ع البركه

part 33

(حقائق_مخفيه_💔)

"ايات بعد ماسكر عليها رؤوف غرقت ب دموعها قاعده في دار بروحها امسكر عليها الباب و الشبابيك امسكره عمران لين حل الليل و هيا محبوسه في الدار طبعا ام ايات و خواتها خايفات تنتحر و لا ادير شي في عمرها لان حاولن اكتر من مره ينادن عليها ماتردش و هيا وقتها ايات كانت في حاله في حياتها ما مر عليها الحال هدا💔💔"

..

ام رؤوف حست بغصه في قلبها قعدت اترن على رؤوف ينادي و مايردش اتصلت بـ بات رؤوف. و قالتله ان رؤوف مزال ماروحش قعدوا فؤاد و فراس يدوروا فيه لين دارو برنامج موقع النقال و مشي بات رؤوف و خوته يشوفوه لقوه السياره مقلوبه و معجنه اتوقعوا ايشوفوا رؤوف امعجن مع السياره قعدوا يجروا من جيهته حاولوا اتصلو بالاسعاف جري طلعوه عقابات الليل و رفعوه دغري للمستشفى و قاعد تحت العنايه المشدده و خبرهم الدكتور ان حالته خطيره و تو نعرفوه الاسباب بات رؤوف شاد راسه و نادم عالشي يلي داره و كلا من فؤاد و فراس يراجوا على اعصابهم و لما سمعت ام رؤوف قريب ماهبلت لحقتهم في المستشفى و فريال كذالك طبعا فريال مش سامعه بقصة الخطوبه ابداا ..

..

ايات في الليل خشن عليها خواتها بدرقه على عمران و هدرزن معاها و هك و بعد رقدن و كلا من ايات اتحس في قلبها بيطلع من مكانه و كأنه مش لاقيه نفس طلعت عالبلكونه اتنفست شويا و مالقت روحها الا ماسكه النقال و اترن على رؤوف

..

النقال حدا فراس و لما رن لقي مكالمه من اسم "حياتي" طبعا فؤاد و فراس مش عالمين بالقصه الخطوبه ابدا ف فراس مايبيش يرعشها و يخوفها عقاب الليل ماباش يرد اول حاجه بعد اكتر من مكالمه رد عليها

فراس..، الو

اني استغربت هدا مش صوت رؤوف بعد تأكدت من رقم و رديت..، الو من معايا

فراس..، هدا اني خوه فراس

اني زاد الخوف في قلبي ياربي وين رؤوف..، امالا وين رؤوف

فراس..، ايات بندويلك و يآريت اتهدي روحك شويا

اني زاد خوفي اكتر و اكتر و دمعن عيوني جري و بديت نرعش..، ادوي ادوي ماتقوليش صار شي لـ رؤوف بالله عليك ادوي

فراس..، رؤوف امبدري دار حادت

اني من رعشه طاح مني النقال..، اءء انت شن تقول

فراس..، والله هدا يلي صار💔

اني نبكي و نرعش و ننقز قي مكاني..، ب باهي ك كيف حالته خطيره واجد ولا كيف

فراس..، ولله مزال ماخبرنا الدكتور

اني..، بالله عليك كل شوي طمني على حالته ابعتلي رساله بالله ماتخليني مشغوله بالله عليك