في غيابك انتهى طعم الفرح

البارت الستين

ابرار:اوكي
ايات:طلعي لي ثياب على ما اكمل
#خذت ايات روب الحمام و طلعت من الحجرة.. قامت ابرار مسحت الميك اب و جهزت حق ايات ثياب و لها و دخلت الحمام

#نص ساعه ايات طلعت من الحمام راحت الحجرة جافت لثياب لبستهم و نشفت شعرها على السريع و حطت لها عطر و انسدحت على السرير فتحت تلفونها عشان تدور لها مطعم حق تحجز لهم عشان باجر ... طلعت ابرار من الحمام و اهي لابسه الروب ..

ابرار:شنو تسوين ليش التلفون بيدج
ايات:ما اسوي شي (حبت تحجز و تسوي حق ابرار مفاجأة)
ابرار:عيل ليش التلفون بيدج
ايات:بس اجوف صور شنو فيج
ابرار:ولاشي خل اروح اللبس
ايات:اوكي

#راحت ابرار تلبس ملابسها ايات كملت بسرعه الحجز و هدت تلفونها .. كملت ابرار لبست ملابسها و نشفت شعرها و حطت كريم بجسمها و حطت عطرها راحت قعدت يم ايات..

ايات:شفيج
ابرار:تعرفين انا وايد احب الوقت اللي نكون فيه مع بعض بدون حس اي شخص بهدوء
ايات(تطالع عينها):و انا احبج انتي
ابرار(استحت و ابتسمت):و انا اعشقج عساني ما انحرم منج
ايات:و لا انحرم منج
ابرار:زين يعني ما راح تاخذيني بحضنج
ايات(تبتسم على برائتها):امبله تعالي
ابرار:اكيد راح ايي

#راحت بحضن ايات و ايات شدت عليها .. ابرار دايركت نامت غطتها ايات عدل و نامت معاها...

(يوم ثاني الظهر .. في الشاليه كلهم متيمعين في الصالة )

سبايكيو:ايات و ابرار ما يوو ليش
ربى:ايات دزت لي ان حاجزة حق ابرار فندق راح ياكلون و يوون
خلود:و خلت السايق اييب ميري بعد
سبايكيو:ما فيه اكل يعني اهني
ربى:ما ادري بس هذا اللي صار قلته تو ان بيتغدون بره
زين(بقهر و تقول بنفسها):لين ما خربت بينكم و طلعت الغدا من عينج يا ابرار ما اكون زين عيل لبرنسيسه حاجزين لها فندق
خلود: انزين عيل عليهم بالعافيه خل يستانسون
سارة(بالعماله عشان تقهر زين لانه حست ان ويها اعتفس):الله يخليهم حق بعض حبايب خلوهم بروحهم يتنفسون شوي
سبايكيو:تعلمي تسوين لي مفاجآت بدال لهواش
الكل (ماعدا سارة و زين لانه اساسا زين تفكر في مصيبه):هههههههههههه
سارة:قالو اتوقع ايات مسويه حق ابرار ما قالو ابرار مسويه حق ايات ركزي و لا تعرفين تركزين حق البنات و الزفت مالج
سبايكيو:بل بل كلتني
خلود:ههههههههههه فشلوها ههههههههه
سبايكيو:اكلي زق

(عنـد ايات و ابرار)
#قامت ايات من النوم قبل ابرار.. لبست و جهزت نفسها و راحت حق ابرار ......

ايات(تحط يدها على خد ابرار تشيل شعر ابرار عن وي ابرار وتحركها بهدوء على خدها ):عمري
ابرار(دايخة و بصوت كله نوم):ههمم
ايات:قلبي
ابرار(بدت تصحصح شوي):ها عمري
ايات:قومي يلا صار لي ساعتين بروحي قاعدة
ابرار(تفتح عينها):قمت حبيبي
ايات:يلا قومي جهزي عشان بنروح مشوار
ابرار(قطعتها عبالها ايات نست سالفه الغدا):يعني شنو ما راح نروح نتغدا صح نروح نتغدا معاهم صح
ايات(تضحك):ههههه لا لا بنروح مشوار و بعدين نروح نتغدا (ماتبي تقول حق ابرار)
ابرار:حاضر عمري احين اقوم اجهز
ايات:يلا بنزل انطرج تحت لا طولين و لا تحطين لج حمرة غامجة عشان ما اخليج تغسلين ويهج كله
ابرار:هههه حاضر يا قلبي تأمرين