في غيابك انتهى طعم الفرح

البارت الاخـيــر😴

تدرين وش سر الحكايه ؟ الوقت يمّر ولكل شيء لابد نهايه

ابرار(جافت تلفون ايات على الطاوله خذته اتصلت في نفسها):احبج
ايات:(طالعتها و سكتت)
ابرار:ما استاهل تردين
ايات:لا
ابرار: زين حلو عيل انا ما راح اروح الا لما كلشي بينا يتعدل لاني ما راح ارد الكويت الا و علاقتنا رادة
.....

ايات( تطالع عيون ابرار وابتسمت ):بس انا في حياتي وحدة ابرار
ابرار(انصدمت و مو مستوعبه كلام ايات سكتت شوي و ردت ):نعم
ايات(تبتسم):حبيت غيرج
ابرار:شنو
ايات:اتوقع سمعتيني ما اتوقع انج صمخة
ابرار:و منو هاذي
ايات:و انتي شكو
ابرار:شنو انا شكو انتي لي بس
ايات:ليش انا مكتوب علي طول عمري لج و اعيش على ذكراج
ابرار:ايات انا احبج فهمي
ايات:ليتج انتي فهمتي و قدرتي بدال ما تلهين لي بطلعاتج و ربعج و مادري من و مكالمتج لي الفير
ابرار:مستعدة اعوضج عن كل دقيقه و مستعدة اسوي كلشي تبين بس ما تحبين غيري
ايات:متأخرة وايد حبيت غيرج
ابرار(ما كانت مصدقه ايات):و عيونج تقول ان ما حبت غيري و ادري ان مستحيل
ايات:و ليش مستحيل عادي انتي عطيتي وقتج لغيري و انا عطيت قلبي لغيرج ما يزعل

#نزلت دموع ابرار ايات ايات فرت راسها و شغلت نفسها بالاوراق عشان ما تضعف عند دموعها..
قامت ابرار وقفت الله يوفقج و اهي تصيح طلعت..
ايات طقت يدها بقوة بالطاوله و انجرحت طلع من يدها دم .. جافت ايات الدم على الورقه قامت خذت تلفوناتها و طلعت من المكتب بدون ما تكلم احد..

السكرتيرة (جافت ايات واهي طالعه اخترعت على ايات و نادتها):اياتت
ايات(طنشتها و مشت)
السكرتيرة:اووفففف كله من هاذي مادري من

#ركبت ايات السيارة خذت لكلينكس و حطته على الجرح و صار كله دم ... ردت خذت كلينكس و خلته على الجرح و ضغطت عليه بقوه و صار ينزف اكثر كل ما ضغطت عليه حست ان العوار بقلبها مو بيدها ساقت لي بيت ام عووش دخلت لقتهم قاعدين و من بينهم ابرار كانت قاعدة بكل هدوء .. جافت ابرار الدم في يد ايات اخترعت عليها و قامت فزت راحت لها .....

ابرار(بخوف على ايات و يودت يد ايات و الدم يطيح):شنو هذاااااا
ايات:هدي يدي
سبايكيو:شفيها يدججج
ايات(ساكته و تطالعهم)

#ابرار سحبت ايات الغرفه دخلت ايات الحمام غسلت يدها

ايات:شفيج انتي هديني ياهل تسحبيني جي
ابرار:مووووو مهم ياهل او كبير او صغير المهم يدجج من شنو كل ذي
ايات (ساكته عنها)
ابرار(تيود ايات من يدها و تطلعها بره عقمت يد ايات و لفتها لها):يصير اعرف من شنو
ايات(ساكته)
ابرار (ما قدرت تيود نفسها اكثر و انهارت من الصياح):رحمييييني عاد تكفين عبالج شنو مرتاحة بدونج عمري بيوم ما شفت الراحة من رحتي عمري ما حسيت اني مرتاحة لي خمس شهور مو يوم ولا يومين اناااااا نوم ما انام عدل شلون اهون عليجججج شلونننن
ايات(تحاول تمسك نفسها عشان ما تضعف جدام ابرار .. لانه دموع ابرار نقطة ضعفها): راح تتعودين تعيشين بدوني محد يموت بدون احد
ابرار:انا راح اموتتت لانه انتي مو شي عادي مستعدة اتم معاج بالبحرين ما راح ارد كويت ايات تكفين عفيه لا اهون عليج عفييه ايات عفيهههههه
ايات(غمضت عينها و عطت ابرار ظهرها ):ابرار اوش
ابرار(تصيح اكثر):لا تخليني ايات عفيه