اولاد عم ولكن للكاتبه وعد يحيي البكري

الفصل الاول:-

دقت عقارب الساعه تمام الخامسه مساءً عندما امتدت يديها من داخل حوض الاستحمام الي الخارج تتمسك بحواف الحوض كي تنهض من المياه الدافئه....
خرجت خارج الحوض و لفت حول جسدها منشفه طويله و خرجت تمشي بهدوء ...
كان المرحاض داخل غرفتها الانيقه ففتحت طرف باب غرفتها و هي تهتف قائله:-
-رييييييم!! يا ريم تعالي
ثم اغلقت الباب مره اخري و هي تتجه نحو هاتفها و تشعل الاغاني
دخلت شقيتها الي الغرفه:-
-ايه يا رزان؟.........نعم
قالت رزان و هي تمشط شعرها:-
-مالك قافشه ليه؟
تنهدت ريم قائله:-مفيش ....كريم متصلش بيا لغايه دلوقتي ...حسه اني قلقانه عليه اوي يا رزان
تبسمت رزان بهدوء:-انشالله هيبقي تمام متكليش هم انتي بس.
تمتمت ريم:-انشالله
دخلت والدتهما الي الحجره و علي وجهها ملامح الجد الشديد
ريم:-ايه يا ماما ...في حاجه؟
امسكت شهيرا بالهاتف و اغلقت الاغاني دون نقاش فالتفتت رزان الي ملامح والدتها باهتمام...
-ايه يا ماما مالك؟........بابا كويس؟
تنهدت شهيرا قائله:-حجزوا علي الشركه خلاص
عقدت ريم حاجبيها:-مهو بسبب عمايل بابا و اهماله في الشركه!!....خلاص هنفلس هنبقي علي الحديده!؟
صرخت شهيرا بوجهها:-اخرسي و اتكلمي كويس عن ابوكي....ده مش بسببه ده بسبب....
قالت ريم بغضب:-مترجعيش تاني لنغمه بسبب ايام زمان ايام زمان...و محدش فينا داري ايه الي حصل ايام زمان خلي بابا بالشكل ده.....
ادمعت عيناها قائله:-انا عمري ما هنساله ان كريم في يوم كان هيسبني بسبب انو عرف ان بابا دخل السجن......بابا ديما مداين....ديما بيعمل غلط يا ماما انا تبعت...تعبت...
صاحت شهيرا قائله:-ريم......سي كريم بتاعك ده اصلا كان مُني عينو انو يسيبك........طالما مش عجبك اننا نبقي ع الحديده....رايحه ليه تتخطبي لواحد مش لاقي اللضا بقاله 3 سنين بيحضر في شقه اوضتين و صاله!!.....يعني .....لا حمام في اوضتك.....و لا كل الدلع ده!
قالت ريم بغضب:-الدلع ده فلوس حرام
ضربتها شهيرا علي وجهها بغضب شديد فقامت رزان اخيرا من مكانها معلنه التدخل و هي تقف بينهما:-ماما ماما....اهدي يا حببتي....اهدي....ريم زعلانه عشانو مش منو و متوتره عشان كريم مش بيرد كمان...
ثم استدارت لريم:-و انتي يا ريم.....ما انتي عرفه ان ماما عصبيه....
لمست ريم وجنتها بيدين مرتعشتين ثم غادرت الغرفه بغضب. و غادرت شهيرا هي الاخري الي غرفتها..
بينما ارتمت رزان علي الفراش قائله:-بابا اتحجز ع شركته و مش مخلي حاجه في البنك!.......رحنا في داهيه.........لازم الاقي راجل عجوز منغنغ اتجوزه و ارتاح من عيشتكوا.....حاجه تغم النفس....اتفو!
_____________________________________
وضعت سهير اخر اطباق الطعام علي المائده الكبيره و هي تقول بابتسامه واسعه:-
-اتفضلو يا جماعه الاكل جاهز
خرجت من ورائها ساره بابتسامه واسعه:-انا عن نفسي هاكل ومش هستني حد،انا وقفه في المطبخ من صباااااحيه ربنا
ضحك البعض و هم يجلسون جميعا
ثمانيه افراد تعم السعاده علي قلوبهم و هم يجلسون بمحبه
قال مالك بمرح:-اممممممممم تسلم ايدك يا امي
بينما قال مراد:-الله الله ايه الملوخيه الفظيعه دي يا عمتو بس؟
ضحكت سهير بمرح و هي تقول:-يا باكيشن ايش حال ان كل جمعه بعمل شبهه نفس الاصناف و كل مره بتعلقوا نفس التعليقات
مراد:-اصل كل مره اكلك بمزاق احلي من الي قبليها يا عمتي...الله ع الرقاق!!
قالت ساره بمرح:-انا الي عملاه مع عمتو....
صمت الجميع و تجهمت ملامح عمتها فقالت بتوتر:-
-قصدي مع ماما....
كانت ساره و شقيتها الصغري لميس و شقيقها الاوسط مالك هم اولاد ((سيد سعد الدين النصوحي)) و قد توفت والدتهم و اصغرهم –لميس- لا تزال ابنه اربعه اشهر من نزيف رحم.......
و كذلك توفي والدهم بعدها بعامين وفاه طبيعيه....
و لم تتزوج عمتهم ((سهير)) لذا كانو يعيشون معها و اتخذوها اما لهما الا ان ساره لا تزال تنادي عمتها ب((عمتو)) مما يضايق سهير كثيرا و يذكرها بحرمانها من الزواج و الاطفال....
و كان عمهم ((قاسم سعد الدين النصوحي)) لديه من الابناء ((مازن و جني و مراد))
قالت جني لتضيف جوا من المرح:-
-نفسي بقه يا عمتو في اكله حمااااااام انسي و ابلع صوابعي
ضحكت سهير بفرح:-من عنيا الاتنين
نجاه ((زوجه قاسم)) لا بقه الجمعه الجايه انا الي هعمل الاكل و الحمام عليا يا روح قلب ماما
ضحكت جني قائله:-من امتي الحنان ده
ضحك الجميع فقال قاسم بابتسامه:-
-هتتشوحي انتي اما تروحي البيت
لميس :-يا جماعه انتو لازم تدوقو الباميه،تحفه اوي
كان مازن يجلس صامتا لا فعل له و لا تفاعل...كان الاخ الاكبر.....لمراد و جني
ذا عينين رمادتين بلمعه حزن دائمه و شعر اسود و كثيف للغايه و لونه مثل سواد الليل
قال بصوته العميق و كآبه اعتادها الجميع:-مش شايفيين اننا رغينا اوفر بقه؟!
صمت الكل بتعجب فقال:-ياريت تقرأو الفاتحه علي روح المروحوم عمي الله يرحمه....و لا خلاص؟....الكل بينسي.....
ترك مائده الطعام و غادر لا يعلم الجميع سر تعلقه بعمه الشديد مع انه حين وفاته كان طفلا في الخامسه من عمره....
نظرت سهير الي قاسم بتوتر و توجهت انظرها الي نجاه التي عادت مقلتيها بتوتر الي زوجها قاسم...
و ظلت دائره التوتر بين ثلاثتهم.....
و ساد الصمت الثقيل علي الجميع.........
_________________________________
لحظات تعارف:-
__________________
قاسم:-صاحب شركات القاسم للاستيردا و التصدير و هي سلسله كبيره من الشركات يبلغ من العمر سبعه و خمسون عاما
لديه من الابناء:-
مازن:-و هو ابنه الاكبر يبلغ من العمر تسعه و عشرون عاما و يمسك اداره المصانع الخاصه بالشركه...((شعر اسود كثيف و عينان رمادتين))
مراد:-و هو الابن الاصغر و يبلغ من العمر خمسه و عشرون عاما و هو مدير اعمال الشركه.....((شعر اسود كثيف و عينان زرقوتين))
جني:-و هي الابنه الصغيره و اخر الابناء تبلغ من العمر اثنان و عشرون عاما و تدرس في كليه الاعلام ((نفس الشعر الاسود الكثيف الذي اشتهرت به هذه العائله و عينان زرقواتين مثل شقيقها مراد و هي غير محجبه))
________________________________
سهير:-هي شقيقه قاسم و سيد الراحل لم تتزوج و عندما رحل شقيقها و زوجته تولت تربيه اولاده و حافظت علي شركاتهم و سلمتها لقاسم يديرها
و هي الان من شركات القاسم و باسم اولاد سيد
اولاد سيد و تربيهم سهير و يعيشون معها بشقتها الواسعه:-
ساره:-هي الابنه الكبري و تبلغ من العمر ثمانيه و عشرون عاما خريجه كليه الطب و تعمل بعيادتها في الفتره المسائيه و في المشفي بالفتره الصباحيه......((شعر بني قصير حتي رقبتها و عينين عسليتين و محجبه))
مالك:-الابن الوحيد من فتاتين و الاوسط و هو في عمر مراد او يصغره قليلا خريج تجاره و يدير مع عمه شركاته و شركات شقيقتيه رغم صغر سنه و مرحه الدائم.....((عينين سوداوتين مع شعر بني ))
لميس:-و هي الشقيقه الصغري و تبلغ من العمر عشرون عاما و هي تدرس بكليه الحقوق...((عينان سوداوتين و شعر اسود طويل و هي محجبه))
__________________________________
عاد ((مدحت)) الي الخلف بظهره بارهاق و هو يغمغم:-
-عملت ايه في نفسي و في عيالي؟
قالت شهيرا بعصبيه:-و في شهيرا زكريا العصاااااااااار!! مراتك!
قال مدحت بندم:-شهيرا ساعديني ارجوكي بس....ساعديني.....قليلي اعمل ايه و هنفذه
قالت بعصبيه:-و من امتي بتسمع كلامي يا مدحت؟
قال بتوسل:-هسمعه....قوليلي....اخد قرض من البنك و فاتح مشروع؟
قالت بهلع:-قرض تاني و يروح فلوسه ع القمار لا مشروع و لا نيله!!
قال بحيره:-معاكي حق......طيب......ابيع الشقه دي؟
ضرخت بوجهه:-انت مجنون؟
قال بتوتر:-طيب و اهلك؟
قالت شهيرا بغيظ:-بابا عمره ما كان بيطقك و لا بقه بيطقني من يوم ما وقفت قدامه و اتجوزتك و كنت هبله!! و يستحيل يساعدني.....مهو رفض ساعه لما دخلت السجن اربع سنين
قال بدموع:-طيب ساعديني عشان خاطر البنات
تبسمت بدهاء:-قلت ايه؟.......البنااااااات!! هما الي هيسعدونا يا حبيبي...
قال مدحت وقد ادرك الاما ترمي زوجته:-ابعدي عن عيله سعد الدين يا شهيرا
قالت بغل:-مش بقلك عمرك ما بتسمع كلامي!!! ده حقك يا مدحت حقك....يا غبي...........انت اصلا من عيله سعد الدين!! و مهما كان حصل ...........لازم تعرف كويس جدا يا مدحت انك لو عايز الفلوس...عايز الانتقام...عايز ايام زمان.......بناتك هما الباب
قال مدحت بضيق:-يا شهيرا ارحميني...ابوس ايديكي ارحميني....بالله عليكي يا شهيرا ....سيبي بناتي بعيد....و انتقم من ايه؟؟..........هما الي المفروض ينتقمو مني
صرخت به:-لاااااااا!! لا يا مدحت......تنتقم لما قاسم خد كل شركاتك هو عياله....تنتقم لما طردوك ...تنتقم لما...
قاطعها:-يعني انتي مش عارفه ليه؟
شهيرا بتحدي:-هتمسع كلامي؟ و لا اقسم بالله.........لاخد رزان و ريم و امشي!!
تنهد قائلا:-الي تشوفيه صح....اعمليه....من غير آذيه يا شهيرا....من غير آذيه.....كفايه لحد كده!
_________________________________
دخلت شهيرا الي غرفه الفاتتين و جلست بابتسامه:-
-مش عاوزين تساعدوني انا و بابا؟
قالت ريم بشك:-ده الي هو ازاي.....انا مرتبي...
قاطعتها قائلا:-يا ريم يا حببتي مش طول عمرك عايزه تعرفي الماضي....
رزان قافزه:-مش ريم بس!
رسمت شهيرا الحزن قائله:-ابوكو لما اتجوزني .....كنت انا غنيه جدا.....كان ليه...اخين!
قالت رزان و ريم بدهشه:-اخين!
-ده الي استخبي...........اخين منهم قاسم ....ألي حاول يتهجم عليا...كنت جميله.......و كانت مراته اسمها نجاه...بومه...........و لما صرخت و البيت اتلم...كدب الندل قدام مراته......فاتهمونا اننا مش كويسين انا و مدحت و لما مدحت رفض يتخلي عني....
صمتت تمثل الدموع فقالت ريم باهتمام:-ايه الي جري؟
-خدو منو.....كل ...كل...حاجه.............كنت حامل سعتها......خدو منو الشقه...و الشركات....و الفلوس....و رمونا!......كانو بيتحججو اصلا....الكل كان بيغير من مدحت بسبب نشاطه في العمل و اكتساحه....حتي ابوه كان مضايق من علاقته العامه مع الكل
رزان بتأثر:-حتي ابوه!
اومأت شهيرا برأسها موافقه و عيناها تدمع بدموع التماسيح:-ايوه.....و من سعتها بني نفسو و جاب الشقه دي و فتح الشركه...رجعو تاني وهددو بقتلو و انهم يخدو مني اغلي حاجه في حياتي....بناتي.........لو مدهمش كل مكاسبه...قرر يفشل....تبقي شركته وحشه....كان بايده يلجأ لقانون لكنه بيحب اهله............من سعتها و ابوكو مدمر و كل حياته ملهاش لازمه....ظلمتيه اوي يا ريم............عشان كده ضربتك انا اسفه يا بنتي
ارتمت ريم بين احضانها فضمتها شهيرا و ضمتهم رزان
رزان بدموع:-ملناش قرايب من جهه الام و لا الاب....ملناش غير بعض..
ابتعدت شهيرا قائله:-لاااااااااا!! لينا من جهه الاب! الاخين!
ريم هاتفه باستنكار:-و بتسمي دول قرايب يا ماما؟
قالت شهيرا :-و دي هتكون مساعدتكو....لأازم تدخلو العيله دي ....دول اغنيه اوي...ولاد عممكو يا حبيبي....ادخلو....و اسرقو...لا السرقه مش حرام.......الي اتاخد بالقوه هيرجع بالقوه....دمروهم!
نظرت رزان نظره حاده الي سقف الغرفه شادره...تتمني ان تتطبق في عنق اعمامها
بينما قالت ريم بحيره:-لكن يا امي.....ازاي؟
تبسمت شهيرا بدهاء:-بالحب........بالجوااااااز ....و النهب!
ريم تقف باعتراض:-جواز ايه ده يا ماما!؟
شهيرا:-انتي تتجوزي واحد و هي واحد من ولاد قاسم....سيد مكنش له املاك كتير ابعدوا عن ولاده..
ريم و هي ترتدي حذائها:-انا مخطوبه لكريم....ابعدو عني....كريم هيتجوزني و مليش دعوه بيكو..لو مكنش مخطوبه كنت اسعدكو بالاذن...
و تركت غرفتها بتوتر جارف و خرجت فاشاحت شهيرا بذراعها و هي تغلق الباب و تجلس الي جانب رزان
-روزي!......انتي الي هتتجوزي منهم و هتخلينا ناخد حقنا و تفرحي بابا مش كده يا حببتي؟ سيبي الخايبه التانيه مع سي كريم
قالت رزان:-يا ماما هيبصلي انا علي ايه بس؟..........و بعدين...ازاي اتجوز واحد بكرهه كره العمي و ابوه السبب فاي حاجه وحشه حلصت ليكي و لبابا او ممكن تحصل لينا
اخذتها شهيرا من ذراعها و جعلتها تجلس امام المرآه و وقفت خلفها تسمك بشعرها الطويل الاشقر:-علي ايه؟.....علي شعرك الاصفر...
ثم مشت بيدها علي وجهه ابنتها النضر الذي طالما ذكرها بشبابها:-عيونك الزرقه و بشرتك البيضه
و مشت بيدها علي ذراعي ابنتها:-علي جمالك كلك علي بعضك....عرفتي ع ايه؟.........و جوازك هو الانتقام...ادخلي بينهم....خليهم يحبوكي و اوعي تحبيهم!.....................هاتيلنا الحق الي رااااااح!..........
ثم هزتها بعنف من كتفيها:-انتي الي هتفتحي صفح الماضي و تكرهي عيلهم فيهم...و تتجوزي منهم و تخلفي منهم.........و تسرقي و تهربي بابنك! و تسيبي القهر في عيونهم ع فراقك و فراق حته منهم و هو ابنك!!
نزلت دمعه من عيني رزان هامسه:-يا حبيبي يا بابا..........
ثم رنت في اذنها كلمات ريم ((خلاص هنبقي علي الحديده!!))
-و محدش هيعرف حاجه عن ريم دلوقتي............هما شافوني حااامل مره....يبقي انا مجبتش غيرك!
تبسمت رزان بهدوء:-يبقي مجبتيش غيري!!.....انتي قلتي اسمهم ايه؟!