في غيابك انتهى طعم الفرح

البارت الاول - الجزء الثاني

وفي نهاية المطاف ستدرك أن لا أحد يوفي بالوعد ..

(احداث نهايه الجزء الاول)

ايات:سامحييييني يمه سامحييييني تكفين
ام عايشه (شدت ايات بحضنها و صارت تمسح على شعر ايات)
ايات:ليتني سمعت كلامكم ليتني
ام عايشه:خلاص يا يمه خلاص هدي نفسج احنا معاج و كلنا معاج
ايات: ما استاهل عبالكم انا كل وقت كنت مستانسه كل وقت كنت مرتاحة اوقات احتاج اتكلم ما القى احد و الله بس اسكتت وين اروح اخاف اتصل و ما تستقبلوني اخاف اييج و مايكون مرحب فيني لان استاهلللل لانه انتي زعلانه
ام عايشه:مافي ام تزعل على قطعه من قلبها و اذا زعلت زعلت مو عليج زعلت على اللي بتسوينه بنفسج كلنا نحبج و كلنا معاج
خلود (راحت حق ايات):كلنا معاج ما راح نخليج وعد منا كلنا
#قامو كلهم و راحو حضنو ايات و كانو يقولون لها ( اهـدي احنا معاج)...
                                   ... النـهايه ...

فترة الضعف و الوهن انتهت ولكل نهاية بداية❤️

#نامت ايات في حضن ام عايشه و اهي تصيح ..

سبايكيو:و الله ما بخليها بحاالها اذا اهي مو كفو ليش من البدايه ما هدتها بعد ما شبعت منها و من فلوسها
ام عايشه: خلاص سكتي روحي ييبي لحاف مو وقته تتكلمين في هالمواضيع
سبايكيو:يمه شلون ما نتكلم في هالمواضيع و اهي دمرتها خذتها لحم قطتها عظم لو تامه بدون احد اشرف لها
ام عايشه:خلاص المهم انها معانا و في حضني احين
سبايكيو:و انا قلت ما بخليها يعني ما بخليها

#فزت ايات من نومها على نقاشهم و عينها تدمع ..

ايات:ما بتخلين
سبايكيو (راحت عند ايات و حطت عينها في عين ايات):ما بخلي اللي سوت فيج اللي في يوم انبعنا عشانها و ياريت بين بعيونها سنتين وشي واهي حارمتج منا تمرضين تحتاجين
فهود(قطعتها و رفعت صوتها ):خلااااااص سكتي اللي فيها كافيها مو ناقصتج اهي
ايات:خليها تكمل تقول اللي بقلبها
فهود:لا مافي شي في قلبها
ايات:لا واضح ان فيه و فيه وايد
سبايكيو ( تتكلم بصراخ و من حرقة قلبها) اي فيه فيه ان احنا كنا نموت عشان نوصل لج مستعدين نسوي اي شي عشان بس نحصل رقمج بكل بساطه نحصل بلوك لانه الانسه الزفت ما تبيج تكلمينه لانج بكل بساطه خلاص انتي مكتفيه فيها تمرضين ما نقدر نوصل لج تحتاجين تتكلمين ما نقدر نسمعج لانه انتي فضلتيها و بالاخير قلت معليه دام راحتها اهي خلوهاا على راحتها سعادتها معاها بس للاسف ان صارت تعاسه مو سعادة
ايات(تطالع سبايكيو بكل هدوء و تحس شلون قاعدة تتكلم بحرقه و من قلبها ):كملتي
سبايكيو:لا لانه اللي فيني مو شوي جم مرة احتجتي احد يمج و مالقيتي جم مرة مرضتي و مالقيتي من يكون عند راسج تبين اقولج جم مرة رحتي فيها المستشفى و بروحججج و انتي بعز تعبج ترفعين التلفون و تتصلين حق الانسه الزفت ليش حضرتها ما كانت وياج وقت تعبج
ايات(منصدمة من كلام سبايكيو):لحضه لحضه شدراج
سبايكيو:مو مهم تعرفين المهم ان انا اعرف انج ما كنتي مرتاحة مو مهم شلون عرفت و متى
ايات(تقطعها):لا شدراجججج ابي اعرف شنو تراقبيني انتي
سبايكيو:اي اراقبج لاني ماكنت حاسه انج بأمان اي اراقبج لان عايشه الله يرحمها وصتنا عليج ايات احنا ربينا مع بعض بصغرناااا و كبرنا مع بعض ما اتيي بنيه تبعدج عنه سنتين و شي و عبالج بنطمن عليج لا مستحيل و مليون مستحيل
ايات:و ليش
سبايكيو (قطعتها):كل مرة دخلتي فيها المستشفى كنتي تتألمين جفتي اللي اهني كلنا (تأشر على القروب) كنا نتألم اكثر منج كل مرة نجوفج فيها طالعه من المستشفى ندخل و نسأل الدكتور عنججج و نطمن عشان نعرف نرقد مرتاحين لما اجوفج تضحكين اعرف متى تكون من قلبج او لا عطيتي و وفيتي بالاخير شنوووو ايات تدرين ان احنا من بعدتي عنا واحنا ماننسى عيد ميلادج و نحتفل فيج تدرين ان انتي الوحيدة اللي ماهقيت نقطاعها صارت سوالفج واطمن عليج مـن الناس.
ايات( دموعها نزلو بعد ما كانت تكابر و ماتبي تنزلهم خلت يدها على اذنها و صرخت):خلاااااااااااص تكفيننننننن خلاص بسسسسسسس
فهود(راحت حق ايات حضنتها و شدت عليها):بس قلبي انتي بس بسم الله عليج و الله ان احنا معاج و نخاف عليج و مانرضى نجوفج جي
ايات:دام تدرين اني مو مرتاحة ليش ما ييتي و قفتي عند راسسسسي لما احتجت احد وياي بكل مرة امرض فيها دام تدرين اني ما ضحك من قلبي ليش ما مريتي علي و يمي حزتها راح ابتسم من قلب دام تدرين وايد اشياء ليش ما بينتي لي
سبايكيو:لانه اخاف عليج اخاف يوم تنامين مضايقه بسبب قربنا لانه اعرف ما بتسمح لج تكلمينا اخاف عليج انج تتهاوشين معاها عشانا
ايات:عطوني مفتاح سيارتي بمشي
سبايكو:و انتي جي بهالتعب
ايات:اي ما يهم
سبايكيو:ايات صحصحي ترا نخاف عليج انتي مني قطعه من قلبي
ايات:اشيل نفسي بنفسي (يات بتطلع يودت سبايكيو يدها)
سبايكيو:حطي بالج في الطريج و لاتمشين بسرعه و اذا وصلتي طمنيني عليج
ايات(ابتسمت لها ):انشاءالله

‫(العتاب هو دليل المحبة أما الصمت فهو بداية نهايتها لا تحزن من شخص يعاتبك لأنه أحبك بصدق، لكن احزن عندما يقرر الصمت)‬

‫#طلعت ايات من بيت ام عايشه ‬ركبت سيارتها و اهي ما تدري وين تروح كل تفكيرها ليش صار فيها جذي .. راحت عند بحر و سوت لها سناب يديد و كلمت سبايكيو و ضافتها و نشرت سنابها في لقروب ..

#رن تلفونها ..
ايات:هلا يمه
ام ايات:وينج
ايات:عند البحر مضايقه شوي
ام ايات:تعالي المطعم انا و خالاتج هناك
ايات:انشاءالله

‏‎#حركت ايات من صوب البحر و راحت المطعم دخلت على امها و خالاتها كانو قاعدين قعدت بكل هدوء و تطالع تلفونها ..

ام ايات:لما كنا نوصيج و نحذرج ما كنتي تسمعين لنا احين عاجبج اللي قاعد يصير فيج
ايات:خلاص يمه تكفين
خاله ايات:وقفتي في وي الكل عشانها حتى اختج
ايات:خلاص والله ترا بقوم بمشي

#رن تلفون ايات اخت البنت متصله فيها ..

ام ايات:من يتصل فيج
ايات:اخت (قالت اسم اخت لبنيه)
ام ايات:شنو تبي ما كفاهم اللي سووه فيج
ايات:خواتها مالهم شغل بلي اهي سوته فيني
ام ايات: نفس الكلام انقال قبل و قفتي في وي الكل و شنو احين اللي صار فيج
ايات:خلاص انزين يمه تكفين

#تتوقعون ايات بترد حق البنت ..
#شنو تبي اخت البنت من ايات..