من يومياتي أنا وضرتي و غاجلنا جاد (باللهجة الجزائرية)

الجزء الثاني (١٨) النــهايـة😍

غطيت وجهي بيديا وطلقت صوت آآآآآ لا ارادي شفت الضربة ملحقتنيش خزرت في جاد رحت ليه شديتو من يدو دموعي تسيل ويدان.

أنا:جاد خلينا نروحو لدار اديني عند أماني

جاد:حتى نشوف هذا الطحان في لحباس باه نهدن 

أنا علابالي جاد راسو حجرة ومراحش يرضى بسهولة وغاضني آدم قلبو هو لي خلاه يتصرف هكا عذراتو ومسامحاتو حباتو يعيش معيشة مليحة عارفة بلي جاد راح يرشيه في الحباس قلتلو بصوت تعبان ومذبلة عينيا:عيانة وحابة نريح مسامحاتو و أنت بمعزتي عندك خليه يروح يشوف حياتو بعيد علينا 

بقيت نحلل فيه حتى رضى سمعنا صوت ينادي بأسمو ويقول الطيارة راح تقلع .

أنا:آدم روح شوف حياتك متخزورش موراك وبقى تحاول تنسى واش عشت هنا.

مسح شفتو من الدم خزر فينا وتبسم حكى وكلامو موجه لجاد:تهلى فيها متنساش ديما راني موراها.

جا يرجعلو جاد أنا حكمتو بعث أدم بوسة في الهوا يستفزو بيها وراح رجعنا لطونوبيل جاد محكاش معايا عارفني ماشي قادرة 
عيط لأمير قالو سيبون لقيتها لحقنا لدار لحقت فشلانة مع نفتحت الباب جاتني ضرتي تجري كي لبطريق ضحكت على المنظر انتعها
وسط دموع الفرحة أني رجعت لداري رجعت لعايلتي الدافية لي مكانش منها زوج .

أماني وهي تحظن فيا: هكا ديريلي تخلعيني عليك و أنت كبيرة ضوك أنا نربي لي راه جاي ولا نربيك أنت .

ضحكت على هدرتها بعدت عليها وحطيت يدي فوق كرشهاوقلت: ياك راه مليح.

أماني: من لخلعة قريب زيدت وأنت تقوليلي اذا راه مليح.

بستها بوسات حارين لقيت روزة عاشقتي تمرة أنتاعي ستقبلتها بلأحظان هي تاني لقيت وجها يعوم من الدموع حكمت خدودها بيديا الزوج وقتلها: شبيها رناكتي تسلملي الحيرانة أنا ..بقات تخزر ودموعها محبسوش ..ااع ايا خلاص ياك راني جيت ممتش 

خبطتني بكف خفيف وقالت: تزيدي تعاودي هذي الهدرة نقوتلك أنا حظنتها عطيتها بوسات مرصوصة توحشتاها عندي بزاف مشفتهاش بعد مريحت ڨصرنا أنا وجاد عاتبني لأني خبيت عليه وخلاني نوعدو  منزيدش نخبي عليه ولي تصرا نحكيهالو مهما كانت صغيرة ولا كبيرة حمدت ربي لي رجعني سالمة وهنا تيقنت بلي راني في وسط ناس يحبوني ❤

                #بعد_مرور_أشهر 
ليوم الوعدة تاع وليدنا إياد نسخة طبق الأصل على جاد ههه دار عامرة بمعارفنا وكلهم يحكو علينا انا وضرتي نخلعو كي شافونا متفاهمين وطبعا حنا مغفلناش على جاد خفنا كاش مصفارة دور بيه هه اييه مقلتلكمش حتى أنا وليت حامل راح نجيب لي يلعب مع اياد😍.
 
      شكرا على متابعة يومياتي أنا وضرتي و غاجلنا جاد 😘😋

                       النــهــــــايــــة
  
                           #أريولة
_________________
وهكاااااا خلاص الجزء الثاني نتمنى يكون عجبكم و كنت عند حسن ظنكم 😊 بما أنها النهاية جاوبوني على الأسئلة هذي من فظلكم فرولاتي 😍😘

١) رايكم في أسلوبي ؟

٢)كلمة لجاد موووون غاجلي راح نتوحشو 😭

٣)كلمة لضرتي عزيزتي أماني 😍

٤) كلمة ليا أنا فريال 😍

متنسااااوش تابعو كرونيك أنتِ أنثى حتى هي أعطوها حقها ❤ نفكر نحطلكم رواية باللغة العربية راح تكون خيالية واش رايكم ؟!

اعععععع هدرت بزاااف 😂😂 نكره لحظات الوداع ومرسييييي بزااااف ليكم مرسي على1,60k قراءة 😘😍
المهم تبقاااااو على خير وفي لامان 👋