اولاد عم ولكن للكاتبه وعد يحيي البكري

الفصل الرابع والثلاثون:-

قطرات بارده تسري علي تلك البشره الناعمه بهدوء ،تقلب رأسها يميناويسارا وتتنهد من وهله لاخري
رست رأسها اخيرا الي جهه اليسار وفتحت عياها بارهاق لتجد مالك يجلس الي جانبها ، تبسمت بسعاده وقالت بخفوت:-
-مالك...جيت امتي؟
تبسم مالك بشفقه شديده علي حالها:-انا هنا من الساعه تسعه الصبح ..قولي اربع ساعات كده
تنهدت وهي تقول:-مش صحتني ليه؟
تبسم مالك ببهوت وهو يقول:-كان شكلك تعبان اوي وعماله تهلوثي ..سبتك نايمه، حاسه بايه يا مي؟
ابتلعت ريقها وهي تقول:-مفيش بس بيأغم عليا كتير ..الطفل ضعيف اوي وضاعفني معاه
-ليه ميكنش انتي الي مهمله في نفسك انا سألت الداده وعرفت انك كنتي برتفضي تاكلي كتير
استندت بمرقفها الي الفراش وهي تعتدل بصعوبه ثم قالت:-عشان لوحدي....ماما و عمي رجعو البلد و انا مع الداده و الفيلا الي بقت شبهه السجن الي بباب بيودي علي عالم مليانه ناس ملهاش اي لازمه
-امال عاوزه ايه بس؟
قالت باسمه ببساطه:-مالك..
اختلج قلبه وهو يقول:-ومش قلتلك اي وقت تحتاجيني اتصلي بيا و...
ضحكت فصمت..
تحولت ضحكتها الي قهقه فعقد حاجبيه بعدم فهم ،تنهدت بارهاق وهي تقول:-
-الله يجازيك يا مالك..ضحكتني وانا مش قادره..
قال مالك بضيق نسبي:-بتضحكي علي ايه هو انا اتأخرت عليكي بحاجه يا مي؟
-مالك انا بضحك لاني مش بكلم عليك انت ..بكلم عن حبيبي...القديم
انصطدم كثيرا من حديثها:-واضح ان هلوثتك هلوثه وانتي صاحيه ونايمه يا مي
هزت كتفيها ببساطه:-لو مالك حبيبي هيبقي جنبي في هلوثتي دي انا موافقه اهلوث باقي العمر..لكن للاسف انا مش بهلوث لاني حتي مش قادره اشوفه بخيالي
قال مالك وهو يقف:-قومي يا مي اساعدك تلبسي ...خلينا نروح
ابتعدت للخلف وهي تقول:-هات الممرضه تساعدني
-انا جوزك يا مي في ايه
قالت باسمه بنفس البساطه:-نسيت ازاي انت جوزي ومش متعوده عليك ، بلاش تحرجني اندهالي
ظل ينظر لها بدهشه ثم غادر الغرفه بغضب شديد.
___________________________________
مشت ساره بخطوات سريعه في ردهه المشفي وهي تشعر بالقلق من ان يراها كريم فهي باجازه طويله ولا ترد علي هاتفها وقد جائت الان لانها نست بعض الاشياء المهمه بمكتبها
اخيرا تصل الي مكتبها وتدخله وتغلق الباب سريعا، بدأت في لملمه الاشياء الهامه بحقيبتها ثم تنهدت بارتياح وما ان فتحت باب مكتبها حتي رآته بوجهها فتبسمت بشحوب وهي تقول:-ازيك يا كريم
-انتي رجعتي لمازن صح؟
انصطدمت من قوه سؤاله فور رؤيته لوجهها فقالت:-لا يا كريم مرجعتش لمازن
اقترب خطوتين وهو يهتف بحده:-امال مش بتردي ليه و ختي اجازه من غير ما تقوليلي ليه ياساره؟ ليه بتعملي كده معايا؟ احنا المفروض اتفقنا علي ارتبطنا ....المفروض كمان يكونلي حق عليكي ولو بسيط وهو اني اعرف اطمن او افهم انتي فين كل ده! انا علقت حياتي علي اتفاق الارتباط ده وسبت خطيبتي عشان اخت ر...
رفعت حاجبيها بدهشه شديده وهي تقول:-خطيبتك !!؟ واخت مين!! كنت خاطب ؟ مجبتليش سيره
-لا قلتلك انا متأكد...يمكن...ي...
-واخت مين؟؟
-ايه..
قالت بحده:-كنت هتقول ايه يا كريم
دق قلبه بعنف وهو يقول:-ساره ممكن..
-ممكن تكمل يا كريم ؟!خطيبتك تبقي اخت..؟ مين
-رزان
تبمست ساره بهدوء وهي تقول:-كنت عارفه....اول ما قلت اخت انا استنتجت لان عمري ما حكتلك عن حد كرهته ادها...كنت تعرف من امتي يا كريم؟
صمت بتوتر فقالت:-من اول لحظه حكتلك فيها كل حاجه عنها ومش بعيد جيت المستشفي عشان تراقب تحركاتي وتقلها
-لالا...ساره
-هششششششت...ملكش دعوه بساره ، علي كل حال كنت هقلك ان ارتبطنا مش هينفع.
-ساااااااره!!
مشت مبتعده ثم وقفت واستدارت تعود اليه:-يعني انت مش تبعها؟
-لا...انا كنت عارف ان رزان دي بتنتقم والهبل ده بس كنت فاكر معاها الحق ولما حكتيلي كل حاجه ربطت الاحداث وخفت اقلك
-عرفت قبل خبر حملي يا كريم ومقلتليش كان ممكن تنقذني يا كريم...كان...ممكن تنقذ ابني!!
قال كريم بتوتر:-ساره والله ما فكرت ان شرها يوصل للدرجه ومكنتش عارف ابدأ منين ،انا ...انا حبيتك اوي يا ساره متسبنيش،انا ممكن اعوضك باي حاجه او اي مساعده
صمتت قليلا ومشاعرها متضاربه تتذكر امر ابنها و تلك الرزان التي كانت السبب في موته ،وحاله ابنها الاخر مازن الذي يتدهور و ينحف جسده يوما بعد يوم
قالت ساره بصرامه:-عاوزه اعرف مكان رزان...احتمال كبير يكون اهلها عارفين، اقلب الدنيا عليها عايزه اوصلها مهما كان التمن ...لو عايشه اتأكد انها بخير واحميها لحد ما اروحلها ولوميته قلي...الراحه احسن من الحيره حتي لو بوجع
-انا مش..
-مش مهم تفهم لو عاوز تعوضني عن معرفتك بامر رزان اعمل كده
اضاق كريم عيناه:-ااااه واضح ان رزان هربت ومازن تعبان ومش بعيد تكون اجازتك عشانه ....ههههه بتحاولي توصليه ليها
-الي بيحب حد بيحبله السعاده
صمتت قليلا ثم قالت:-عن اذنك
كلا منا...بلا استثناء، الطيب والشرير,,,والعادل والظالم ، السيئ والجيد، كلا منا أناني...كلا منا يسعي الاما يريد ممن يريد...كلا منا وبلا استثناء
__________________________________
مرت الشهور طويله للغايه علي حياه عائله النصوحي في الطرفين والحال كما هو عليه.
جلس مازن علي مائده الطعام برفقه اهله وكانت الي جواره ساره التي وضعت امامه الطعام وقالت باسمه:-كل يا مازن كويس بقي
تبسم ببهوت وغمغم بالشكر
بينما يسود الصمت علي الجميع جائت نجاه لتجلس فقالت جني بهدوء:-بابا أكل؟
قالت نجاه و سحابه من الدموع تملأ عيناها:-وهي دي كانت اكلته يا جني...ده حتي رافض انتو تشوفوه كده كتير و مبيرضاش يعد وسطينا من ساعه ما فقد النطق
قالت جني بألم:-منه لله الي كان السبب
ثم نظرت الي مازن بغضب والاخير سارحا في ملكوت اخر يلاحظ الجميع صمته و كآبته
كما يلاحظ الجميع تلك السحابه من الاحزان والكوارث التي حلت علي هذه العائله،
قال مازن فجأه بعد صمت:-تفتكرو رزان حامل دلوقتي في الكام؟
صمت الجميع بغضب ينظرون اليه عادا ساره التي نظرت الي طعامها بألم
-تفتكرو ابني عايش و بياكل منها ولا ماتو؟
هتفت نجاه بألم:-انت معندكش دم عشان يبقي ابوك فقد كل ما يملك تقريبا وحتي لسانه فقده وانت بتفكر بس في الحرباااااااااااااايه الي كانت السبب
قال مازن ببرود:-بابا عرف ينتقم كويس اوي..مني قبل اي حد ياريته قتلها وقلي كنت حزنت ونسيت..الحيره قتلاني ومحدش حاسس...
ثم قام تاركا الطبق الذي وضعته ساره كما هو فتنهد الجميع بتوتر بينما دخل مراد من الباب قائلا بمرح:-كويس اني جيت من الشغل بدري ...لحسن واقع جوع
لم يعلق احد ولو بابتسامه وهو يجلس الي جوار لميس التي تبسمت له ببهوت فقال مراد بهدوء:-امال فين مازن؟ كل بدري ولا ايه
ساد الصمت واخيرا قاالت ساره:-لا اعد كل وقام ..ما انت عارف اكلته بقت عامله ازاي
اومأ مراد برأسه موافقا وهو ينظر الي نجاه:-وبابا عامل ايه؟
لم تجب نجاه فحرك نظره الي سهير التي قالت:-الحمدلله بخير يا مراد
قال مراد بمرح ثانيا:-وانت بقي ياسي مالك سايب كل الشغل علي كتافي مش كده!!؟ مشغول انت بحمل دي شويه وحمل د...
صمت عندما حدجته جني بغضب:-مالك مش مشغول بحمل حد غيري يا مراد...وعشان كده مش بيروح الشركه
قال مراد ببهوت:-انا اسف مش قصدي بس لميس كمان حامل و انا شايل كل حاجه و مازن عايش في دوامه انا عاذره عليها
قال مالك ساخرا:-طبعا مازن اخوك
قال مراد بضيق:-ملهاش علاقه يا مالك انا بس بقول ان شغل الشركات كله عليا بقاله خمس شهور و..
وقف مالك وهو يقول بسخريه:-ودي بقت شركات مش عيب عليك لما شركتين متقدرتش تقومهم..ما الباقي راح يا ابن عمي
ثم غادر الشقه كلها صاعدا لاعلي بينما قامت جني بصعوبه من بطنها الكبيره خلفه بينما كانت لميس صامته تماما ونجاه شارده بعيدا بينما سهير تنظر الي طبقها وتأكل في صمت وساره تقلب الارز بملعقتها يمينا ويسارا
نظر مراد الي لميس وهو يقول:-مالك ساك...
صمت وهو يتفحصها كانت متعرقه كثيرا تمسك بطنها بألم شديد تغمض عيناها وتصطك علي اسنانها
عقد حاجبيه بتوتر:-مالك يا حببتي انتي كويسه؟
رفع الجميع رأسه ولم تجب لميس فقال مراد بقلق وهو يقف:-لميس!!
صرخت فجأه:-مرااااااااد مش عاارفه في ايه
انتفضت ساره وسهير اتجاهه ولميس تصرخ مره ثانيه:-مرااااااد هموتتتت
قالت ساره و هي تضع يدها اسفل رحم شقيقتها:-لميس هتولد يا مراد بسرعه قومها معايا للمستشفي
قال مراد بتوتر:-اوعي...
ثم حملها وهو ينزل الدرج مسرعا الي سيارته بينما استقلت ساره االي جانبها تسند رأس لميس الي صدرها وانطلق مراد بتوتر اكثر يدعو الله ان يمر الامر بسلام
_____________________________________
فتحت لميس عيناها بألم متذكره كم التعب الذي عانته اليوم بغرفه العمليات
ركزت انتباهها علي الاصوات وبدأت تلتفت حولها حتي رأت وجهه مراد بالقرب منها وشعرت بكفه يحتضن يدها قائلا:-الف حمدلله علي سلامتك يا ام تاليا
الطقت سهير الزغاريد المتتاليه حتي اشارت لها الممرضه انهم بالمشفي وهناك الكثير من المرضي
قالت لميس ببهوت:-فين تاليا
دخلت ساره قائله بمرح:-مع خاله تاليا...
اعتدلت لميس بلهفه ممزوجه بالألم ويعاونها مراد علي ذلك بينما وضعت ساره الطفله علي ركبتي لميس وهي تقول:-سمي الله..
حملتها لميس بحرص وهي تذكر اسم الله وتضم الرضيعه الي صدرها وتدمع عيناها وهي تهمس:-اهلا اهلا..تاليا الجميله عامله ايه؟
فتحت الرضيعه عيناها الواسعتين نسبيا لتري لميس عيناها الرزقوتين اللتان تنطبقان مع عينا مراد لتبتسم بسعاده وهي تقول:-يا حلاوتهاااااااااااااا بجد يا روحي...هكلها
قالت ساره بفرح:-عينيها زرقاااا ما شاء الله الله اكبر
قال مراد مازحا:-مبحبش اتكلم عن نفسي كتير
ضمتها لميس الي صدرها وهي تقول:-اول حفيده اهي..
تبمست ساره بحنان وهي تقول:-هاتيها الله يخليكي
قالت لميس وهي تجذبها الي صدرها:-لا...خليها معاايا
قال مراد بتذمر:-انا بجد ممسكتهاش خالص..دي بنتي في ايه واصلا عينها شبهي
قالت لميس بتذمر هي الاخري:-بس عندها شعر خفيف اسود زي
-وانا كمان شعر اسود البت نسخه مني هو عافيه
قالت لميس باعتراض:-لاااااا...ملامحها كلها انا
-انتي عندك نغزه في دقنك....يالهوي البت مكتوب علي راسها مراد اصلا..هاتي
اقتربت سهير قائله بمرح:-لا انتي ولا انتي ولا هو...تعالي يا قلب تيته
ضحك الجميع بمرح بينما قالت لميس باهتمام:-محدش جه تاني...؟
قال مراد بهدوء:-مازن جه وشاف البت وباركلي ومالك اطمن عليكي ورجع لجني عشان مش قادره تتحرك اوي ،بس احنا كلنا هنرجع النهارده الحمدلله حالتك كويسه عن امبارح
قالت لميس بدهشه:-هي الولاده كانت امبارح
ضحكت ساره وهي تقول:-صباح الخير بليل..
تنهدت لميس وهي تنظر الي الرضيعه وترجو من الله ان تضفي الي البيت جوا من الفرح بعدما غابت عنه السعاده كثيرا..
____________________________________
مرت سبع ايام سريعه في تحضيرات يوم احتفال مرور اسبوع علي ميلاد تاليا حتي جاء هذا اليوم كان قاسم منعزلا بغرفته لا يري سوي نجاه والطبيب وخشيت نجاه ان تدخل له الغرفه بالفتاه حتي لا يشيحها بيده في غمره غضبه الدائم دون سبب
كانت الزينات تملأ البنايه والاقارب والاصدقاء هنا وهناك وما ان انفض اليوم حتي صعد الجميع الي شقه قاسم بتاليا الصغيره يجلسوت بسعاده غابت طويلا عن المنزل
قال مازن وهو يمسك تاليا باسما ببهوت:-شكلها مضيقه من كتير الاغاني..والله حرام عليكو تبدلو طفله عندها سبع ايام كده
قالت لميس باسمه:-يعني هو انا اول واحده تعمل سبوع يا مازن
قالت ساره باسمه وهي تنظر للطلفله:-مش عارفه اقلكو انها شبهي اوي عشان متتريقوش
قالت جني بتذمر:-يا بنتي دي النغزه الي في دقني اهي
قال مراد مداعبا:في دقني انا كمان علفكره
ضحك مالك نسبيا وهو يقول:-يا جماعه منخيرها كبيره زي اهو
قالت لميس بتذمر:-متقلش كده علي بنتي...ده خالو وحش خالص يا توتي
ضحك الجميع لتدخل نجاه يستند اليها قاسم فقوقف الجميع بهيبه ...
رباه...كم مر من الايام والاسابيع لا يروه
تري هل اقنعته نجاه ام طلب بالخروج بمفرده
قالت نجاه بسعاده لا تسعها وهي تساعده علي الجلوس:-اتفقت مع قاسم يعد معانا نص ساعه
قامت لميس باسمه والتقطت الطفله من يدين مازن و وضعتها علي قدما قاسم ليتبسم كثيرا ببهجهه وترتفع حاجبيه
قالت لميس باسمه:-بنت ابنك ...بقيت جدو لاول مره...تااااااليا...
حرك قاسم شفتيه بصعوبه:-ت....ت..
نظر الجميع بدهشه له ولبهجته واصراره علي نطق اسمها:-تال..ياه...تالي..تاليا
صفقت لميس بسعاده وهي تقول:-ده جدو قاسم يا توتي..
بينما شرد مازن بعيدا للغايه وهو ينظر الي والده وسرعان ما انفض الجمع واذا بنجاه تعاون قاسم علي النهوض ليقترب مازن ويقف امامه مباشره فنظر له قاسم بتعجب ثم اشاح ببصره فقال مازن ببكاء:-
-فين رزان يا بابا؟
لم يجب قاسم وهو يحاول ان يقوم فهتف مازن:-فين رزااااااااااان وابني يا بابا ارجوك
دفعته نجاه بغضب:-خلي عندك دم ابوك تعبان
-واناااااااااااااا كمان تعبان ده ابني الي في بطنها ارجوكو ارحموني
ركع مازن لدي ركبتي قاسم وقال متوسلا:-ارجوك يا بابا...ارجوك قول كلمه او اكتب حرف ..شاور علي حاجه..مش عايز تشوف ابني علي رجلك..مش عايز تشوف نظرته في عنيك هااه؟؟
ظل قاسم ينظر له بجمود ثم حرك رأسه يمينا ويسارا أي (لا) انه لا يريد ان يري ابن مازن
فصرخ مازن:-حراااااااااااااام عليك....حرااااااااااااام...قلي مكانها فين...عااااااايشه ؟؟ ....طب ماااااااااااااااتت؟؟؟
ظل مازن صامتا فحرك قاسم رأسه علامه الايجاب ليصرخ مازن:-ماتتت!! رزان ماتت!!؟؟؟ انت كداب؟؟ قووووووول انك كداب
قالت ساره بتعب :-مازن ارجوك كفايه حرام عليك ده باباك يا اخي
بكي مازن كثيرا بينما اشاح قاسم برأسه وهو يستند الي نجاه ليقوم اخيرا مبتعدا بينما تنهدت ساره:-يمكن بيقول كده بس...اهدي
___________________________________
تمددت جني علي الفراش بارهاق بينما يضع مالك الغطاء عليها باسما وهو يجلس الي جانبها فقالت جني بقلق:-
-خايفه اوي يا مالك من ولادتي
-قلتلك بلاش طبيعي عشان متتعبيش
قالت بخوف اكبر:-لا مهو مش عايزه افتح بطني...طب هو مفيش طريقه تانيه
-ممكن نحطله حبل نسحبه من بقك
نظرت له جني وهي تقول:-انت هتولدني بدري والله
ضحك مالك بخفوت وهو يقول:-الحمدلله ان لميس ولدت...فرحت الكل حتي عمي
تنهدت جني:-ولسه انا كلها اسبوع اصبرو
تنهد مالك:-امتي بقي بنتي انا كمان تبات في حضني كده زي ما تاليا في حضنهم
قالت جني بحزن:-بنتك انهي...مني ولا منها
قال مالك بهدوء:-جني متقدريش تلوميني علي حاجه وانتي اكتر واحده عارفه كل حاجه انا اتحطيت فيها
-خايفه تسبني يا مالك اوي وتروحلها اصلك بقالك شهرين كل يوم لازم تشوفها وتعد معاها
-بحاول اكفر عن ذنبي في حقك وحقها و بحاول اعدل بينكو...تكرهي العدل
-بات معاها بالمره بدل ما تقضي طول النهار
-مي تعبانه اوي يا جني انا لا بعد معاها طول النهار العب ولا اهزر ولا احب فيها هي يا اما في المستشفي اما نايمه اما بتتألم...
قالت جني بشفقه:-يارب تقوم بالسلامه وينتهي تعبها..بس انا مش هفضل راضيه اني التاينه او الاولي يا مالك انا ساكته عشان حملها وهي غلبانه
-ربنا يسهل بس مش هقدر اظلم...ويلا يلا...اتخمدي
نظرت له بدلال:-اتخمد؟؟
-لا يا روح قلبي نامي
ضحكت وهي تقول:-طب تعالي احكيلي قصه واحضني عشان انعس
-يسلام بس كده...
-حضن بس هااااااااااا؟؟!!
-حاضر حاضر ..المشكله انك فهماني
ثم ضحكا معا
____________________________________
شق ضوء الصباح غرفه المشفي التي بها مي حين دخل مالك مسرعا
كانت الساعه تشير الي الثامنه صباحا حين انتقلت مي الي المشفي
جلس مالك وقال بشفقه:-مي عامله ايه؟؟
قالت باسمه:-الحمدلله...انا والله نفسي امسك نفسي بس مبدراش بالدنيا...
قال مالك متنهدا:-انا لما جالي التليفون قمت جري و جتلك
-انا اسفه اوي ليك ولجني
-متقلبش كده انتي مراتي وحببتي برده...وجني بنفسها وبتقلك الف سلامه
تبمست مي وهي تقول:-مبسوطه اوي انك جنبي الفتره دي بالذات يا مالك
تنهد مالك وهو يقول:-ان شاء الله ابقي جنبك ديما..
-يارب..
ثم تنهدت بألم ليمسك مالك يدها بكلا كفيه ويشد عليه مقويا..
__________________________________
دخلت ريم الي الشقه المتهالكه لتستقبلها شهيرا بهلفه:-
-طلعت اختك؟؟
-ايوه...طلعت رزان
صرخت شهيرا بقوه:-ياااااااااااما انت كريم يارب بنتي عايشه
-بنت بين الحيااااااااااا والموت وكله بايديك انتي
بكت شهيرا بقوه:-حرام عليكي يا ريم مش كده مش كل ما نفتح السيره
-اختي لو ماتت يا ماما مش هسيب حقها للناس دي وكده الطار يبقي بجد بالذات من قاسم ومازن دول
-مش هتموت متقليش كده
-ههههه بتضحكي عليا ولا علي نفسك يا امي...رزان بتموت في المستشفي المعفنه الي لمينها فيها و الحمل حالته زفت
قالت شهيرا وهي تجري الي الهاتف:-هتصل بيهم...هقلهم ينقلوها
-والشركه الي خدها بابا وبيدرها بقالو خمس شهور...الشركه الي رزان سرقتها ...فين فلوسها يعالج بنته
-معرفش حااااااااااجه وبطلي تكلميني كأنك انتي شهيرا وانا الي ريم
قالت ريم بسرعه:-اعوذ بالله من اني اكون انتي...وياريت تبطلي تصرفات غريبه لما رزان تقوم وتبقي كويسه او حتي ولدت نبقي نبلغهم يساعدونا...دلوقتي خطر متنسيش انهم حاولو يقتلوها وبعد كل ده لقيناها اخيرا ...
قالت شهيرا ببهوت:-طب وديني اشوفها
-بتهيألي انتي اخر وش رزان هتحب تشوفه..
تخطتها ريم ودخلت الي غرفه والدها وهي تقول بحنان نسبي:-
-رزان عايشه
هب مدحت واقفا:-خديني ليها
-طب حضر فلوس طيب ننقلها مستشفي كويسه قبل ما تروح من بين ايدينا
قال مدحت بخفوت:-معيش ولا مليم
-والشركه يا بابا الي رزان جبتهلنا منهم ..فين؟؟!
-اتحجز عليها
دخلت شهيرا من الخلف صارخه:-يااااااااااااااااااالهوووووووووووووي.....قماااااااااااااار بردو يا مدحت
-حد الله!!! اانا ..انا ملعبتش تاني...ريم لا متبصليش كده انا...
-انتو اسوأ اهل في الدنيا...اسوأ اهل
ثم بكت بشده وهي تغادر مسرعه..
____________________________________
كان مالك يجلس بمفرده شاردا بحديقه البنايه العملاقه حين جلس مازن الي جانبه
فقال الاول باسما:-مستني ولاده جني علي احر من الجمر
-انا كمان..علي احر من الجمر مستتني اموت..اصلا بتلككك عشان اموت...بسيب نفسي قدام العربيات بعمل نفسي مش واخد بالي من الحجات الحاده ...بدروخ نفسي قصاد النيل..
قال مالك بدهشه:-ايه الكلام ده...كل ده عشان رزان
-حبيتها...عادي يا اخي...اول حب...وفي بطن اول حب بقي ..ابني...وههههههههههههههه المضحك..ان لازم اطلع من حيره لحيره يا مالك...طلعت من حيره عايشه ولا لا...لحيره بابا كداب ولا لا..
-مازن لازم تفوق وتنزل تشتغل مع مراد يمكن تفك
-مش عاوز حاجه
-لعله خير يا مازن...لعل كل الي بيحصل ده من اوله لاخره المجهول...خير..
صمت مازن فقال مالك مره اخري:-بقوووووووول لعله خير يا مازن...
قال مازن ببطئ:-لعله...لعله كده يا مالك