في غيابك انتهى طعم الفرح

البارت العاشر

ليـت الزمن يعود يـومياً ليـت الايـام تخبرني بـما خبأ لي الزمان 💔
بعـد مرور سنتين عايشه صارت ليدي وتركت هالدرب عنها وعلى علاقة ايات وابرار نجوف اليوم شنو راح يصيـر ....
#ايات مسكت تلفونها دقت على ابرار لقته بزي كتبت حق ابرار بالواتساب...
ايات:ابرار
ابرار:عيوني
ايات:ابرار خلينا ربع
ابرار:خيرنعم
ايات:خلي علاقتنا صداقه
ابرار:شسويت لج عشان تيين تقولين هالكلام عشان مكالمه احين بشبكج معاها
ايات:ماسويتي شي ومابي تسوين شي خلاص
ابرار:من صجج انتي !
ايات:اي خلاص الله يوفقج
ابرار:ايات تمزحين صح!
ايات:لا والله من صجي خلاص مابي
ابرار:ليش انزين
ايات:ممكن خلاص يلا باي
#هاي كانت اخر محادثه بين ايات وابرار بدون اي سبب تفهمه ابرار او يقنعها ....
عايشه (بعصبيه):ليش سويتي جي
ايات:مادري خلاص
عايشه:حبيتي غيرها كلمتي غيرها شسالفتجججج
ايات:لا لااااااا لاااااااااا
عايشه:صرت ماعرفج ايات صرتتتتتي وحدة ثانيه تحجي
ايات:ماعرف روحي بدونها بس ماقدر اكمل عواش ماعرف شفيني
عايشه:عين عيييييين ماصلت ع النبي
ايات:اي عين اي خرابيط بس عاد
عايشه:اللي سويته تعدلينه احبج اي بس مارضى تغلطين
ايات:اوف عايشه
عايشه:باجر انا بوصلج المدرسة
ايات:انزين يلا بنام انا
عايشه:تعشيتي !
ايات:اي
#ايات تغيرت فجأه بدون محد يعرف ليش وشنو السبب اللي خلاها تهد ابرار بيوم وليله واهي تعشق ايات وتغير ايات راح يستمر لي متى ...
(اليوم الثاني الصبح)
ايات:صباح الخييير
عايشه:احلى صباح دامه فيج
ايات:وينج انا قمت
عايشه:يلا هكاني ياييتج
ايات:يلا تعالي
عايشه:مسافه الطريج
#سكرت ايات من عايشه وراحت تجهز وصلت عايشه لها نزلت ايات وركبت السيارة....
ايات:هلاااا
عايشه:هلا بالزين هلااااا
ايات:شفيج اليوم
عايشه:ادلعج حرام مافيني شي
ايات:اخاف تخطيط ابراربس
عايشه:ههههههههه لالا يعني انا مادلعج
ايات:امبله يلا
عايشه:بنروح ناخذ لنا كوفي
ايات:يلا زين نروح
عايشه:تدرين اني مانمت عشان بس اييج اوصلج
ايات(تبوس خد عايشه):احبج والله العظيم احبج
عايشه:وانا اعشقج بس خايفه عليج
ايات:خايفه علي من شنو
عايشه:ايات انتي للحين ماجفتي الدنيا انا ماصدقت على الله اطمن عليج معاج ابرار احين تهدينها ايات انا خايفه عليج من هالدنيا ولي فيها انا لما هديت ريما هديتها لانه انا هالدرب مابيه بس مابيج تضيعين فيه
ايات:عووش شفيججج
عايشه:مافيني شي خايفه عليج ايات بس
#وصلو عند كوستا كوفي ...
عايشه:شتبين تشربين
ايات:كابتشينو
عايشه:ون كابتشينو ون بلاك كوفي
ايات:انزين عووش احبج جي وايد
عايشه:وانا اعشقج جي وايد
#استلمو الاوردر ومشو ولما وصلو عند مدرسة ايات...
ايات:يلا ها اذا رجعت بكلمج وكتبيلي شنو راح تكونين لابسه عشان اللبس مثلج وكتبيلي كلشي تسوينه
عايشه:انشاءالله من عيوني
#توها ايات بتنزل عايشه سحبت يدها وضغطت عليها..
ايات (ابتسمت بس قلبها مو مطمن):شفيج
عايشه:تمي شوي وياي بكلمج
ايات:عووش خرعتيني شفيج
عايشه:ايات تحملي بروحج من هالدنيا خلج قويه لانج قوية ايات لاتنكسرين لاتضايقين خلج دايم مستانسه وقويه ايات تحملي بروحج انتي قطعه مني من داخلي ومن قلبي ايات انتي شي وايد كبير بحياتي اخاف عليج حتى من روحي
ايات(بخوف):انشاءالله
عايشه:احبج والله وايد ويلا نزلي بطق الجرس اول ماتردين كلميني بكون ناطرتج
ايات:اوكي
#نزلت ايات المدرسه وعايشه راحت وقلب ايات ماكان مرتاح في الفسحة.....
امنه:اليوم ايات كلش مو معانا
ايات:مادري شفيني قلبي قارصني احس صاير شي
امنه:شفيج
مريم:شفيج
ايات:مادري اوف متى بس ارد البيت
#كمل الدوام وكان الوقت بالنسبه حق ايات مثل الصخر وايد ثقيل رجعت ايات البيت مسكت تلفونها تكلم عايشه فتحت محادثه عايشه...
عايشه: انا وصلت البيت
عايشه:انا بدلت لبست البجامة اللي خذناها من السيف الابيض والاسود
عايشه:وحشتيني
عايشه:يارب تكونين مرتاحة ومستانسه والابتسامه على شفايفج
عايشه:بتكلم بقروب الربع
عايشه:خلاص دخت برقد تعبانه احس قلبي يعورني
عايشه:مخنوقه متى ترجعين بس
عايشه:تحملي بروحج انا برقد اذا رجعتي قعديني
#ايات ابتسمت وجافت اخر ظهور حق عايشه كان 9:10 ص اتصلت حق عايشه مرة ومرتين وثلاث واربع ماترد
ايات:غريبه عايشه ماترد مستححححيل
#ارجعت تتصل للعصر واهي تتصل لعايشه وعايشه ماترد لين تقفل التلفون بروحه
ايات:ياررررررربي شسوي بتصل لامها
#اتصلت ايات لام عايشه نفس الشي ماترد اكثر من مرة
ايات:مالي الا سبايكيو
#اتصلت ايات لسبايكيو ردت وصوتها مخنوق مو عارفه شتقول لها...
ايات:تدرين عن عايشه وين
سبايكيو:اي
ايات:شفي صوتج عايشه فيها شيييي
سبايكيو:لا سمعي برزي روحج بييج
ايات:شفيج عايشه فيها شي
سبايكيو:لا كا بنروح لها برزي روحج
ايات(بخوف وحرة بقلبها):اوكي
#قامت ايات غيرت ملابس المدرسه ونص ساعه يات لها سبايكيو نزلت ايات لها ويهه سبايكيو متغير وعيونها كانو حمران..
ايات:شفيجج
سبايكيو:مادري حساسيه
#ايات مسكتت تلفونها طول الطريج تتصل حق ام عايشه وام عايشه ماترد ....
ايات:اوووووووف (وشدخت التلفون)
سبايكيو:شفيج
ايات:بين ويننننن عايشه ابيهااااا
سبايكيو:ايات يمكن نايمه او شي
ايات:حتى امها نايمه صح
سبايكيو:يمكن مشغوله سمعي بنروح بيت خلود ها باخذها وبنروح حق عووش
ايات:انزين
#وصلو بيت خلود ....
سبايكيو:نزلي
ايات:ليش بعد
سبايكيو:خلود تقول مووجاهزة نزلي
ايات:انا قلبي بيوقف على عايشه مو فاضيه حق سخافتكم ترااا
سبايكيو:نزلي انزين
ايات(بعصبيه):بجوف اخرتكم لي ويننن
سبايكيو(بقلبها):والله لو تدرين بس شلي ناطرج داخل مارضيتي تدخلين
#دخلت ايات وخلود كانت تصيح اول ماجافت ايات مسحت دموعها..
ايات:شفيج انتي بعد حساسيه بعيونج
خلود:ايات قعدي
ايات(بخوف):شششصاير
خلود:انتي قعدي
ايات:انزين تحجو
خلود : ايات تحبين عايشه
ايات:اعشقها وادمنها اهي نصي الثاني واهي اختي
خلود:ايات ادعي لها
ايات(موفاهمه):حق شنو شفيهاااااا
خلود:لاتعترضين على قضاء الله ايات عوااش راحت من يدنا كلنا اياتتتت اختنا ماتت عطتج عمرهااا يا ايات
ايات(بصدمه وعصبية):جوفيييييي لاتقعدين تسيخفين اهني لا ادفنج تفهمين شهالسخافه احد يمزح جي
سبايكيو(تصيح):ياريتتتتتتت يكون مزح ياريت تكوننن سخافه اياتتتتتت عايشه ماتتتتتتتتتت
ايات:انا خلودددد اعرف غشمرتهاااا السخيفه اعرفها عدلل بس انتي شسالفتجج بعد لاتيننووني
#رهف دشت واهي تصيح معاها سارة وشهد....
شهد:قولو انكم تجذبون قولوووووو
رهف(اهي تطق سبايكيو على صدرها):تحجيييي قولي شي هاي لعبه منكم صح انتو معاها
ايات(بصراخ): لا عايشه ما تموت ماماتتت تجذبون مامات (خذت الصحن كسرته)
#راحو لها كلهم من الخوف عليها
سارة:ايات عمري انتي قلبي هدي شوي هدي
سبايكيو :اياتتتت ايات هاي قضاء الله لاتعترضين
ايات:انتو ليش ماتصدقوني ليش عايشه ماماتت كتبت لي بتنام شفيكم انتو اوووووف (واهي تراويهم التلفون)
#يات خلود خذتها ايات بحضنها...
ايات:قومي عني قومووووو ودوني حق عايشه قوووومو
خلود:قومي
#طلعو من بيت خلود راحو بيت عايشه وطول الطريج ايات تصيح وتقول لا عايشه ماتموتين وتخليني عوووش انتي تحبيني لاتخليني معاهم لما وصلو بيت عايشه ايات نزلت ع طول مانطرت السيارة حتى توقف دشت داخل تنادي عايشه بصراخخ قامت لها ام عايشه واهي تصيح وحضنتها ..
ام عايشه :راحت اختج يا ايات راحت راحت اللي تحبج ايات راحت
ايات(تصيح ):لاجذبون ليش ليش تسون جي عايشه ماتروح عني عايشه كانت واعدتني اتم وياي لين اتخرج من المدرسه وعووش عقب ثلاث ايام عيد ميلادها لاجذبون علي
ام عايشه (بصياح وصراخ):راحت الغاليه راحتتتت بنتي راحت وحيدتي راحتتتتتت مابقى لي احد مابقى لا اهل لا عزوة لا بنت ولا ريل انكسررررر ظهري
شهد:احنا ظهرج
الكل:احنا بناتج
ايات:وانا بنتج وظهرج وعزوتج انا كلشي كلشي بس ردولي عايشه
ام عايشه: اههه يالدينا اههه راحت بنتي
#(في المغسيل اخـر لقاء)...
#دخلو لها كانت ملاك كان النور مبين في ويها كانت مبتسمه ...
سبايكيو:قومي عايشه ادري انج نايمه قومي
خلود:احنا ماوعدنا بعض انتم مع بعض قومي تكفين
ايات(بصياح وقطت روحها على عايشه):عواشششي عواشششي قومي قلبي انتي قومي ياروحي ي قلبي تمزحين صح مبتسمه يعني تمثلين صح قومي عوشش لاتخليني بروحي عايشه قومي لاتخليني عايشه قومي اسولف لج عن اللي صار قومي اقولج شكثر انا كنت مضايقه اليوم قومممممممي (تبوس عايشه على راسها وعلى خذها وبيدها)
#كلهم كانو يصيحون وام عايشه تجوفهم وتطيح دموعها ...
#بعد مرور ثلاث ايام من العزا ايات كل يوم حالتها تصير اسوأ من اللي قبله صارت ماتكلم احد تجوف 24 ساعه صورها مع عايشه لا نوم لا اكل وتتصل على رقم عايشه على امل انها ترد لكن بكل مرة يخيب ضنها اكثر .......
فقيدتي اللتي بين اطباق التراب عليك الرحمه إلى يوم تُبعثين.💔

يتـبع...
دعواتكم ....