في غيابك انتهى طعم الفرح

البارت السادس و خمسين

ايات(سمعتها):مالج شغل (كلهم يطالعونها و ما يدرون شسالفه)
ام عايشه(يات لهم):يلا دخلو

#دخلو الغرفة و كل واحد طلب له اللي يبيه بعد ساعتين خلصو كلشي و طلعو من المطعم راحو المطار .. نزلت ام ابرار و ام عايشه  و ايات و ابرار و ربى .. باقي القروب في السيارات ..

ام ابرار(تحضن ابرار و ربى):ديرو بالكم على نفسكم عفيه
ايات:ليش بس اهم انا بعد ابي
ام ابرار:شنو تبين
ايات:تحضنيني خير بس اهم انا بعد الله يابني لج نعمه من سابع سما
ام ابرار(تضحك):هههههههه تعالي تعالي يالغيورة
ايات(تبعد ابرار و ربى):يلا وخرو يلا
ام ابرار(تضحك على ايات):ههههههههههه
ام عايشه:عاد سامحينا اذا قصرنا معاج بشي حقج علينا و الله تمنيتج ما تروحين قعدتج ما تنمل ونستيني
ام ابرار:حبيبتي انتي و ربي انتي بعد ونستيني راح اشتاق لج و لقعدتنا و ضحكنا ما منج قصور كلج خير و عندي رقمج بتواصل معاج
ايات(و اهي بحضن ام ابرار):ترقمون بعض من ورانا
سبايكيو(تطلع راسها من دريشة السيارة):هههههههههه انا شاكه في وضعهم من زمان ها يمه ها (تغمز حق ام عايشه)
ام عايشه(تطقها على راسها):دخلي داخل ام شعر مشوط تقول كهرباء نافضتها
الكل:هههههههههههه
ام ابرار:يلا يمه ايات بنياتي امانه عندج عفيه عفيه
ايات(تطالع ابرار و ربى ):سمعتوها انا امانه عندكم
ام ابرار:ههههههه و ربي عيارة هههههههه
ام عايشه:ما عليج بناتج امانه عندي برقدون عندي و البيت بيتهم فس عيوني
ام ابرار:حبيبتي عمري انتي ماتقصرين

#سلمت على ايات و على بناتها و على ام عايشه و الباقي كلهم و دخلت داخل .. ركبو ام عايشه مع خلود و ربى و ايات و ابرار بسيارة.. و الباقي في السيارتين الباقي ..
خلود كانت تغير الاغاني في المسجل و السيارة هدوء ..

ربى:اوفيه اول مرة ابعد عن امي
خلود(تلف ويها على ربى):شفيج ياهل
ربى(عينها فيها كلها دموع): اي اي
ايات(تلف وي ربى بيدها):شفيج هكا احنا كلنا معاج
ابرار(تطالعهم بغيره):خلصتو و انتي مو انتي انتي قلتي تبين تقعدين شنو فيه احين
ربى:اوفيههههه ماكو شي
ام عايشه:شفيج يمه اليوم انا ارقدج بحضني امري بعد
ايات:جفتي بقتي امي مني ها
ام عايشه:ههههههههه
ربى:ههههههه
ايات:خلاص هكا ضحكت يمه سحبي كلامج خلاص قولي ما تنام بحضنج
خلود:يمه بدال ما تدلعين خلق الله ليش ما توديني اخذ لي ايسكريم
ام عايشه:من عيوني امري بعد

#ايات تقرب من ابرار و تحط راسها على صدر ابرار ابرار حضنتها و شدتها لها و اليد الثانيه تلعب بشعر ايات ..

ايات:دام مشواركم طويل خل انام عيل
ابرار:احين ماكوو
خلود:ما تبين عسكريم
ايات:امبله ابي مب على كيفكم مابي
خلود:قومي عيل لانه ما بنقعدج
ايات:مب كيفج
ابرار:انا موجودة طيب شنو عليج منها
خلود:ههههههههه انتي ليش ما تسكتين
ابرار:ما ارضى على حبيبتي هههههه