ع البركه

part 26

(علاقه_معقده)

سجى..، اياات راجينيي

(وقفت)

سجى..، خيرك طلعتي

اني منفعله..، تي اني نحسابه بطل منها الخدمه ليه فتره غايب ماصدقت!

سجى..، تعرفي لما طلعتي برقت فيه رؤوف لقيته عيونه سارحات معاك و عيونه بيدمعن

اني..، بالنسبه ليا من توا معاش يهمني!

(سكتت سجى مبتش اتزيدهاا)

..

رؤوف كان امخطط شي م صارش منها بكلل و قعد يفكر كيف بيديير لين خطرت عليه حاجه .. بعد خطرت عليه بيتصل ب ريهام دور رقمها و رن

..

ريهام قاعده في حاله مايعلم بيها الا ربيي و اتخمم كيف ادير! كان بتقوللهم حتنقهر و ح تسيب رؤوف و تخاف من كلام صحباتها عليهاا و كان بتسكت رؤوف ح يفضحهاا و ح تكبر المشكله ضاقت عليها الدنيا لين تسمع النقال يرن ركزتله من بعيد لقت رؤوف ناضت خايفه و زادت خوف ردت عليه بصوت مخنوق

ريهام..، الو

رؤوف..، شن صار معاك

ريهام..، رؤوف بالله سامحني والله من حبي ليك درت هكي

رؤوف..، كان هدا اتخربي حياة غيرك

ريهام..، والله مش قصدي تخريب بس ارجوك رؤوف سامحني و ارجع رؤوف يلي نعرفه رؤوف يلي كان ايحبني و ما يشوفش في غيري

رؤوف..، ريهام! خلاص!!.. اني ديما ندويلك فيها انتي اصبحتي بنسبالي بنت عمتي مش اكتر و انتي تعرفي عليش خطبتك .. لكن طلعتي كذابه بزياده !! معناها حالياا مافيش شيي يجمعناا تمام؟ خلاااص اني ح نخليك اتفكري لـ بكرا و لما اتقرري دزيلي رساله ..(و سكر)

"رمت ريهام نقال و كملت باقي عياطها"

..

جي الليل و جت الساعه 9 و قرر رؤوف يدزلها ايات عالمسنجر

..

بعد كملت عشايا خشيت بنكسد عالنت نلقا رساله جايتني من رؤوف تأففت و طاترلي منه و لكن كان عندي فضول انشوفها

..

رؤوف:-

* ايآت في كلام نبي ندويهلك و كان نبي ندويهلك في الدكان بس انتي م عطيتينيش فرصه ندويلك .. اني عارف روحي اني غلطت معاك و ماعنديش حق .. و سيبتك لان وقتها اسكرت عليا الدنيا و م عنديش الا الحل هدا و نادم لان استعجلت في قراري اني خديت بنت عمتي بس بعد ايام ح نسيبها و مش مهم ليش سيبتها ..المهمم اني كله يلي نبيه منك ان تسامحيني و ترجع علاقتنا كيف قبل و نوعدك ان ح نسيك ف يلي درته كله و مستحيل يصير مره اخره*

..

لما قريت الرساله اول حاجه فاجئتني رؤوف بها السرعه بيفسخ خطبته😳.. تاني حاجه بعد ما لعب بيا و سيبني و بعد ما لعب في بنت عمته و سيبهاا مزال طامع ان عندي تقه فيه و بنرجعله.. طبعا طارتلي و اسلوبه استفزني ف محبتش و اصلا ماعنديش فضول نعرف خيره سيبها لان عادي ماشي في دمه يلي داره فيا بديره في غيره فكرت فكرت غم عليا الشيطان و خطرت على بالي حاجه...