من يومياتي أنا وضرتي و غاجلنا جاد (باللهجة الجزائرية)

الحلقة (٧)

هذا ماشي صوت جاد شكون لي عيطلي شكون هذا وفجأة تفكرت هذاك الرقم المجهول خزرت في التيليفون لقيتو هو رجعت نهدر .

أنا: شكون أنت واش نحوس مني مش شغل لي عندك عندي !!

حكيت بعصبية كبيرة كنت نحوس غير وين نفرغ غشي سبة وجاتني رجعلي بصوت رجولي ومعصب هو تاني زاد تعصب كي حكيت بلاك بذيك الطريقة أمعاه .

.......:واشبي ر** علاش راكي تبكي واش كاين .

أنا: أنت واش تكون باه راك تسقسي فيا واش دخلك في واش بيا !!

......:سقسيت جاوبي سينو نقسم بالله ومتهدريش غير أنجي حتى لدار .

أنا: منين تعرف داري !!أنطق يا ربي منين خرجتلي أنت.

.....: خرجت من لرض السابعة يا تهدري يا أنجي ..تكلم بصوت خافت وفي نفس الوقت معصب: جاد ضربك ؟؟
  
       يا ربي يعرف جاد يااا وخضي وخضي باصيت لوكان يسمع فرعوني ليوم يقتلني ونولي ذكرى برك واش ندير يا ربي واش ندير شافني سكت مرجعتلوش زاد من صوتو: أنطقييي.

تكلمت و أنا نرجف بكلي: لا لا مكان مدخلو جاد .

......: متأكدة !!

هدر وهو لاز على سنيه تكلمت وأنا نحاول نرجع صوتي طبيعي باه يتأكد بلي راني نحكي الصح : ايه متأكدة .

.....:همال ضرتك !!

هدرها كلي راه يهمس حسيت جسمي رجف يااخااااه وعد يكون واحد من أعداء جاد راه يحوس يدمروا يا ربي لالا ضرتي راها بالجوف لوكان تسمع كشما يصرالها . رجعتلو و أنا مربوثة بدا قلبي يخبط وبداني الخوف : لالال..لالا أماني مدخلهاش أنا ..أنا لي راني عيانة شوية برك . قعدت ندعي ان شاء الله يأمني وميزيد حتى حاجة .

.....: مممممم كي راكي عيانة ريحي

حبيت نتهنى من هذي لمكالمة قلتلو : لازم عليا نقفل ضرتي ناضت باي

وقبل ميرجعلي غلقت التيليفون بعدها طفيت خزرت في يديا يرخفو زيرت عليهم وليت صفرة كي الحبة تاع القارص خايفة لوكان يسمع جاد خايفة لوكان هذا المخلوق كشما يدرلنا خايفة من بزاف حاجات وأنا هكاك دخلت ضرتي .

أماني: فريال واش بيك صفرة هكا !!

أنا نحاول نبين بلي راني نرمال: مابيا والو بنتلك صفرة برك الحمل راه مأثر عليك هههه

أماني :منعرف بلاك .

أنا: كشما تستحقي !!

أماني: تشهيت ندير من الريحة أنتاعك هه

أنا: ههه هايليك لبيبي هذا راح يجي يموت عليا .

أماني: نربوه كيف كيف حتى أنت يماه

أنا: إن شاء الله جيبيهلنا برك .

أماني: وربتك لڨرونة هذيك اذا معليش.

أنا: هايليك لخزانة ودي لي تحبي عليها

أماني : عيشك عيشك فريوووولتي ..باستني وقالت: أحلى ضرة في العالم .

أنا: ياااو بلعقل عليا المحنة بزاف هذي متعجبنيش توحشت مرة مرة نتڨارشو كيما كنا .

أماني: والله يا أنتي أنا نخليك باي.

دات أماني واش حتاجت تكيت في فراشي و أنا نخمم زعمة لي عيطلي هو نفسو لي شفتو البارح في سبيطار ولا لالا .

                 #أريولة
___________
واش تتوقعو تكون حكاية هذا المجهووول ؟!
فوت في طريقكم 😍