من يومياتي أنا وضرتي و غاجلنا جاد (باللهجة الجزائرية)

الجزء الثاني (١٦)

في الفيلة أماني وروزة سڨمو الفوضى لي دارها جاد تجمعو كلهم في الصالون يستناو مكالمة تاع صاحب أمير أماني بدات كرشها توجع فيها حتى هي لي عاشتو في هذا النهار ماشي ساهل اذا مولدتش راها هايلة ولات داتها روزة لبيتها تتكسل شوية في هاذ اللحظة عيط وقالو بلي لقااا صاحب الرقم عطالو اسمو وين راه متواجد سمعتهم أماني واش حكاو خرجت تجري قالتلهم نجي معاكم بسيف باش قنعوها تريح قعدت روزة تصبر فيها مع أنو روزة هي لي محتاجة شكون يصبرها .

أماني وهي تبكي:جاد أرجع ومعاك فريال.

هز جاد راسو ركبو في طونوبيل أمير هو لي ساق وصلو لدار كل واحد فيهم شد سلاحو كان الضو طافي قتاحمو الدار بحذر شديد فتشوها ملقاو حتى واحد جاد خبط كرسي برجلو كان قدامو و أمير بقى يثبت في الدار حتى شاف باب جاية في آخر الكولوار راح لهذيك الجيهة بلعقل تبعو جاد دفع أمير الباب برجلو وهنا كانت المفاجأة بالنسبة ليهم...

لوحات تحمل صور انتاعي ستغربو في البداية لقى جاد فاست ديالي في الأرض أكيد كنت هنا رفدها وعطري معبي فيها غمض عينيه يسترجع في ملامحي ضحكتي..

زفر بتكسار خاطر رمى عينيه على الغرفة الكل قلبو يخبط بالقاوي خايف عليا لتكون صابتني حاجة حكي بين شواربو:وين راكي وين نوعدك هذالي خطفك نقتلو ونشرب من دمو. 

لقى أمير ورقة بيضا مطوية قرب منو جاد باه يشوف واش فيها
"أكيد وصلت وملقيتنيش نطمنك سلطانتك في أمان عندي وراح تكون سلطانة قلبي و آخيرا راح ترجع لبلاصتها وين لازم تكون "مرتي"متخافش راح نبعدها كل البعد عليك باه متشوفها مايوجعك قلبك " آدم

جاد ولا يسب بالمقلوب قلبو يحرق فيه تقول شي راه فوق النار أمير قعد يخمم وين يمكن داها 

جاد:طامع في مرتي الحيوان يطيح في يدي برك والله لندمو في ساعة لي خمم فيها يديها.

أمير بقى يعاود في جملة "متخافش........"عدة مرات 

أمير: ااااا يكون راح للمطار ولا البور وحدة من الزوج لأنو من سابع المستحيلات يخليها في البلاد.

جاد:بصح الوقت معندناش وين يكون داها لبور ولا المطار!!

أمير:تبع قلبك واش يقول........يتبع
 
                   #أريولة
___________________
البارت قصير شوية عارفة مي نبقاااااش الحكاية ونودعوها 🙊😓

رايكم في الحلقات فرولاتي ❤ كومونتيو بين الفقرات متنسااااوش توقعاتكم في لي جاي و في النهاية كيفاه راح تكون مثلا ؟!

كي العادة 20 فوووووت ينزل البارت اللي قبل الأخير 😍😘 ولي متبعتش أنتِ أنثى تروح تبعها بنييييز 🌸
تشااااااو في لامان 👋