في غيابك انتهى طعم الفرح

البارت الرابع والثلاثون

#يوم جديد ....

#قامت ام ابرار من النوم ونزلت تسوي لهم ريوق واتصلت لاختها ...

ام ابرار: الو
اخت ام ابرار:هلا خيتي شلونج شخبارج
ام ابرار: هلا عمري حمدالله ونتي شلونج
اخت ام ابرار: حمدالله
ام ابرار: اقول يا ام جاسم تعالي البيت تغدي رفيجات ابرار موجودين عندنا من البحرين حيل طيبين تعالي عندنا
ام جاسم :انشاءالله اختي اخذ البنات على الظهر وانييكم
ام ابرار: يالله على خير مع السلامه بقوم اجهز الاكل

#ام عايشه قامت وخذت لها شاور ونزلت لها جافت مافيه حس راحت المطبخ ....

ام عايشه:صباح الخير
ام ابرار:صباح النور شوي والريوق بكون جاهز
ام عايشه:حبيبتي والله ليش ماقعدتيني اساعدج
ام ابرار: لالا ماتقصرين حبيبتي
ام عايشه:عطيني خل اقصص معاج مابينا ولا بزعل عليج عادتنا غريبين
ام ابرار: حبيبتي البيت بيتكم مو غريب الا الشيطان
‎
#خذت ام عايشه الصحن منها وتمت تساعدها بالريوق....
#عنـد ايات وابرار... ابرار بحضن ايات ..

ايات:صباح الخير
ابرار:صباح الخير عمري
ايات:من متى قاعدة
ابرار:من شوي
ايات:وليش ماقعدتيني
ابرار:عشان ترتاحين
ايات:انزين قومي خل اقوم
ابرار(بدلع وتحرك راسها):لا
ايات(تبوسها):يلا
ابرار:اي جذي
ايات:احبج
ابرار:اعشقج بنزل اساعد امي
ايات:انا بدخل اتسبح
ابرار:اوكي حبيبي نعيما

#نزلت ابرار تساعدهم ايات دشت تتسبح ....
#عند سبايكبو وفهود وسارة....

فهود(بصراخ):قوموووووووووووو
سبايكيو:ويعة ويعه ويعهههه
سارة(تخش روحها بحضن سبايكيو):اوووف
فهود:قومووووو لا الماي احينننن ينكت عليكم

#سبايكيو تاخذ الكلينكس وتحذفه عليها فهود ركضت برع ونزلت تحت ...
ربع ساعه جهز الريوق ...

ام ابرار:ابرار يمه روحي قعديهم
ابرار:انشاءالله يمه

#راحت بتركب على الدري بتقعدهم جافت ايات نازله ...

ايات:وين رايحة
ابرار:بقعد سبايكيو وسارة و خلود ورتاج وشهد
ايات:روحي غيري تيشيرتج شله لابسه جي عبالج بروحج انا بروح اقعدهم
ابرار:شفيها
ايات(بتنرفز):صدرججج يبين
ابرار:انشاءالله احين اصعد اغير

#راحت ابرار تغير تيشيرتها وايات راحت تقعدها ....
نزلو تحت كلهم
على طاوله الاكل ....

ابرار:يمه وين ربوي
ام ابرار:راحت بيت خالتج بترد وياهم بيون يتغدون
ابرار:خالتي بتيي بتتغدا عندنا
ام ابرار :اي
ابرار:بناتها معاها
ام ابرار:اي
ابرار(لفت على ايات):ليش ماتاكلين
ايات:مابي
ابرار:شفيج
ايات:ولاشي
ام عايشه:ايات اكلي
ايات:اي قاعدة اكل