جاد: يا الرب انطقي واشبيها فريال أماني حكي متبقايش ساكتة
أماني وهي تشهق:ملقيتهاش
جاد:كيفاه ملقيتيهاش!!وين راها ؟؟ وين راحت !!
أماني : معلاباليش أنا كنت نمشي وهي كانت مورايا كي لحقت لطونوبيل ملقيتهاش عاودت وليت نحوس عليها لقيت براسلي انتاعها ولقضيان طايحين في الأرض ....
جاد: هذا يعني..حل عينيه على وسعهم : قصدك فريال مخطوفة
هزت أماني راسها بنعم طلقها جاد وحط يديه على راسو و أماني قعدت فوق لفوتاي جاد لعصب باين فيه وقعد يخمم غير في شكون لي خطفها أكيد واحد من أعداءو راه حاب يطيحو وحكمو من اليد لي توجعو أماني بقات غير تبكي وحملت روحها المسؤولية عيط جاد بجهدو ورفد الطابلة لي كانت في صالون وقلبها حتى أماني تنفضت من صوت صياحو حط يديه في خصرو وخزر للبلافو يحاول يلقى حل باه يوصل ليا ..
أما أنا بديت نفيق حسيت عينيا ثقال لأني كنت مخدرة لقيت روحي في غرفة راقية مي الحاجة لي شدت إنتباهي كثر هي لوحات لي كانو معلقين كلهم حاملين ليفوطو أنتاعي سمعت صوت الباب يتفتح أكيد يكون لي خطفني قعدت نستنا يتفتح ونعرف شكون قلبي كان يخبط في 90 وأخيرا ظهر ...
حليت فمي على أخرو حطيت يدي عليه وشهقت هذا نفسو لي كان يراقب فيا من شهور لابس كوستوم في النواغ شعرو كحل وهو جاي سمر ومام عينيه كحولة طويل وعريض بدا يخزر فيا خزرات ربثوني ماعرفت راه ناوي الخير ماعرفت ناوي الشر..
غلق الباب وتقدم ليا و أنا ملامح الخوف و الصدمة مراحتش من وجهي جبد كرسي وقعد فوقو مقابلني بتاسم بجنب وحكا : ملاكي فريال مرحبا بيك عندي 😈
زدت وسعت عينيا فيه نستوعب واش قال زاد تكى على الكرسي وحط رجل فوق رجل جبد سيجارة شعلها جبد جبدة ونفخ وعينيه فيا زدت تربثت كتر ملي كنت مربوثة بتصرفاتو هاذي و أنا في عقلي الاسئلة راها تضارب ....
المجهول : شبيك مخلوعة متخافيش راكي على العين و الراس الريح ميقيسكش .
بهاذ الكلمات تنفست شوية خزرت فيه وقلت: علاش تصاوري معلقين هنا ؟؟
وهذي الفوطو وريتلو بيدي عليها:راها ملي كنت نقرا في ليسي واش دير عندك!! و أنت شكون!!واش تستحق مني؟؟لاه خطفتني ؟و....
قص عليا لكلام المجهول:تسقسي بزاف ولجواب راه بين عينيك مدريتش هذ سنين بدلوني لهذي الدرجة حتى وليتي متعقليش عليا..😏
بقات الكلمات لي قالهملي يدورو في راسي من كلامو يتسما أنا نعرفو واش قصدوا بالجواب لي راه بين عينيا عاودت خزرت في لوحة كنت لابسة سالوبات وشعري يدي فيه الريح نشفى هذا النهار كنا رحلة و أنا نسترجع في ذكرياتي حتى خزرت فيه بصدمة وقلت :آدم!!😲😱
خزر فيا وضحك سنانو كلهم بانو وقال:و أخيرا تفكرتيني ياسيدة الحسن و الجمال............يتبع .
#أريولة
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
آآدم 😈❤☝☝ رايكم فيه ؟! ___________________ نفذتو شرطي و أنا عند وعدي 😍 مرسي فرولاتي 🍓
واش رايكم بالبارت صامط ولا مليح ؟!
توقعاتكم خطوني من كملي حطو تعليقات ذات معنى نحب نقرا واش تفكرو علقو بين الفقرات بنييييز 😍
