اولاد عم ولكن للكاتبه وعد يحيي البكري

الفصل الثامن والعشرون:-

جلس مازن مقابلا لساره وساد الصمت لوهله فتنحنح مازن ليعدل من صوته ثم قال:-
-عامله ايه في الشغل؟
تبسمت بروتينيه:-الحمدلله كلو تمام..وانت اخبارك ايه مع رزان؟
قال مازن متنهدا:-تمام..
قالت ساره فجأه:-مازن انا الصراحه زهقت من المسلسل المصري السخيف الي بنعمله وكده ...وبصراحه انا واحده عمليه معنديش وقت..
ظل صامتا فقالت:-انا عاوزه اطلق يا مازن..
تبسم قائلا:-وطالما انتي مش عاجبك جو المسلسلات يا ساره عايزه تطلقي ليه؟ انا لا عملت حاجه عيب ولا حرام
نظرت له طويلا نظره تخلو من اي مشاعر ثم قالت فجأه:-كرهتك..مش حباك..ومش عايزه اكمل معاك.
قال مازن وقد ظهرت ملامح الغضب علي وجهه:-وطالما مبتحبنيش و كرهاني ومش عايزه تكملي اتجوزيني ليه..
-كلو عشان احافظ علي الورث..بس مش نافع..
قال مازن ببرود:-وانا راجل مش عيل بيلعب معاكي ،لو حابه تعدي هنا عند عمتي ...خليلكي براحتك...لكن طلاق وقت ما انا احب
نظرت له باستنكار:-انت عايز مني ايه؟ ما تطلقني وتخليني ارتاح
-عايز اعرفك اني مش بمشي ورا حريم يا ساره..
ثم وقف وتبسم قائلا:-عن اذنك.
فتح الباب ليتسمع الي صرخات رزان من الاعلي فصعد سريعا..
___________________________________
فتحت جني الباب لتري المرأه ذات الشعر الاسود و الجسد النحيف فقالت بتعجب:-انتي مين..
قالت مي ببرود:-انا مي...وعايزه جوزي..
انذهلت جني كثيرا وهي تتساءل في نفسها بقهر هل اتصل بها مالك لتأتي هنا؟
بينما جاء مالك من الخلف وقال بارتياع:-مي!!؟انتي مين قالك المكان هنا؟ جايه ليه؟
قالت مي ببرود:-مفيش اتفضلي؟...نتكلم علي الباب برودو كده..
قالت جني بغيظ:-لا..
بينما اغمض مالك عينيه بتعب وهو يقول:-جني متخليش حد يحس بحاجه ..ادخلي يا مي ..
دخلت مي تتأمل الشقه بهدوء والقت نفسها علي احد المقاعد وهي تقول:-بيت جوزي حلو اوي..
قالت جني بعصبيه:بيت جوزك ومراته الي انتي خطفتيه منها
ضحكت مي وهي تقول:-لو جيتي للحق انتي الي خطفتي مالك...مالك كان مرتبط بيا وبيحبني
صرخت جني:-مالك..
صرخ مالك قائلا:-اخرسو...عايزه ايه يا مي
-حقي...انت لا رضيت تطلقني ولا رضيت تفهمني وضعي ايه
قال مالك متنهدا:-انتي جايه الساعه 12 الصبح تقوليلي طلقني يا مي..
-يا اما اعيش هنا يا اطلق يا مالك..
كادت جني ان تتحدث فهتف مالك:-مين قالك عن المكان
-الي يسأل ميتهش...
-مي...الشقه باسم جني
اندهشت جني كثيرا من كذبته التي قالها كي يتخلص من مي رغم انها ظنت انه سيعرض عليها البقاء كما هدد من قبل..
احمرت وجنتا مي وهي تقف بدموع:-يبقي يا مالك لازم نطلق..
-حاضر يا مي هاجي ونعد ونتكلم ونوصل لحل...
نظرت مي الي جني طويلا ثم ضحكت بسخريه وهي ترحل فتنهد مالك وهو يقول:-بتمني ميكنش حد شافها..
بينما قالت جني:-مالك انا اسفه..مكنش حقي اعملها حظر وكان لازم اسيبك تقرر ،بس والله فكرت بانانيه من حبي ليك...
قبل ان يتحدث مالك استمعوا معا الي صرخات من الاسفل ففتح مالك الباب سريعا وهو ينزل ..
ليجد رزان تبكي بشده في احضان مازن الذي لا يفهم شيئا وقد التف الجميع حولهم
مازن بقلق شديد:-رزان بطلي عياط ردي مالك
ابتعدت عنه قليلا ليري ملابسها المفتوحه فاغلقها بيده وهو يقول بشفقه:-مالك يا حببتي
هنا كان مراد ينزل الدرج ببطء وصدمه شديدين..
قالت رزان صارخه وهي تختبأ بين احضان مازن وتشير الي مراد :-ارجوكم ابعدوه...همشي والله همشي ...هطلق من مازن لو عاوزين بس محدش يآذيني
قالت جني بشفقه:-مين آذاكي
-كان عايز يغتصبني...
وصرخت بقوه و هي تمسك سترتها من الاعلي و تبكي في احضان مازن و الدهشه تكسو ملامح الجميع وهم يتبادلون النظرات المذهوله بينما انكمشت لميس وهي تقول:-يستحيل..
قال مراد ضاحكا:-محدش هيصدق الغباء الي هي بتقوله ده مش كده؟
قالت سهير بحده:-كنت فوق ليه يا مراد؟؟
بينما قال مازن بغضب:-وطلعت ليه متسحب يا مراد ومحدش حس بيك لما جيت!؟
رفع مراد حاجبيه:-هتثقوا في دي؟؟ في رزان!! الي...
قال مازن بحده:-الي معملتش اي حاجه غير انها اتجوزتني ..اما انت...فاغتصبت لميس قبل كده ومش بعيده عليك تعلمها تاني..
قالت نجاه بغضب:-مازن!!
بينما قالت سهير:-لا قلي كنت فوق ليه يا مراد؟
قال مراد بحنق:-انا...
قال مازن:-عارف انك حاطط رزان في دماغك من زمان ...من ساعه ما انت ختها في عربيتك و رميتها علي الطريق و ضربت راسها في الارض وانا الي غلطان اني مفضحكتش ساعتها
شهق الجميع وهم ينظرون الي مراد الذي اظهر هاتفهه:-جاتلي الرسايل دي من مازن
-الله اعلم حيله ايه دي الي بتعلمها انا مش هصدق واحد بيحاول في نفس التجربه للمره التالته..انت حيوان لانك بتبص لمرات اخوك
قال مراد صارخا:-انت الي حيوان لانك..
دفعه مازن للخف وهو يقول غاضبا:-انا ماسك اعصابي بالعاااااافيه
هنا ادمعت عينا مراد وهو ينظر الي مازن بخيبه أمل و واعتدل وهو يبحث بعيناه في الوجوه حتي وصل الي حبيبته التي تقف منكمشه تبكي فاقترب منها وهو يقول:-لميس انتي مش مصدقها صح؟ مش هاممني كلهم..بس انتي!!...
الا انها بكت وهي تجري الي شقه سهير بينما ظل قاسم صامتا ثم دخل دون تعليق و سحب مازن يد رزان وهو يجرها خلفه لاعلي..
بينما ظلت جني وحيده تنظر الي اللا شيئ بشرود لا تستطيع الثقه ابدا برزان ..وتشعر ان مراد لم يفعل شيئ..
اقتربت منه رغم دهشه مالك وغضبه وهي تربت عليه هامسه:-اهدي يا مراد ده رد فعل طبيعي للميس..اهدي يا حبيبي..
____________________________________
ما ان سحب مالك جني دون ان يوجه اي حديث لمراد حتي جري الاخير الي شقه سهير و طرق الباب بقوه لتفتح له سهير
كاد ان يدخل لولا اعترضت سهير طريقه وهي تقول:-نعم
-عمتي..ارجوكي صدقيني انا معملتش حاجه ابدا...خليني اكلم لميس
قالت سهير بجفاء:-كفايه لحد هنا يا مراد..
جائت لميس من الخلف وهتفت قائله:-دخليه...دخليه خليه يواجهني...
قال مراد وهو يدخل:-لميس يا حببتي ارج..
-ارجوك انت..طلقني وكفايه
قال بذهول:-اطلقك!! هتكدبيني عشان رزان يا لميس؟
قالت بقهر:-ده الي انت اعتمدت عليه مش كده ان الكل هيصدقك سواء لحقت تاخد منها الي نفسك فيه او لا..بكرهك..
قال مراد ببكاء حقيقي:-لميس
-لميس زهقت وانتهت للابد ...تقدر تقلي كنت فوق ليه؟ تقدر تقلي كنت نازل براحه ليه...تقدر تفسر كلام مااااااااازن ؟؟؟ عن انك ختها وحاولت تقتلها...تقدر تقلي اغتصبتني مرتين ليه ؟!
شهقت سهير وهي تسمع حديثهم
مرتين!!
قال مراد بتوسل:-انا كنت زي الزفت في كل ده لكن انا ..
-طلقني وكفاااااااااااااااايه..
ادمعت عيناه مره اخري ثم غادر شقه عمه لاعنا رزان متوعدا..
____________________________________
كانت ساره تجلس بمكتبها شارده بامر لميس ومراد ، لا تعلم من تصدق انها لا تستطيع ان تثق في رزان منذ اللحظه الاولي..لكنها لا تريد ان تأتي عليها من اجل مشاعرها ..
ان رزان لم يصدر عنها اي سوء حقيقي...حتي زواجها من مازن لا يعد سوءًا...
ولكن مراد يبدو اعتدل..
ولكن رغم ذلك ايضا هي لا تثق فيه بعد ما رأته في مكتبه مع الفتاه الغريبه ومن ثم اغتصابه لشقيقتها..
تنهدت وهي غارقه في شرودها فقطع شرودها دق باب مكتبها فقالت بحسم:-ادخل
دخل كريم بابتسامته الواسعه وقال بمرح وهو يجلس:-اخبارك ايه النهارده؟
تبمست بخجل وهي تقول:-الحمدلله بجد احسن..
قال كريم متنهدا:-وشك مدقش طعم النوم
نظرت له بدهشه:-قلي يا كريم انت خريج علم نفس ولا ايه
ضحك ملأ فاه ثم قال:-
-لا يا ستي بس بفهم الناس كده لله في الله..بعرف معدنهم من نظره
-طب ما تبص لرزان دي وتجيب القرار بتاعها وتريحيني
ضحك وقلبه ينخزه أيخبرها ام لا...
قالت ساره دون مقدمات:-حصلت مشكله امبارح في البيت وانا محتاره...
-احكي..
تنهدت وهي تقول:-اختي اسمها لميس تبقي متجوزه من ..
وبدأت تسرد له كل شيئ بارتياح شديد..
___________________________________
وضعت شهيرا النقود بجيب سترتها و ارتدت حذائها واستدارت لريم:-هجيب اكل نعمله..عايزه حاجه من تحت؟
قالت ريم بجفاء:-لا...وهاتي علي ادك...بابا طفشان مننا..وانا مش هاكل ..
نظرت لها شهيرا ثم غمغمت:-خيبه..
واغلقت الباب بقوه فتنهدت ريم بضيق شديد وهنا لمحت هاتف شهيرا..
يبدو انها نسيته ، قامت مسرعه الي الباب كي تنبه والدتها ولكنها توقفت وهي تفتح الهاتف وتبحث في قائمه الاتصالات حتي وجدت رقم باسم رزان..
تبمست بانتصار وهي تأخذ الرقم الي هاتفها وترفع الهاتف الي اذنها
استمعت الي الجرس كثيرا حتي آتها صوت تعرفه جيدا..صوت رزان
-الو..
قالت ريم سريعا:-رزان وحشتيني..
قالت رزان باسمه وهي تقوم من الفراش ناظره الي مازن بحرص:-رييييييييييم..
قالت ريم بسرعه:-رزان ارجوكي ...عرفيني عليهم علي اني اختك وخليني اجي ازورك
برقت رزان عيناها:-لا طبعا انتي مجنونه تيجي فين وعايزه ايه
قالت ريم متنهده:-طيب..ممكن اقابلك..لازم اشوفك يا رزان...لازم نتكلم
قالت رزان بقلق:-ماما حصلها حاجه؟
-لا..انا وبابا...لازم نتكلم..
قالت رزان بتوتر:-طيب اوعدك هكلمك تاني ونحدد معاد..
-تمام خلي بالك من نفسك
-ماشي..
__________________________________
كانت لميس تغط في نومٍ عميق حين شعرت بيد توقظها برفقه ففحت عيناها لتجد جني بابتسامه دافئه توقظها
اعتدلت لميس بارهاق وتبمست ببهوت:-جني!! في حاجه ولا ايه؟
قالت جني بمرح:-لا يا ستي مفيش حاجه..بس كل الحكايه يعني اني جايه ارخم...واطمن علي ام برعي..
ثم اشارت علي بطن لميس:-وبرعي.
قالت لميس بلوم:-متقليش عليه برعي..
ضحكت جني وهي تقول:-لا ده برعي وبتاعي حنفي..
-ايه يا جني ده
ضحكت مره اخري وهي تقول:-ممكن اتكلم معاكي شويه
قالت لميس بعبوس فهي تعلم جيدا ما ستقوله جني:-طبعا
-مراد..
قاطعتها لميس بحده:-بعتك ولا ايه
-لا يا لميس...مراد مش ظاهر من امبارح تماما...مراد مظلوم يا لميس و انا مش بقول كده عشان اخويا، مراد طول عمره مقرب ليا اوي وانا بفهمه اكتر من ماما والله...مراد اتغير يا لميس مراد بجد بيصلي وبيحبك..وبيتشغل بجد...مراد بقي احسن من مازن ومن مالك وفعلا بيحبك...حرام عليكي ، هو لو وحش..هيمثل كل ده ليه عليكي وهيفرح بالبيبي ليه..ده يا عيني مبيعدش دقيقه الا اما يتكلم عن طفلكو..لميس فكري..رزان دي شيطانه وبانت اوي ساعه جوزها من مازن ..عينيها واسعه و جشعه ...
قالت لميس بألم:-يعني انتي مش مصدقه رزان ابدا؟
-لا..
تنهدت لميس ولم تجب..
___________________________________
ما ان غادر كريم مكتب ساره حتي شعرت بدوار شديد وتوعك..
انها لم تتناول شيئا فلماذا تشعر بهذا الغثيان
وقفت ساره وشعرت انها ستقع فجلست مره اخري
ما الذي يحدث؟ هل هذا لانها لم تنم ليلتها جيدا؟؟ ام لانها لم تتناول شيئا...انها ليست علي ما يرام والاسوأ انها لن تستطع القياده
قامت وقد قررت ان تتناول اي شيئ الا انها فجأه جرت الي المرحاض الصغير بغرفتها وافرغت ما تبقي بمعدتها من ليله امس..
تعجبت كثيرا من امر نفسها يبدو انها اخذت بعض البرد او ما شابه
فتحت ساره باب المكتب بهدوء كي تخرج و تذهب الي بيتها بسسياره اجري..وفجأه لم تشعر بأي شيئ..وهوت ارضا!
*فتحت ساره عيناها لتجد ممرضه تعرفها جيدا لطيفه الطباع تقف الي جانبها
اعتدلت ساره بارهاق وهي تقول:-ايه الي حصل..
قالت الممرضه بابتسامه:-وقعتي فجأه ونقلوكي هنا..
قالت ساره وهي تطقطق رأسها:-انا لسه دايخه شكله برد جامد او قله نوم وارهاق و تفكير..
-او بيبي.
ذُهلت ساره وهي ترفع رأسها للممرضه:-ايه!!
ضحكت الممرضه وهي تقول:-الف مبروك..انتي حامل يا دكتوره ساره..
___________________________________
حل المساء فأخذ كريم اذنا من المشفي لانه علي موعد مع خطيبته ريم
اخذ سياره اجري الي حيث المكان المتفق عليه ليجدها بانتظاره
تبسم ببهوت وهو يجلس:-ازيك يا حببتي
قالت ريم بسعاده:-مش كويسه اوي يعني بس رؤيتك احسن حاجه بتحصل اسبوعيا..
تبسم كريم قائلا:-الحمدلله سبب سعاده ناس اهو..
قالت ريم باسمه:-طبعا
ثم قالت فجأه:-عايزه احكيلك ..خت رقم رزان من ورا ماما...واتصلت بيها وطلبت اقبلها لازم احاول اكلمها و اخليها ترجع انا قلبي واجعني عليها وخايفه عليها
قال كريم بغيظ:-ودي يتخاف عليها!!؟ دي انسانه شيطانه وكانت محتاجه دافعه من واحده زي امك
عبست ريم وهي تقول:-ايه يا كريم انت بتتكلم كده ليه عن اهلي؟
-انتي متعرفيش حاجه ...ولا تعرفي...انا بقيت شاكك
قالت بغضب:-ما توضح كلامك
-انا زميلتي في المستشفي الجديده تبقي ساره....ساره قاسم النصوحي..بنت عمك يا ريم...والي تبقي مرات مازن الاولي الي رزان اتجوزته..
قالت ريم بدهشه:-رزان اتجوزت!؟
-ايوه..يتخاف عليها ايه دي انسانه ...انا اسف يا ريم اسمحيلي اقلك انها قذره وان قذرتها دي من شهيرا
قالت ريم بغضب:-انا اختي اطيب مني متقلش كده علي رزان
-هه! اطيب منك
-حال ساره والعيله كلها يصعب علي الكافر
-اااااااااه...شكلك مغوص اوي مع ساره وحكيالك...تفتكر مين الي قذره ساره الي عارفه انك خاطب من دبلتك و بتقرب منك ولا اختي
قال كريم بغضب:-متقليش علي ساره حاجه انتي متعرفيهاش
-ههههههههههههه بجد!!؟
قامت ريم بغضب:-شكرا انك سديت نفسي..عن اذنك
ثم غادرت بغضب..
___________________________________
كان مازن يجلس مع رزان التي تلعب دور الحزن ببراعه حين قال مازن باسما:-
-هتفضلي زعلانه كده كتير بقي؟
قالت رزان وهي تتظاهر بالبهوت:-انا مش مصدقه انو كان ...بيحاول بالطريقه دي..
-طيب خلاص ممكن تنسي عشاني..
كادت ان تتحدث لولا رن هافته باسم ساره فكاد ان يغلق الهاتف فقالت رزان تتظاهر بالطيبه:-رد عليها هتزعل حرام يا مازن
تبسم مازن من حنانها وهو يجيب علي ساره:-الو سلام عليكم
قالت ساره بلهجه مجنونه اول مره يسمعها:-انا حاااااااااامل يا مازن...حامل يا مازن الجمد لله انا مبوسطه اووووووووووي
انفرجت اساريره وهو يقول:-بجد...انتي فين؟؟ وعرفتي ازاي؟
قالت ساره ضاحكه بلا سبب:-مروحه في التاكس...و عرفت لاني تعبت واكشفوا عليا..انا مبسوطه اوي
ضحك هو الاخر بلا سبب:-طب لما تيجي قوليلي لازم اشوفك..
اغلق الهاتف ليصطدم بنظره كراهيه فظيعه بعينا رزان لاول مره يراها و بنبره خشونه حاده قالت رزان:-في ايه؟
-ساره حامل..
ظلت رزان تنظر له:-فرحان
ضحك قائلا:-طبعا...والمفروض تبقي فرحانه يا رزان ده ابني...ابني ...ههههههههههههههههههه بقيت اب...لازم انزل اقلهم مش قادر استني لما تيجي
صرخت فجأه:-روحلها...وسبني للكلاب الي زي مراد
-ايه دخل ده بده في ايه يا رزان؟
-نسيت زعلي وضيقي لما سمعت صوتها مش كده
قال مازن بهدوء:-حببتي..
-ابعد عنيييييييييييي...
-انا فرحت بالبيبي يا رزان ده حته مني
-من واحده زي ساره!!
-مالها ساره يا رزان؟
-ملهااااااااااااااااااااااااااش احسن مني
ثم دخلت الي غرفتها لينظر مازن بدهشه الي الفراغ الذي كانت تملأه..
ما هذه التصرفات؟؟
اغيره تلك؟ ام حقد!!
____________________________________
كان مازن ينزل الدرج سريعا عندما اعترض مراد طريقه:-مازن...لازم تسمعني زي ما سمعتها امبارح انا اخوك ارجوك اسمع..
قال مازن بغضب:-اخويا يخاف علي حريم بيتي
-طب اسمع...وليك الكلام
تنهد مازن ثم قال بغضب:-قول..
_____________________________________
كانت رزان تتحدث مع شهيرا بغضب علي امر الحمل حين شعرت بمازن يفتح الباب اغلقت الهاتف مسرعه وهي تنظر بتعجب للباب فلم يمر سوي عشره دقائق فقط علي نزوله...
دخل مازن عاقدا حاجبيه ووقف امامها...
فقالت رزان وهي تتظاهر بالبكاء:-عاوز ايه..
-عاوز اعرف مين الست الي كانت معاكي في الكافيه؟