في غيابك انتهى طعم الفرح

البارت الثالث عشر- الجزء الثاني

سكتت ايات عن ابرار و كان معورها قلبها ما تبي تخلي ابرار و ما تبي قلب سارة ينكسر كانت بين نارين بس لازم تروح مع سارة.. راحت غيرت ملابسها و عدلت شعرها و رشت عطرها و قبل لا تنزل راحت صوب ابرار و باست راسها و مشت و ابرار كانت ساكته ما علقت ولا قالت حرف طلعت ايات من الدار و صكت الباب قامت ابرار رفعت نفسها..
ابرار:اوف شهالارف خيرررر ما دورو الا احين واليوم

سبايكيو(جافت ايات لابسه بتطلع استغربت ):على وين
ايات(تضبط الموضوع):بروييي شوي حرارتها مرتفعه بروح اييب لها ادويه من الصيدليه
ربى(بخوف على اختها):يما اختي شفيها بصعد اشوفها
ايات(تصرف الموضوع):لا تحاتين خذت مسكن و نامت بس اروح وارد راح اكلمج اذا طولت تطمنين عليها
ربى:اوففف احين اذا صعدت اكيد راح تقوم و يخرب نومها
سارة(اللي فاهمه ايات):بتروحين بروحج
سبايكيو(تبي تصرف سارة):قومي معاها انتي
ايات(ما صدقت على الله تطلع من سبايكيو):اي قومي سارو عن بروحي
سارة:لا وي شطلعني (بالعماله عشان ما ينشك بالموضوع)
سبايكيو:قومي عن بروحها هالحزة
سارة(ترفع حاجبها و تبتسم ):و ليش مصره هالكثر اروح تبين الفكه
سبايكيو(بتوتر رفعت تلفونها تلعب فيه):ها لا قعدي شعلي منج
ايات:بتين او لا انتي بدال ما تتهاوشون
سارة:بيي

#قامت سارة و طلعت مع ايات و ركبو السيارة..

ايات:يا ررررب سامحني بس لحضه خل ادق على ابرار اقولها بالفلم اللي سويته
سارة:انا سوري طلعتج من حبيبتج و انتي توج رادة لها مفروض اتمين معاها بس تدرين ما عندي غيرج
ايات(ابتسمت حق سارة):عادي اهم شي ما تضايقين

#رفعت تلفونها دقت على ابرار و ردت عليها...

ايات:الو
ابرار(بزعل واضح):هممم
ايات:سمعيني بابا انا ما راح اطول عليج بس صار شي توه لازم تعرفينه
ابرار(تقطع ايات بخوف و نست زعلها):فيج ششي حبيبي
ايات:لا عمري ما فيني سمعي عمري
ابرار:حلفي عمري حلفتج بالله قولي شفيج
ايات:ما فيني شي وغلاتج خليني اتكلم لاه
ابرار:تحجي
ايات:نزلت تحت توه و سبايكيو سألتني وين بروح قلت لها راح اروح الصيدليه لان حرارتج مرتفعه و ربوي خافت عليج فخفت اتييبين العيد و تنزلين تحت
ابرار:انزل و انا جذي بهذا اللبس
ايات:تخسين الا انتيييييييي
ابرار:لا تحاتين حبيبي بس انتي ديري بالج و طمنيني عليج كل شوي
ايات:معليه حبيبي
ابرار:يلا الله يحفظج
ايات:احبج
ابرار:اعشقج
ايات:باي قلبي
ابرار:باي

#سكرت ايات من ابرار و تمت واقفه دقيقه عند البيت على ما تصخن السيارة و بعدها حركت راحت وقفت بعيد شوي عن البيت ..
#عـند القروب....

سبايكيو:يلا انا ماشيه
فهود:وين
سبايكيو:بروح بيتنا
فهود:ليش
سبايكيو:اهني ما عندي ملابس و عندي جم شغله ابي اكملهم باجر و بعد ما خلص بييكم
فهود:اوك
مريم:اذا وصلتي قولي لنااا
سبايكيو:اوكي