ع البركه

part 35

(#قاتلنا_الفضول)

فؤاد..، انت تعرفه الراجل هدا قصدي مزال قاعد حي الشيخ عبد الحكيم

بات رؤوف..، تي اولى امس بس كيف مشيتلا في حوشه و متلاقي معاه يحسابني جايا علشان المشاكل

فؤاد..، امالا انت عليش ماشيله

بات رؤوف سرح بحزن..، رؤوف قالي نبي نخطب بنت انشوف فيها حوشها هدا و هوا لما قالي ان البنت تقرب لـ صاحبي فرحت يعني اتريحت ان هديما ناس كويسين لكن شكله غلط في العنوان و دلني على حوش الراجل يلس متعارك معاه و بعد هوا فهم غلط بدينا مشاكل اني وياه..

فؤاد منصدم..، ان شالله رؤوف نهارها ماشيين على اساس بتخطبوله

بات رؤوف..، اي

فؤاد..، لا حول ولا قوة الا بالله باهي تو كيف بيصير لازم تعدي تتأسف منه الراجل

بات رؤوف سرح بحزن..، اكيد بعد ما ينوض رؤوف و هكي نمشوا اني وياه و ان شالله يسامحني بسس

فؤاد..، ولله مشكله..

..

تاني يوم وعي رؤوف جو هل رؤوف كلهم و قعمزوا حداه فراحنين بيه و كان رؤوف فاقد الاحدآت يعني مش فقد الذاكره بكلل يعني نسي روحه ان دار حادت و كيف صار الحادت..

ام رؤوف..، يا وليدي خوفتنا عليك بالله عليك معاش تسرع سواقتك

رؤوف يهدي في امه

فريال..، خلاص يا امي المهم حي

رؤوف..، وين بويا خيره ما جاش

"و على خشة بات رؤوف"

بات رؤوف..، حمدلله على سلامتك

رؤوف..، الله يسلمك

بات رؤوف..، اني سألتهم امتى الخروج قالولي في الليل

رؤوف..، ووك شن بيجيبه الليل

بات رؤوف..، شن حالك مافيش شي يوجع فيك

رؤوف..، عال العال

"فهم فؤاد من كلام بات رؤوف ان يبيهم يطلعوا طلعهم و قعدوا بات رؤوف و رؤوف بروحهم"

بات رؤوف..، طبعا انت مذكر يا رؤوف انك درت حادت

رؤوف..، اي اذكرت

بات رؤوف..، و مذكر شن يلي قبله

"رؤوف قعد يذكر لين اذكره و اذكر كل شي صار هداكا اليوم و اذكر ايات و حبها الشهور معاها و طبعا ضايق"