ع البركه

part 12

ان انكلمه.

سجى مررت يدها ع وجهيي..، هوووي وين سرحتي

اني برقت فيها..، معاك حق

سجى باستغراب..، ف شن معايا الحق

اني بفرحه..، ان انكلمه و نخلي روحي طبيعيه و بعد يجي الوقت و انصارحه و تمت

سجى بخوف مع روحهااا خيرها شكلها هبلت..، ايي

اني مسكت فوني و فتحت نت الشفره و بحتت على اسمه و درت طلب صداقه و خشيت نجري خاصص .

اني..، آهلين..

و سكرت فوني

اني بفرحه..، هي نطلعوا نتغدوا

سجى بأستغراب..، اوكك اسقدي قدامي

طلعت لقيت خوتي في صفره بروحهم يتغدوا و احني صفره بروحناا برقت كوتر فيا بأستغراب لقتني فرحانه لمحت لـ سجى بمعنى خيرها اشرتلها سجى بمعنى هبلت😂 بعد كملنا الغدي ..

اني..، يوسف يا فرخ تعال😂

يوسف..، معاش اتقوليلي فرخ

اني..، فرخ ونص امالا شنو

يوسف..،😡

اني..، هدينا روحك طشه.. و اسمع راهو فطومه صاحبتي  قتلك

يوسف بتشوق..، شن قتلك

اني..، ماهيش موافقه😌

يوسف بحزن..، ليش

اني..، الله غالب #نصيب_الدنيا

برقت فيه لقيته مسكين ناقص بس انحطوله شريط غنيه هنديه حزينه😂😂 تعرفوها غنية مسلسل هندي غدر الزمن عليك مسلسل منكدي كلا هو😂😂😂

اني..، تي انبصر يا خايب قتلي اوك عطيه رقمي

يوسف بفرح مع حمقهه..، مبردك انتي و بصارتك الزايده

اني..، لكن رقمها مش بساهل تاخده

يوسف بأستهزاء..، ولله

اني..، ايي يا حنه

يوسف..، شن مقابل الرقم

اني..، باكو شكلاطة #ميستروا😻

يوسف بشهقه..، مصح وجهك وخلاص باكو ميستروا حتى كان انبيعك انتي و المطيورات يلي معاك مايجيب نصه الباكو

اني..، باهي نبي شكلاطة ميستروا انييي😿

يوسف..، انجيبلك بس مش باكو تحسابيني امالا راقد على بنك روما

اني..، تي باهي . طير امالا جيبلي شكلاطه

يوسف.. انتي طيري من على وجهي بنرقد ف العشيه انجيبهلك هاتي الرقم

اني..، لالالا الشكلاطه في يدي الرقم ف يدك

يوسف..، انتلفي من حداي خير مايجيك كف توا😒