من يومياتي أنا وضرتي و غاجلنا جاد (باللهجة الجزائرية)

الجزء الثاني (١)

كنا في الصالون قاعدين فوق الفوتاي نتفرجو في فيلم أكشن جاد قاعد في الوسط وأنا من جيهتو ليمنا وضرتي أماني من جهتو لسرا شاد في يدو البابوكورن وناكلو كامل من عندوا الفيلم كان فيه رعب و أكشن بزااااف انا وضرتي خطرة خطرة نغطو وجهنا ولا نعيطو بلاعقل بلاعقل حتى لسقنا في جاد وهو كي الحجرة مرفلو جفن يتفرج عادي بقينا هكاك حتى خلاص الفيلم و الحق الوقت لي نروحوا لفراشنا وهنا تبدلت القسمة وكل وحدة فينا تقول جاد يرقد أمعايا بسك ضرتي غيرما كانت في دارهم ونرنالمو ديك ليامات جاد يبات عندها مي كي مكانتش رقد امعايا 

أنا: لالا يا ضرتي دالتك طارت .

ضرتي: وراسك يا ضرتي لعزيزة غير ليوم لمبات عندي .

أنا : وبرحمت الغالي لي عندك اليوم دالتي أنا مقلتلكش روحي لداركم.

ضرتي: مي انا توحشتهم حبيتني منروحلهمش .

انا:توحشتيهم عيطيلهم يجو عندك .

ضرتي: اواااه ماشي كيما انا نروح لعندهم .

وهذا كامل جاد واقف في وسطنا ويشوف معانا يستنا نفروها وليت أنا شديتو من يدوا وجبدتو لعندي .

أنا : تصبحي بخير ضرتي 
روشتلها بيدي وحبيت نستفزها كتر وقلتها بدلال : بااااااي

حتى هي زادت شدت جاد وسحباتو ليها 
ضرتي: ااااه هكا منتفاهموش جاد ليوم يبات معايا دالتي أنا كي مكنتش هنا خليتهولك دوك يرجع ليا.

أنا: نونو معايا انا 

وبقينا هكاك انا نجبد لعندي وهي تجبد لعندها حتى تقلق السي راجلنا وعيط على صوت جهدوا حنا كي سمعناه طرنا لسما ونزلنا خلاعنا ونطر يديه من يدينا حسيناه خلاص كلمة يقطعلنا لسانا تصمرنا في بلايصنا وبقينا نخزروا فيه بخوف 

جاد: ق****عليا في زوج نبات في جهنم الحمرة كل وحدة طير لبيتها حسكم منسمعوش ظاهر فيا دللتكم بزاف توحشتو الفرعون لي داخلي يخرج ايا طيروا من قدامي .

تسرسبنا أنا وضرتي كل وحدة دخلت لشمبرتها وغلقت الباب كنت راح ندخل لفراش شديت تيليفوني لقيت 3 ليزابال من نمرو غريب مهتميتش طفيتو ورقدت........يتبع

#أريولة