ع البركه

part 23

(آآخخخ_يآ_قلبيي_💔💔💔)

فريال:-

*ايات ادعيلي ربي يحققلي حلميي😍*(تقصد خطوبة خوها)

اني بكل حسن نيه:-

*ان شالله ربيي يحققلك حلمك❤*

فريال:-

*شكرا والله انتي مافيش زيك*

اني:-

*ههه تسلميي شن درت اني*

فريال:-

*ماعندكش فضول شن هوا حلمي*

اني:-

*هدا حلمك و اني مالياش دخل انقصقص عليك😂*

فريال:-

*لالا عادي انقولك*

اني:-

*انت لو حابه تقولي مافيش مشكله*

فريال:-

*الحق خويا يبيي ياخد بنت عمتي و هوا خويا بيهبل عليها و خايفين هلها يرفضوا هدا علاش*

"اني لما قريت الرساله حسيت بضيق لكن مخطرش عليا ان تقصد خوها رؤوف"

اني:-

*ان شالله يصير نصيب*

"فريال استغربت قبل تحساب بتسألها اي من خوتك"

فريال:-

*ان شالله*

..

ريهام بفرح..، شن صار قهرتيها ايات😍

فريال..، الغبيه مافهمتش

ريهام..، كييف؟

فريال..، "و حكتلها عالمحادثه"

ريهام..، اسمعي امالا شن اتقوليلها بكرا

فريال..، احكي

ريهام..،/////////////

...

سجى..، و خيرها جايه تبي منك تدعيلها امالا قالولها انك مرابطيه ولا شنو

كوتر..،ههه حقاا مافهمتيش شن حلمها

اني..، قالتلي خويا يبي بنت عمتي و مش عارفه و خايفين يرفضوا

"كوتر و سجى طول فهمنهاا"

كوتر قربت..، ماقتلكش اي من خوتها

اني مزال مافهمتش..، لا ماقتليش ، خيره؟

سجى..، تخافي يكون خوها رؤوف

اني انغميت وقتها..، مستحيل عاد ،(ماسكه دموعي ) مستحيل اكيده في خوها الكبير لان رؤوف قالي قاعدين يدوروا لـ خوهم الكبير
مش عارفه على ما أضن اسمه فف فؤاد

كوتر..، الله اعلم ، تي باهي خيرك ماسألتيها

اني..، ماخطرش على باليي   ، (برقت فيهن بعيون حمر و صوت مخنوق) تعرفن و حقربي كان يطلع رؤوف!! (غمضت عيوني معاش قدرت ندوي)