من يومياتي أنا وضرتي و غاجلنا جاد (باللهجة الجزائرية)

الحلقة(١٣)

أنا :آدم ايهه أنت آدم بسك هو لي صورني هنا وهاذي الفوطو غير أنا وهو لي عندنا صح هذي سنين بدلاتك هه أنا ومعرفتكش .

آدم:صح برا تبدلت وكيما قلتي حتى أنتِ ومعرفتينيش مي هنا...حط يدوا على قلبو... متبدل والو .

مرجعتلوش بقيت نخزر فيه يعني كل هذي السنين منسانيش أنا مقدرتش نعتابرو أكثر من صديق ليا بسك من أيام ليسي و أنا نعشق في جاد حكيت بصوت رقيق قريب للهمس:منسيتش

رجعلي بعينين ذابلين :مقدرتش ننسى .

حبطت عينيا ملقيتش واش نقولو ناض من بلاصتو وجا قعد قدامي.

أدم:7سنين و أنا بعيد عليك قلت بلاك ننساك عارف بلي أنت مقدرتيش تحبني درت كلش مي الله غالب مقدرتش القلب هذا لحمة وهو لي حب .

بقيت ساكتة شوية انبعد انطقت:ايه واش راك حاب مني .

تبدلت نظراتو وخزر فيا خزرة حادة :تولي مرتي .

قفزت هذا من عقلو واش راه يقول خزرت فيه بعصب: هبلت في عقلك راني مرت راجل شبيك .

أدم:بالملاحة محبيتيش تجي حتى خطفتك.

أنا:أنت مهبول لوكان يسمع جاد أقسم لك بالله غير يقطعك طراف طراف وكل طرف وين يرميه .

أدم:ميهمنيش يسمع لالا انا تهميني أنتِ .

أنا: أدم يهديك ربي أخطيني أفهمها أنا
منقدرش نحبك أفهم خلاص دوك راني مزوجة بلي حبيتو وراني هانية أخطيني يرحم باباك .

أدم تعصب وناض خبط يدو في السور:جاد جاد ...جاد... من نهار عرفتيه و أنت تهترفي بيه لوكان مجاش لمدينتنا لوكان ضرك راكي مرتي ..عاجبك الحال دايرك الثانية وكلش حتى تلحقك الدالة اااه لوكان قبلتي تتزوجي بيا لوكان كلش راه ليك ومكانش لي تشاركك فيه ..جا جبدني من شعري ..لوكان نزيد نسمعك حكيتي عليه قدامي راسك هذا نكسرولك ..بديت نبكي بسك وجعني..الله غالب ماشي بيدي لوكان جات بيدي راني هذا القلب(يحكي على قلبي) الكلب لي يعشق الترميميد عندي شحال ملي نحيتولك .

حكيت بصوت متقطع موجوع:ااه أدم بكلامك خوفتني.
 
أدم:لازم تخافي كيما قلتي بعد هذي السنين تبدلت وتبدلت بزااف غير هذيك لبلاصة لي حطيتك فيها لي محبتش تتبدل تبقاي ساكتة حسك منسمعوش رماني فوق لفراش وخرج وغلق الباب تكمست على روحي قعدت نبكي ونشهق ندعي في ربي يلقاني جاد ......يتبع .

                    #أريولة.
_______________
راني زدت حطيت غضتوني 😞😷 بارت قصير خفيف ضريف 😍

درت شوية تمعشيق وكلام معسول عجبكم آدم ؟! توقعاتكم وكومونتيو بين الفقرات 😍

حقا بنات تبعو الكورو تاع أنتِ أنثى لحكاية تستهل متابعة راه ناقصة المتابعين بزاااف راني حطيت حلقات أقراوهم وديرو فوت متنساوش 😍😘

هذا البارت لو كان ميلحقش 20فوت منحطش بارت بسم البارت لي قبلو قراوه 34واحد وغير15 فوت 😒 اريد قتلكم 😈

تشاو في لامان 👋