في الصباح نضت بعدما غسلت ولبست عليا خرجت من شمبرتي وفي طريقي للكوزينة لقيت جاد راقد فوق الفوتاي راقد معثب رحت ليه حطيت يدي على صدرو و اليد لوخرا على شعرو الذهبي غاضني مسكين مررت يدي ونضت رايحة للكوزينة وقبل ما نبعد عليه سمعتو قالي صباح الخير.
أنا تبسمتلو وقلت: صباح النور صبحت مليح !
جاد: هاذي حالت واحد ناض مليح .
تقعد يكسل في يديه ويتثاوب لوكان زاد شوية كنت ننقض عليه حكمت روحي بالسيف .
أنا: غسل كي تكمل تكون وجدت القهوة .
جاد :أماني مزال مناضتش ؟
أنا: ايه واقيل مزالت راقدة .
مرجعليش خرج من الصالون وانا رحت للكوزينة نطيب القهوة وجدت الطابلة دخل جاد حطيتلو قهوتو وحنا هكاك دخلت ضرتي .
اماني: صباح الخير.
أنا : لي مشافكش خير .
جاد قحرلي وانا قلبت عينيا عليه :صباح الخير .
قعدت اماني في بلاصتها وقالتلي : كبيلي قهوة .
خزر فيا جاد وانا خزرت فيه انبعد فيها تاع من نيتك واش تحكي
أنا : من وكتاه كنت نكبلك القهوة نجي نشربلك خير ولا نبلع في بلاصتك.
ضرتي: واذا فرغتيلي راح ينقص من عمرك !
جيت نحكي مي كي شفت جاد بدا يتقلق وليت بلعتها محبيتش نوضوها مع صباح ربي وليت فرغتلها وهي تخزر فيا وتتبسم كشغل عاجبها الحال وانا لوكان شوية ونقتلها كملت عمرتلها وحطيتلها الكاس قدامها شربت منو وقالتلي : يعطيك الصحة حلوة عسل .
راح جاد الخدمتو و أنا وضرتي بدينا الميناج لدار بعد ماكملنا رحت نرقد نريح وأنا مكسلة في فراشي حتى دخلت عليا أماني بطبسي فيه حلوة باينة مخدومة غيرما
ضرتي : هاكي دوقي هذاوين طيبتها واش رايك فيها ؟
أنا حرت فيها واش بيها اليوم واش سر لمحبة هذي كامل لي طاحت عليها من جيهتي حتى الميناج الأغلبية دارتو هيا كلما تشوفني شديت حاجة تقولي خليني أنا نخدمها وكي ذقت ذيك الحلوة جات هايلة وكي قلتلها جات مليحة ماتت بالسعادة خرجت وخلاتني هايمة حايرة واش سر لي موراها!!
#أريولة
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
