راني داخل الطونوبيل وين مديني هذا الهم معلاباليش جا خرجني قاومت قاومت ضربني رميت الفاست انتاعي قلت اذا جا جاد يعرف بلي كنت تم حبس طونوبيل طلعت راسي لقيتو المطار يعني راح نسافروا راح نبعد على عايلتي قرر يديني معاه بلا ميدي رايي مزال عندي أمل جاد راح يلقاني ميسمحش فيا لا لا... نزلو دموعي مع هذ الافكار
آدم: فات الفوت ننصحك غير مكان لاه تبكي راكي تضري في روحك برك .
فتح الباب من جيهتي خرجني منها بقوة يمشي ويجر فيا وفي اليد لوخرا رافد كابة دخلنا لداخل المطار قلبي حسيتو راح يخرج فتشونا وكملنا دخلنا الأمل لي كان عندي بدا يروح مع كل خطوة نخطيها وصلنا وين يحطو الكبات حط أمير الكابة عاود شدني من يدي.
هز راسو بمعنى مشي نمشي وعينيا ورايا نقلب على جاد في وسط الحشد هذا مدلي جواز سفري شديتو ويدي ترجف خلاص!!راني مسافرة مراحش يولي في حياتي جاد حتى ضرتي أماني كيفاه راح تكون حياتي بلابيهم زعمة تقلقو عليا كي ملقاونيش راح ينساوني ولا يحوسو عليا بدون يأس لحقنا للمر وين يسلمو الجوازات السفر زاد قلبي خبط خصوصا كي بداو يعلنو على الرحلات .
هنا تلاشى أمل رجوعي تماما دورت راسي لآدم و أنا محطما كليا تقدم خطوات مع الصف مشيت موراه حتى سمعت جاد يعيط بأسمي كذبت في لول وجهت أنظاري لجيهة الصوت حتى شفت حبيبي جني لصفر واقف يحوس عليا رجعت خطوات للور عيطت بكل جهدي:جااااااااااااااااااااد
رميت لباسبور في لرض وستغيليت الوقت لي زاد فيه تجمع وبفضلهم بعد عليا آدم رحت نجري لعند زوجي لي فتح يديه باه يحظني حظنتو وكبشت فيه مليح دموعي سبالة محبوش يحبسو زاد زير عليا يحاول يطمني ويهديني .
جاد وهو يطبطب في ظاهري: خلاص تهدني خلاص كلش .
طلعت راسي خزرت فيه نتحقق بلي لي صرا معايا صح ماشي منام
شد جاد وجهي بين يديه وقال:راجع ليك ابقاي هنا
خزرت وين خزر شفت آدم داير يديه في جيبو و يخزر فينا طلقني جاد وراح ليه أعطاه بوكس حتى وجهو دار بدى يطيحولو تلاحمت بيناتهم حتى آدم خلفهالو معياوا الناس لي تما يحدو بيناتهم تقول شي حيوانات مفترسة يتحاربو شكون فيهم لي يحكم الغابة رحت نحد بيناتهم جاد كان راح يضرب بونية شوية وكانت تجي فيا ................يتبع 😈
#أريولة
___________________
ديزولي على الروطار 🙇 راني مريضة في حالة 😭 لاڨريب هلكني ....
البارت قصير كي لعادة 😅 مي حبست في لقطة ناااااار 😈💥🔥 توقعااااااتكم بنااات 😍
مرسي على ليفوت و على ليكومونتاغ فرولاتي بقى بارت ونودعو لحكاية راح نتوحشكم 😷😭 كيفاش راح تكون النهاية في رايكم ؟!
وكي العادة 20 فوت نحط البارت الأخير ❤😍 تشاو في لامااااااان👐 حقاااااااا كومونتيوووو في الفقرات بلا منوصيكم 💕
أنت تقرأ
من يومياتي أنا وضرتي و غاجلنا جاد (باللهجة الجزائرية)
Poetryقصة مخالفة على واش تعودتو راح تحكي على يومياتي أنا وضرتي بين فرح و حزن منطولش عليكم تابعوها تفهمو كتر ❤?
