من يومياتي أنا وضرتي و غاجلنا جاد (باللهجة الجزائرية)

الجزء الثاني (١١)

جازوا سبع شهور من نهار شفتو تحت الدار.. الشهور لولين كان ديما يجي مي 3شهور اللخرين مجاش كنت كل يوم نطل منلقاهش تعمدت منخرجش من الدار ومام أماني كي تروح لطبيب كان يديها جاد ويرجعها هو جازو سبع شهور ولبيبي مهبلنا وأماني مع وحمها خرجتنا من عقلنا شحال من خطرة حكمناها تاكل في التراب هبال و الله ماعيينا نعيطو عليها حقا !!  عرفنا جنس لبيبي خرج طفل 😍

     اليوم قررت أماني نروح أنا وياها نشرولو حوايج وجدنا روحنا وخرجنا مع شيفور وصلنا للمول قضينا قش للبيبي كي جينا خارجنا كانت ضرتي أماني تمشي قبلي و أنا نمشي موراها حسيت بحاجة نحطت بين نيفي وفمي ويد مكبوسة على خصري ويديا مقدرتش نعيط باه تشوفني وتنتبه ليا أماني بديت نفشل خاصة كي بعدت عليا طاحو الساشيات لي قضيتهم من بين يديا وبداو عينيا يتغمضو حتى وليت منحسش كامل وصلت ضرتي لعند الطونوبيل حتى لاحظت بلي مانيش موراها ...

أماني وهي تحكي مع الشيفور : مشفتش ضرتي!! اي كانت مورايا

شيفور: لا مدام مشفتهاش بلاك راحت تشري!!

أماني: لالا قضينا كيف كيف أنت بقى هنا و أنا نروح نحوس عليها و اذا جات قوللها تستناني لازم نولو كيف كيف .

شيفور: حاظر مدام

راحت أماني تقلب عليا وفي طريقها للمول شافت الساشيات لي كنت رافدتهم طاحين في الأرض وبراسلي لي هداهولي جاد في عيد ميلادي تاني طايح 

أماني: هذا تاع فريال لي مدولها جاد وهذوا الساشيات انتاعها هذو علاه طاحو في الأرض وهي وين راها ياااربي يكون لي راني نخمم فيه ماشي صح .

بدات أماني تعيط بصوت جهدها بإسمي معلابالهاش راني في عالم الأحلام و راني بعيدة كل البعد على ذيك البلاصة بدا الخوف يسكن فيها غاضتني مسكينة 😖

أماني: يا ربي وتكون بخير ليوم جاد يقتلني علاه خليتها مورايا لوكان مشات معايا ولا قدامي هذي وين تكون راحت ايي بلاك رجعت عند الشيفور أماني هدني روحك مابيها والو ...

كوراجات روحها بدوك الكلمات رفدت القضيان هذاك ورجعت وين الشيفور مي المشكل أنا مكاشني زادت ترعبت كتر ولات قالتلو رجعني لدار الظلمة بدات الطيح وهكا شوية يجي جاد وصلت لدار بدلت عليها وقعدت تاكل في ظفرتيها وتهز كرعها بتوتر تستنا في فرعوني يجي وهي هكاك سمعت صوت الباب يتحل مع نفتح وقفت في استعداد تام .

جاد: أماني وشبيك !!لاه وقفة هكا ووجهك ميتفسرش كلش مليح.

أماني:...........

جاد قرب لعندها : قضيتو للبيبي وينها فريال عاودت قفلت على روحها!!

بداو عينين أماني يتعباو بالدموع 
جاد شدها من كتافها: شبيك أماني كاش حاجة توجع فيك ؟

أماني حكات بصوت مخنوق: فريال ..

وطرطقت بالبكا جاد و الخوف باين في وجهو زير على كتافها: شبيها فريال أماني ......يتبع 😈
       
                      #أريولة
_________________
واش رايكم؟!

البارت هذا في خاطر @JalbaBista😍
خلاتلي ميساج هبلت بالضحك الطفلة شبعتني تبهدايل 😂 الحق خفتها هههههه

علابالي دوك تسبوني حبست في لحظات مشحونة 😈 توقعااااااااتكم بنييييز حابة نعرف واش راكم تخممو 😍
بنات يلحق البارت هذا 20فوت نحط البارت الجاي ❤ الأغلبية يقراو ويهربو اذا درتو فوت والله مينقص من عمركم 😘
مبقالي غير نقوللكم تشاو في لامان 👋