اولاد عم ولكن للكاتبه وعد يحيي البكري

الفصل الثالث والعشرون:-

كان مازن يطفئ محرك سيارته حين فتح بابها في جراش البنايه التي يعيش بها وما ان اغلقه وكاد يمشي بخطواته الثابته الي البنايه حتي شعر بيد تحيط بذراعه استدار بتعجب ليري رزان تقف خلفه وتلف كفها الصغير حول ذراعه فعقد حاجبيه قائلا:-
-في ايه يا رزان مالك؟
قالت بحزن طفولي:-وحشتني اوي يا مازن..بقالك اسبوع بعيد عني،ولا بتخرج معايا ولا اي حاجه وقلتلي علي موضوع الجواز وسبت قلبي طاير بيك ونسيتني..شكل ساره بدأت تعجبك
تبسم في مرار وهو يقول:-
-بدأت تعجبني؟ رزان انا بنام في اوضه وساره في اوضه تانيه خالص و بتنزل الصبح المستشفي وبتطلع منها علي العياده وترجع تنام طوالي..ولا كأن في مازن هناك...خدت عتابي كله علي سبيل الجرح بس..
قالت وهي تقترب منه بشكل ملفت:-ما يمكن ده من حظي انا..ربنا بيبعدها عنك عشان يسرع المسافات بينا...مازن مش هتفاتحهم بقي..
قال مازن مفكرا:-مش عارف يا رزان..الموضوع طلع صعب و مشاعر سار..
قاطعته نظرتها الغاضبه وهي تقول بحده:-مشاعر ساره؟؟! هو انت هتتجوزني ليه يا مازن طالما مبتحبنيش
-رزان ..انتي الوحيده الي بتحسسيني بوجودي في العالم ده كله..انا فعلا بحبك لكن مش معني حبي ليكي جرحي لمشاعر ناس تانيه
-لو ركزت هتلاقي نفسك بتجرح مشاعري انا بس يا مازن..عن اذنك
غادرت بحزن وهي تتظاهر بالبكاء فامسك يدها بهدوء وهو يعيدها حيثما كانت قائلا بابتسامه:-
-ميهنش عليا دموعك..خلاص بقي وعد مني ليكي خلال الاسبوع ده نقاش جوازنا هيتفتح يا رزان..
قالت بلهجه مدلله طفوليه:-طب عاوزه اخرج معاك...
-يا ستي حاضر..اوعدك بردو..
كاد يرحل فامسكت ياقه قميصه وقالت بدلال:-بس يا مازن انا بكون عاوزه اسمع صوتك واكلمك..
-كلميني يا رزان وقت ما تحبي..
-كنت هقلك يعني لو عندك تليفون قديم او حاجه احط فيه اي شريحه ..
تبسم وتنهد قائلا:-اوعدك بتليفون..ممكن اطلع انام..
اقتربت منه اكثر وهي تقول بدلال:-انا بحبك.
تلجم امام لهجتها ودلالها و لوهله قارنه بساره واسلوبها في الحديث الجاد حتي اثناء مداعباته لها..
فقال مازن باسما:-تعرفي...رغم انك دلوعه اوي يا رزان..ودلعك ده ليه تمن ديما بس انتي فعلا..بتبسطيني في لحظات..
التصقت به وهي ترفع رأسها بدلال اكثر:-طيب يا مازونتي خلينا نتجوز واوريك بقي الانبساط بجد..
ظل يقف في ثبات ينظر لعيناها دون حديث فقالت:-
-مش بترد ليه ولا عاوز تتهرب مني؟
لم يرد مره اخري فابتعدت عنه وهي تقول:-طيب خلاص روح نام وهبقي اكلم معاك بع..
قاطعها وهو يجذبها بقوه اتجاهه لتلتصق به كما كانت:-عايزك كده للابد.
تبمست له برقه فما كان به الا ان يقبلها بجنون وعنف حتي ان رزان قد تفاجئت وربما انزعجت من ذلك الامر حاولت ان تدفعه برفق ليبتعد الا انه احكم ذراعيه حولها
شعرت بالانزعاج كثيرا فحاولت ابعاد رأسها قائله:-مازن..ممكن..
الا انه الصقها بالجدار وهو يقبلها بقوه اكبر فبدأت انذارات الخطر تدق اجراسها في رأسها وبدأت رزان تقوي قبضتها وهي تبعده عنها
-مازن ارجو...
وفي هذه اللحظه كان مالك متجها للجراش حين استمع الي همهات كثيره بالداخل فدخل بخطوات اكثر حرصا لانه اعتقده لصا او ما شابه الا انه تفاجئ بالمشهد امامه فابتعد مازن اخيرا عنها لتنظر له بغضب وبكاء حقيقي وهي ترحل بينما وقف مالك مدهوشا للغايه ومازن ينظر بعيدا وسرعان ما انعقد حاجبا مالك وهو يقول:-
-انت بتخون ساره يا مازن؟!
قال مازن بطريقه عدوانيه:-محدش ليه دخل
صرخ به مالك:-انا ليا دخل يا مازن ..ساره اختي!!
قال مازن بعصبيه:-كل واخد فينا فاهم التاني يا مالك....وانا وانت صحاب سنين..ياريت مندخلش الحريم بينا لو مش عاوزنا نخسر بعض
-لا..ندخل الحريم الف مره لو الحريم دول اخوتنا..انا مش بخون جني يا مازن لكن انت بتخون ساره
-ملكش دعوه..
قال مالك صارخا:-ساره متستحقش كده..
-ولا جني كمان تستحق كده...ولا حد فينا يستحق التاني يا مالك و احنا السته عارفين ان حياتنا استحالت جدا
رفع مالك حاجبيه وقال بمقت:-بالطريقه المقززه دي!! يا سيدي اتجوز..حاسس اني بكلم مراد مش مازن ..انت مازن بتاع ربنا الي مش بيبص في عين واحده ست!
قال مازن بعصبيه:-انت مش ربنا عشان تحاسبني...
ثم غادر الجراش بغضب فتنهد مالك وهو ينظر ارضا، علي ماذا تعابته يا مالك ام انك تعابت ذاتك في حديثك؟
تشعر بالحزن من اجل شقيقتك ولا تشعر بالحزن من اجل جني ؟
كلاهما ضحايا..وانت لا تستطيع فعل شيئ..
لا...جني ليست ضحيه ابدا،فانت لم تخونها لقد احل الله لك الزواج فماذا في هذا الامر...
استقل مالك سيارته متنهدا وهو يدير محركها.
____________________________________
كانت تضم قدميها الي صدرها وتبكي بشده تري هل اعتقدني مازن آله رخيصه امامه بسبب الدلال الذي اقوم به؟
لو يعلم مازن كم الحقد الذي احمله له لما فعل ذلك..
انا السبب ام انتِ السبب يا امي؟
لازلتُ اعيش في حيرتي واكبت بقلبي كل مشاعري،حتي انني اصبحت اخاف ان استمع الي ابي و اؤخر لقائي به..ولكن غدا بالتأكيد سيختلف الامر كثيرا مع ابي ...بالتأكيد سيخبرني بما لا اعلمه..
_________________________________
فتح مالك باب الفيلا الصغيره ليجد مي تجلس بالصالون الكبير تضم وساده كبيره الي صدرها واضعه ذقنها عليها تشاهد التلفاز برأس مشغول
تبسم وهو يجلس الي جانبها قائلا:-كأني داخل علي بنتي بالظبط..طفله صغنونه كده اعده حاضنه المخده كده وساكته خالص..
لم ترد مي فأمسك بوجنتها وهو يجذبها بعيدا و يلعب بها بمرح قائلا:-انتي ازاي بتخليهم مطاطين كده..
وضعت يدها علي يده و ابعدتها عن وجنتها فعقد حاجبيه وهو يقول:-مالك يا مي؟
لم ترد وهي تنظر لشاشه التلفاز فقال مالك بعصبيه:-بكلمك!
الا انها علت من صوت التلفاز اكثر فامسك بالمحول و اغلق التلفاز كله قائلا:-
-في ايه يا مي؟
قالت برود شديد:-تحب نطلع فوق امتي؟
-نطلع فوق!
-ايوه...تاخد الي انت جاي تاخده وتروح
قال مالك بغضب:-مي انتي بتهبلي بتقولي ايه..بقي انا باجي عشان كده
صرخت بوجهه:-اه يا مالك بتيجي عشان كده وبس..
قال مالك بغضب اكبر:-لا انا مبجيش عشان كده يا مي
قالت مي بحزن:-انت بتيجي كل يوم ساعتين يا مالك!! ساعتين وقلتلي عمري ما هقصر في حقك...ساعتين وبقالنا اسبوع بس متجوزين؟! اسميها ايه دي؟
قال مالك مشيرا علامه الجنون:-شكلك اتجننتي ولا ايه يا مي وبتوهمي نفسك انا باجي اربع ساعات كاملين و بناكل ونضحك ونهزر ..مش باجي بس عشان الي انتي اتهمتيني بيه يا مي
قالت مي ضاحكه:-العفو والسماح ظلمتك يا مالك
عقد حاجبيه بشده:-انتي واحده مستفزه
قالت مي مصفقه بيدها:-ها ايه كمان؟
امسك ذراعها بحده:-انتي ليه بتعملي كده يا مي وانتي عارفه ان الوقت الي بجيلك فيه هو اكتر واقت حلو في يومي..
-ما لازم طبعا..راجل بيجي لواحده ست متشكيه و تعد تأكله و تهزر معاه.. وتظبطه.
-راجل بيجي لواحده ست!!! ...انا جوزك يا مي
-كويس انك لسه فاكر
وقف قائلا:-انا ماشي يا مي..
-امشي مش فارقه كتير مهو كده كده هتمشي..
كادت ان تحدث اكثر لولا ااستمعت الي اغلاق الباب بقوه فنزلت دموعها بكبرياء شديد وهي تمسك بالمحول و تفتح التلفاز ورأسها في دنيا أخري
____________________________________
فتح مالك باب منزله فوجد الظلام يسود المكان الا ضوء خافت يظهر من اسفل باب غرفه النوم فخلع حذائه ودخل بهدوء الي الغرفه ليجد جني تنام كالملائكه مدثره بالاغطيه فتنهد وهو يتناول ملابسه المنزليه التي طُبقت بعنايه و وضعت علي طرف الفراش..
فتحت جني عينها وقالت بخفوت :-الاكل برا علي السفره متغطي..
ثم تقلبت في فراشها تنظر الي الجهه الاخري فقال مالك مبتلعا ريقه:-
-هتفضلي كده كتير يا جني؟ بقالك اسبوع بتنامي بدري و تصحي تجري علي تحت و ترميلي الاكل كده بليل...
قالت دون ان تستدير:-واحده غيري لو عندها كرامه كانت سابت البيت..بس مستنيه مرور شهر كده ونطلق ونريح نفسنا..
قال مالك وهو يجلس :-انا عارف اني غلطت في حقك يا جني كتير..بس لازم..
اعتدلت بحده وهي تقول:-مش هنفتح اي نقاشات ..احنا مش اتنين متجوزين بجد وياريت تنسي اي حاجه حصلت بينا
بكي مالك فجأه:-انا تايهه يا جني..مش عارف ارضي حد ولا ارضي نفسي حتي
ثم دفن وجهه بين كفيه فشعرت جني بالشفقه وهي تزيل الغطاء وتقترب منه بهدوء وضعت يدها علي كتفه وهي تقول:-
-مالك ؟ احكيلي في ايه يا مالك
قال مالك ببكاء:-نفسي ..بس صعب..
قالت جني باسمه بألم:-تفتكر جني غبيه لدرجه انها متبقاش عارفه حدود علاقتك بمي ايه؟ احكيلي المشكله الي بينكو ..
رفع عيناه بدهشه و ذهول لها فاومأت بابتسامه بااهته تشجعه:-يلا يا مالك قولي في ايه..
قال مالك بألم:-كنت بحب مي اوي وبالنسبالي احلي حلم بعيشه..وجيتي انتي عن طريق فرض قوي اوي، قررت اتجوزك عشان عمي واتجوز مي عشاني..انا...انا مش عارف اتبسط يا جني..مش عارف يعني مي ..بقت ديما في مشاكل ونكد ومعاكي بيجيلي شعور انك مفروضه عليا و...مش عارف..مش عارف
قالت جني باسمه:-ابسطهالك يا مالك...انت معقد علاقتك بيا عشان بس بابا..مجرد اثبات لنفسك انك حر..لكن مي كان حب سهل ينتهي اكتر من تصورك لكن انت دلوقتي ورطتها معاك و مضطر انك حتي لو بطلت تحبها متتخلاش عنها.. و ورطت نفسك معايا ومضطر لو حبتني ..متقربش مني ولا تحسسني..عشان نفسك ..انت مبقتش عارف ضميرك يوجعك علي مين..
قال مالك بألم:-صح يا جني انتي فسرتي كل حاجه بسهوله و وضوح..
تبمست وهي تربت علي ظهره:-قوم اغسل وشك و كل...ومتفكرش في حاجه..
تبسم لها ببهوت وهو يقف:-شكرا يا جني..انا متخيلتش انك ممكن حتي تبقي اخر واحده احكلها عن مي
اومأت برأسها متفهمه بينما خرج مالك و هي تعود اسفل الاغطيه تكتم صوت بكائها والدموع تلمس الوساده بهدوء..
_________________________________
كانت الشمس تلقي بأشاعتها علي المطعم البسيط امام النيل حيث جلست رزان بهدوء تنتظر مدحت بفارغ الصبر تتسائل في نفسها تري ماذا ستسمع منه..
تفاجئت بظل امامها فرفعت عيناها لتجد مدحت بابتسامه صغيره يجلس ليأكل ابنته بعينه قائلا:-اشتقلتلك يا رزان اوي..
قالت رزان باسمه:-انا كمان يا بابا..
قال مدحت متنهدا:-كنت شايل حمل اليوم ده اجي ملاقكيش..وبتهيألي ان بعد كلامنا هتسيبي كل حاجه هناك وترجعي معايا..
عقدت حاجبيها باهتمام وكادت ان تتسائل لولا رأت عينا ابيها تنظر بتعجب وغضب الي شيئ ما خلفها ففجرت نظرته الفضول لديها وهي تلتفت لتجد شهيرا تقترب ببطئ شديد وتجلس معهم فقالت رزان ضاحكه وهي تضم والدتها:-ماماااااااااااااااااا....وحشتيني..
ثم قالت:-مجبتوش ليه ريم
قال مدحت بغضب:-عرفتي منين مقابلتي برزان يا شهيرا؟
رفعت رزان حاجبها بتعجب فقالت شهيرا بهدوء:-عرفت يا مدحت ..عرفت من مكالمه رزان الي انت رديت عليها من تلفوني ومدتها بينك وبينها 10 دقايق كاملين..عرفت من المشوار الغامض ده وتوترك الايام الي فاتت وسؤالك باستمرار رزان اتصلت ولا لا..انا شهيرا يا مدحت
قالت رزان ببراءه:-طب ويجري ايه في الدنيا متتخانقوش كده ارجوكو..ادينا مبسوطين مع بعض
قالت شهيرا باسمه:-اكيد يا حياتي..
ثم نظرت لمدحت قائله:-مش كده
لم يرد مدحت وقال:-رزان انا باباكي وعمري ما اكدب عليكي ارجوكي اطلبي من ماما نتكلم لوحدنا..
قالت شهيرا بغضب:-انت لسه زي ما انت يا مدحت..عاوزني اكملها الحقيقه...طيب...لازم تعرفي يا رزان ان ابوكي عاش وبيعيش وهيعيش ويموت بيحب ابوه واخواته اكتر من مراته و ولاده..لازم تعرفي انه جاي هنا عشان يبعدك عنهم لانو خايف عليهم
قال مدحت بتوسل:-لا يا رزان ارجوكي افهمي...
قاطعته شهيرا:-رازن عمرها ما تآذيهم بزياده..هي بس بترجع حقنا
-حق ايه !!؟ يا رزان اسمعي..
قالت رزان بضيق:-انا تعبت ومش فاهمه اي حاجه
قالت شهيرا بحده:-اسمعي يا بنت شهيرا..انتي قومي روحي وملكيش دعوه بابوكي تاني واياكي يتصل بيكي تقابليه ومتسمحيش لحد يأثر علي راسك...قومي!!
نظرت رزان بشفقه الي والدها الذي صمت وهو يلعن ضعفه بينما قالت شهيرا مكرره:-قووووومي!!..
قالت رزان باصرار:-بابا قول كل حاجه..
صمتت شهيرا وهي تصوب نظرتها الي عينا مدحت بطريقه يفهمها فقال:-انا..انا بس عاوزك ترجعي عشان خايف عليكي من شر قاسم اوي فكنت هقلك اني متنازل...
قالت رزان باسمه:-يا سلام يا بابا علي حنيتك ارجوك متشلش هم انا محدش شاكك فيا و جوازي علي مازن فضله خطوه...
قالت شهيرا بسعاده:-عفارم عليكي..يلا قومي لحسن حد يشوفك
وقفت رزان وهي تقول باسمه:-بحبكم..
ثم استدارت تمشي بهدوء بينما قال مدحت ببكاء:-ربنا هيحاسبك..ربنا هيحاسبك...انتي شيطااااااانه..
-سعات الشياطين...بتبقي مفيده اكتر من املايكه الي ملهاش وجوده...
نظر لها بدهشه لحديثها الملئ بالكفر بينما هي تقف منسحبه بهدوء..
_________________________________
وقفت ساره بغرفتها بالمشفي تقلب في بعض التقارير الخاصه ببعض المرضي حين دق احد زلائها الباب فرفعت رأسها قائله:-اتفضل.
دخل رجل ذا قامه طويله وشعر كثيف اسود وحاجبان ثقيلان اسفلهما عينان سوداوتين واسعتان للغايه قال بابتسامه:-
-انا الزميل المتعين جديد هنا وبحاول اتعرف علي كل الداكتره في القسم..
تبمست ساره ولم تمد يدها:-اهلا وسهلا...انا ساره سيد..
قال باسما:-وانا كريم..
__________________________________
كان مالك يمسك بحقائب كبيره يملأها الملابس التي تحبها مي و بعض الدمي الكبيره التي تفضلها زوجته الطفله و حقيبه اخري بها طعام فاخر كي يأكلا دون مجهود منها...
ظل يرن الجرس بشده متواصله ففتحت مي الباب لتنظر له بفضول..
كانت عقارب الساعه تشير الي الرابعه عصرا حيث ترك مالك عمله باكرا كي يقضي معها اطول فتره ممكنه
فتحت الباب و تركته ورحلت فتبسم بحنان وهو يدخل ويغلق الباب بقدمه و ويضع الحقائب علي مائده الطعام ثم ذهب اليها يجرها بسرعه من يدها وجعلها تقف امام مائده الطعام واحاط بها من الخلف وهو يقبل وجنتها:-افتحي الشنطه دي..
فتحتها وهي ترسم الحزن علي وجهها لتري ملابس كثيره للغايه بها كلها اجمل من بعضها ظلت تقلب بينهما بحماس و سعاده حتي انتهت وهي تقول:-يا مالك بجد كل ده كتير اوي واكيد مكلفك مش عارفه اقلك ايه شكرا اوي..
قبلها في عنقها وهو يقول:-طب افتحي الشنطه التانيه..
فتحتها لتجد دميتان كبيرتان للغايه كل واحده منهن اجمل من الاخري فضمت احداهما اليها وهي تضحك بشده ثم استدارت له وهي تضمه فقبل رأسها قائلا:-انا اسف لاني قصرت معاكي ..
ثم مد يده الي حقيبه الطعام:-اعدي اعدي..انا جعان جدا..
قالت وهي تجلس باسمه:-لسه كنت هبدأ اعمل غدا..
-لا لا..احنا ناكل جاهز ونعد شويه مع بعض ونخرج ونرجع بليل و نبات سوا..
شعرت بسعاده كبيره وهي تشرع تأكل بشهيه شديده وما ان انتها من طعامهما فكادت تقوم تلملم الطعام فامسك مالك يدها قائلا:-خليكي اعده متتحركيش..
ثم قام مسرعا يحمل ما تبقي من الطعام الي المطهي ثم عاد لها مره اخري و جر مقعدها الي الخلف و الابتسامه تملأ وجهه ثم حملها علي ذراعه وهو يصعد الدرج فقالت بخجل:-طب اغسل ايدي..
-عاجبني كده..انتي النهارده اميرتي..وهغسلك ايدك كمان...
ضحكت قائله:-انت مجنون..
انزلها بغرفتهما واغلق الباب بهدوء واقترب منها قائلا:-وحشتيني..
عقدت حاجبيها قائله:-بردو يا مالك؟!
نظر لها بدهشه:-ايه الي برودو..
-يعني..اول حاجه بتفكر فيها اني وحشتك وعايز تقرب مني
قال مالك بغضب:-مالك يا مي في ايه؟ما اليوم كله معانا وهبات هنا ومش هاممني جني ولا عمي
قالت مي بضيق:-اثبتلي انك مش بتيجي عشان كده...ونخلي النهارده من غير اي حاجه..
نظر لها نظره تخلو من اي مشاعر ثم قال باسما:-لا انا باجي عشان كده يا مي..سلام عليكم..
ثم فتح باب الغرفه بغضب وهو يغادر بينما تركته هي يرحل دون حتي ان تناديه ..
___________________________________
مسح مازن دموعه وهو يقوم من فوق سجاده الصلاه بعد ان طلب ان يغفر الله له..
قرر ان يبتعد عن رزان تماما...قرر ان يبدأ مع ساره صفحه اخري..قرر ان يعود مازن الرجل التقي ..
ولحسن حظه لم تذهب ساره مباشره الي العياده حيث تفاجئ بها تفتح باب المنزل فمسح عيناه جيدا ورسم ابتسامه بينما تفاجئت ساره به:-
-انت مرحتش الشغل ولا ايه؟
قال باسما:-لا...كنت حابب اصلي كتير..عشان مش مرتاح
قالت بهدوء:-طيب..
دخلت الي غرفه مكتبها الصغيره التي بها اشيئائها لملمت بعض الاشياء بحقيبتها وابدلت بعض الملفات واستدارت لتجد مازن يسد الباب بجسده فقالت بهدوء:-ممكن اعدي..
-ممكن اعطلك نص ساعه..
نظرت له بارتباك فامسك يدها قائلا:-انا اسف يا ساره..
قالت بهدوء:-عادي ساره اتحملت تتوجع
تبسم قائلا:-مقصدش اوجعك ياساره انتي انسانه رقيقه اوي ..وكان بس نفسي اعاتبك علي تزمتك معايا...
قالت ساره باسمه بسخريه:-وياتري بتصالحني عشان ايه..اصل مش هينفع دلوقتي..
ابتلع ريقه وتحمل تلميحها الرخيص وهو يقول:-عايز نفتح صفحه جديده مع بعض..وتسامحيني وتتغيري شويه شويه في بيتك و مع جوزك..
قالت بصرامه:-انا انسانه عمليه ومش فاضيه للكلام ده يكفيني اكون نضيفه وخلاص وشكلي كويس وبديك حقوقك مش لازم ابقي زي فلانه...
قال مازن بضيق:-ساره ..الكلام ده غلط يا ساره..
-ده كلامي..ومش هيتغير و وسع لان انا مش مجنونه عشان اسيب العياده واقضي باقي اليوم معاك..
ظل ينظر لها بوجوم ثم قال:-امشي....امشي يا ساره...بس مش عايزك ترجعي تبكي بعنيكي لاني هندمك علي الفرصه الي ضيعتيها دي..
تبمست بهدوء وهي تعبر بينما اغتاظ مازن كثيرا
___________________________________
رن جرس الباب لدي لميس التي فتحته بهدوء لتجد رزان فتمست لميس قائله:-مش بتسألي عني ليه..
دخلت رزان قائله:-انتي الي مراد واخدك ممنا ومحدش شايفك تحت..
قالت لميس بابتسامه باهته:-مراد مشغول جدا بشركته الجديده وبيجي بليل ياكل ونرغي شويه ويحكليلي يومه وينام وانا سعات بسهر وبعدين انام
-لسه بردو بعيد عن بعض؟
قالت لميس باقتضاب:-ربنا يحل ..المهم طمنيني عليكي..
قالت رزان بضيق:-ايه..هو كلكو بتتجوزا وتنسوني..صدقوني لو عاوزني امشي ...انا ممكن امشي فعلا
قال لميس بطيبه:-لا...رزان..انا ..انا بحبك اوي والله..انا اسفه اني مش بسأل..
-انا مش علي كده..جني بعدتني عن حيتها ورافضه تحكيلي اي تفاصيل واديكي دلوقتي..
-لا انا بس مش عاوزه اقلب علي نفسي المواجع
قالت رزان باسمه:-انتي غاليه اوي عليا ومش عيزاكي تنسي اني وقفت جنبك ساعه مراد ما حاول سيبك ...واوعي تنسي اني هفضل ديما جنبك بردو يا لميس..وعشان كده لسه بحذرك من اعتدال مراد المفاجئ ده مراد مش سهل..
برقت لميس عيناها :-رزان..
بينما رزان تكمل حديثها:-مراد ده كل الي همه يوقعك في شباكه ويعمل عليكي صح في القايمه بتاعته
(ياااااااااه...يظهر مراد ده وحش خالص)
التفتت بحده لتجد مراد يقف بمقت يصوب نظرات لم تفهمها اتجاهها
_________________________________
دخل مازن الي غرفه مكتب والده دون اذن فقال قاسم بغضب:-
-في ايه يا مازن حد يدخل كده
-والدي انا عاوزك ضروري...
قال قاسم باهتمام:-في ايه يا مازن قلقتني
-انا سبق وسمعت امرك واتجوزت ساره..دلوقتي انت لازم تنفذ طلبي يا والدي..
-ايه هوا...؟
-عايز اتجوز رزان...