكنتي في الحمام .. تي اطلعي هيا عطيك كيه ..

طلعت سجى..، تجيكك ليّه ان شالله هههه

اني..، قبلي يااربي..

المهم خشيت للحمام و بعده طلعت صليت الصبح و خديت طاسة قهوة و قعمزت نبي نتسمسمها بالروق🌚 .. امي.. تحسابي روحك نايضة 6 نوضي ضمي يلي عليك و بعده قعمزي ..

المهم اني نضت بنسأل خواتي...

اني..، بنات شن يلي عليا اليوم ..

كوتر و سجى برقن ف بعضهن و ابتسمن ابتسامةه خبيثةه😼

سجي..، عليك المطبخ😌

كوتر..،و ديار 😌

سجى..، و الحمامات يلي برا و داخل 😌

كوتر..، و تسييق الجنان و تحشيش و تنضيف😌

سجى..، اممم و نشر الدبش بسس😊

اني😳 .. حطيت يدي على خصري ..، معاها بس.. ترا ي كدابات عطني الورقة الجدول بسرعه .. ولا وجهن قوس قوزح 🌈

كوتر ..، ااءءاا مشش ععندي على مااضن عندك سجى..

سجى..، ءءءلا ماهو عندي

اني..، تحسابني خايبةه امالا تفوتن عليا طروحكن 🌚.. فتشت يمين يسار لقتها تحت وسادت سجى فتحتها طلع عليا المطبخ و الديار الحمدلله ..

اني..، محقركنن معقولةه اني آياات بجلالة قدري يتفوت عليااا شييي😌

سجى..، كلاا انتي مايتفوت عليك شي 😑

اني..، ههه ترا شن عليك انتي ووو عليك الحمامات يلي برا و داخل مطيححح ساعدك😂😂..

سجى..،😩💔

اني..، وانتي كوتر وووو عليكك تعرفي شن عليك ي كوتر

كوتر..، مادكرينيش 😩

اني..، عليك تسيق الجنان و نشر الدبش 😂😂 مسكيناااتت اتسخفننن ياااروحي عليكن

سجى..، سكري فمك خير ما توا نعطيك كف تلقي روحك ف الطواري😑

اني..، ههه بالله عليكك عطيني كف كان فيها مشيهه للطواري بصراحة غادي طروف اشكال و الوان مهند و خوه😻😂

سجى منفعلههـ😡..، تعالي هي مش تبي تمشي للطواري بالك اتعرفينا على فرخ ياخدك انتفكوا منكك نوضي كوتر معايا ..

وخشت هيا و كوتر و بدن يضربن فيا🐸هاا كف من هنا و كاتشو من هنا و بوني و ترييش شعر و عياطات اني شلفطت كف لـ سجى ردتهلي ب نتشة 🐸🌚بنعطي نتشة لـ كوتر نحسابه كراعها طلعت كراعي 🌚و فوق بعضنا و قامت ف دارنا حرب البسوس 🌚ختمتها امي🌚 بالعصا علينا و كل وحده هربت في مكان حازت مسكينه كوتر ف تركينه😂😂 كلا اني و سجى هربنا اني ركبت فوق السطوح و سجى في دولاب المطبخ و كوتر حصلت زقدات سمحات من امي 😂💔

امي..، ماشالله والله يلي ف اعماركن بصغارهم و انتن قاعدات اتريشن ف بعضكن زي العويلة امتى بتكبرن وينك يا سجى و ايات تي والله كان ماتطلعن الا واخده منكن النقال اسبوع كامل.. طبعا سجى من اول ماسمعت

انه فيها وخدة نقال مستعدة ضحي بنفسها ع خاطر شكفتها ..

سجى ..، اءءني مادخلنيش ولله كله من ايات

امي..، ايااات ايااات

اني..، نعم

امي..، جلم يجلم لسانك انزلي بسرعهه ...

اني..، والله ماعاد انعاودها امي سامحيني و الله خلاص

سجى..، ماتسامحيهاش اضربيها .. امي ضربت سجى ..، سكري فمك

اني طلعتلها لسانها بمعنى تستاهلي 😛😂 .. و امي خشت فيا ضربب كلبة سجى تضحكك و كوتر فاتحة عزي ف دارر 😂 المهم ماما قالت توا كل وحدة اتنوض ادير يلي عليها و الله نلقا مش مدايرا يلي عليها غدوا عليها الحوش كامل .. المهم نضنا احني الشغالات التلاتة🐸 و ماما بتعصد قريب بروحوا خوتي و بوي من الجمعه المهم درت يلي عليا و تغدينا و بعد ماكملت كسدت ع النت و اني و خواتي فتحنا برنامج المسامح كريم 😂 حسيت روحي ف العيد الخجل يلي قاتلني 🐸😂 اتسامحنا و هدرزنا
كوتر..، حي ي بنات قالي غدوا عازمك ع الفطور ف الكلية😍

سجى..، الله اسمعي ادلعي و اطلبي يلي تبيه و ماتخليش روحك خجولة و فلسيه و اجبدي منه ماني و قوليلا وتيلي فيلا من توا كان هادا ماتحلمش بيا😌👌

اني..، ف عينك ليش البنت تبي تخليها وحدة قليلة دوق اسمعي خليك انيقه و كولي بأناقه لان انتي همجيه ف الايكال و اطلبي حاجات خفيفة و انيقة متلا بدال ماتقولي باسطي قولي كيك" و بدال ماتقولي عصصير قولي عسير فرش فهمتيي كوتر..

تاني يوم . نضت خشيت للحمام و بعد طلعت صليت و شربت قهيوا و قعمزت عندي امتحان تاريخ استاد الدراه عطا مشيا للمريخ عدبالله منه موعر امتحناته متقل دمه قريت شوي 🐸💔 و بعد عديت للجامع طبعا نقروا اني و سجى.. كوتر كليه متقدرش.. طبعا اتصلت ب كوتر ماتردش قالتلي سجى بالك ع صامت ... المهم كل ما روح من الجامع نتكوا على دكان نشروا شكلاطة كل يوم وحدة تدفع ... #يتبع طبعا الحلقةه الجايا انعرفكم على بطل الرواية ❤🎉
r0una_03

تفاعلووا