ع البركه

part 36

(صدمة)

بات رؤوف لما قري الرساله انصدم اول حاجه ياربي كيف عرفني ان اندور فيه تي هدا جن و لا بني ادم .. المهم كاتبله رقم و المكان يلي قاعد فيه وافق بات ايات و طلع دغري للمكان يلي فيه الشخص المجهول

..

من اول ماوصل للمكان طبعا كان حوش خراااب  وريحة عفنن و لقي  تحته فار يجري بعد يفتح الباب يلي شكله بتقول طالع من حرب العالميه التانيه

الشخص المجهول..، اتفضل

بات رؤوف انفعل..، اسمع انت تعتبر حاليا في رقبتك دين معايا

الشخص المجهول..، غير خش خلينا نتفاهموا و احني امقعمزين

..

بات رؤوف..، اول حاجه من انت و شن اسمك

الشخص المجهول..، معقوله ماذكرتنيش

بات رؤوف ناض بعصبيه..، مش وقت البروده !!بتقولي من انت و لا قسم بالله نرتكب فيك جريمه

الشخص المجهول انفعل..، يا قهرتك اني خوك   رمضان يلي واخد ولدي و كاذب عليا  وقت ولادت مراتي قلتلي ان ولدي مات و هوا طلع عايش و حاليا امفكر انك انت بوه لكن في الحقيقه اني يلي بوه هدا ولدي من لحمي و دميي .. اني سرقت فلوسك لان هبلت و هبلت من وراك انت بعد ولادت مراتي مات ولدي يلي كنت ليا سنين انراجي فيه بعد حرمتني منه ليش هكي ادير! و بعد لحقت مراتي ماتت ..ليها درجه تكره خوك اني  قعدت عايش بروحي و لا كأن كان عندي اخ يسأل عليا و لا هم يحزنون!!
 

"بات رؤوف طول اذكره و مش مصدق يلي سامعه"

بات رؤوف معاش عرف شن يدوي..، اءء باهي انت وقته كان جيتني و قلتلي ان محتاج فلوس راني عطيتك ليش تسرق راهو من وراك ضلمت ناس و درت مشاكا

رمضان "خلاص الشخص المجهول اعترف على نفسه"

رمضان..، كان تبيني نمشي نشهد معاك  عطيني"و سكت"

بات رؤوف..، كمل كمل

رمضان..، تعطيني ولدي رؤوف

بات رؤوف انصدم ..، شن اتقول انت😳 بعقلك!! معقوله نعطيك ولد وانت بها الحاله شوف حالتك شوف روحك انت و شوف حال حوشك و حالتك الماديه و الله لو رؤوف يعلم ان انت اتكون باته تحساب روحك بتفرحه و لا بتعيشه في سعاده تي راهو العكس يخش رؤوف في حاله نفسيه انت لو صح اتحبه و تبي يعيش في امان و فرح خليه يعيش معايا  و خليه مقتنع ان عنده عيلة و خوت ..

"رمضان حس ان كلام بات رؤوف صح قعمز على الوطا و سرح بحزن و بدا يخبط على راصه"

رمضان..، كنت نتمنى يكون عندي مرآه و ولد يحمل اسمي و نفتح عيله💔

بات رؤوف..، و اني صدقني يا رمضان ولله درت هكي لان انت وقته كنت ماتوعاش من السكير بكل انت صح لما سمعت مراتك حامل حاولت اتسيبه لكن ماقدرتش اني انروقب فيك كل مره ونلقاك تشرب اني يلي سخفني هوا الولد يعني لو عاش عندك راهو كان ضايع و ماضنيش عاش ابدا.. اني درت هكي من خوفي عليك و على ولدك و اني ولله لو كانت حالتك كويس نعطيك رؤوف ع العين و ع الراص لكن رؤوف طالع من ازمة العمليه و هكي اني حاليا انحاول انصلح المشكله مع العيله يلي ضلمتها بيش رؤوف يقتنع و يرجع للبنت يلي يبيها.. انت لو اتحبه ولدك و تبيه يعيش في خير و سلام دير يلي انقولك عليه و نوعدك ولدك "و خبط رقبته" امانه في رقبتيي