في غيابك انتهى طعم الفرح

البارت الثاني - الجزء الثاني

((البارت السابق))
ام ايات:من يتصل فيج
ايات:اخت (قالت اسم اخت لبنيه)
ام ايات:شنو تبي ما كفاهم اللي سووه فيج
ايات:خواتها مالهم شغل بلي اهي سوته فيني
ام ايات: نفس الكلام انقال قبل و قفتي في وي الكل و شنو احين اللي صار فيج
ايات:خلاص انزين يمه تكفين

(عشان تكونون فاهمين البنت اقصد فيها البنت اللي كلمتها ايات بعد ابرار ونقول اسمها مثلا (رنا) عشان ما تتخربطون ما اقدر اكتب الاسم الصجي )

‏‎#ردت ايات على اخت رنا..

ايات(بصوت مخنوق):الو
اخت رنا:ايات تعالي نبيج
ايات:اسمحيلي ما اقد ايي
اخت رنا:ايات تعالي و الله نحبج و نعزج ما ندري عن اللي صار و مب بيدنا انتي وياها كيفكم احنا لا تدخلونا انا حتى دموعي نزلت عشانج ما يصير ماتكونين موجودة في هاليوم و انتي مجهزة كلشي
ايات:ماقدر ايي و مابي خلاص اللي ياني كفاني
اخت رنا: ايات ما تعتبريني اختج مب انا اختج و رفيجتج الله شاهد علي اني احبج و اعزج مب راضين عليج
ايات:انا تعبانه ما اقدر ايي
اخت رنا:تعالو لو خمس دقايق
ايات:بجوف الوضع

#سكرت ايات من اخت رنا ...

ايات:يمه بروح العرس
ام ايات:نعم
ايات:يمه دام اتصلت فيني عيب اردها
ام ايات:مو حباً فيج اتصلت فيج
ايات:معليه يمه بصير الاحسن
ام ايات:طول عمرج الاحسن بس اللي ياج خلاص كفاج
ايات:معليه يمه بروح
ام ايات:اللي يريحج

#راحت ايات العرس دخلت راحت قعدت صوب الديجي لانه الديجي رفيجتها ...

الديجي (جافت عين ايات و عرفت ان فيها شي):شفيج
ايات:ما فيني شي نور
نور:اعرفج ايات شفيج
ايات:خل اطلع و بقولج كلشي
نور:اهي صح
ايات (هزت راسها):اي تخيلي نورو (و قالت لها السالفه كامل)
نور:تبين احين اقلب عليهم العرس
ايات:نور عشاني لا
نور:قومي ردي بيتكم
ايات:ياييه عشان اختها اتصلت لي
نور:قومي ردي ايات
ايات:معليه شوي و بقوم
نور:احينننننن ما تقعدين دقيقه معاهم
ايات:معليه

#قامت ايات راحت سلمت على خوات رنا و ام رنا و طلعت ..
ركبت سيارتها توها بتحرك رنا وقفت جدام السيارة ..

رنا:ابي اكلمج سمعيني
ايات:قومي خليني امشي
رنا:بس شوي
ايات:قومي مابي اكلمج لايعه جبدي منج
رنا:سمعيني بس
ايات:استغفرالله

#رنا ركبت السيارة صوب ايات و لفت على ايات اول ما ايات جافتها فتحت ايات باب السيارة و صارت ترجع

ايات:قومي نزلي مو قادرة اتحمل وجودج قاعدة ارجع بسبتج
رنا:سمعيني بس
ايات:قومي مو بالعتج
رنا:مو انتي تقولين انا بنتج و انتي تحبيني وتخافين علي انا بنتج انتي مفروض تسامحيني مو تقسين علي اللي تبينه بصير المهم ما اخسرج
ايات(ضحكت بستهزاء):و الله
رنا:ايات ترا احبج والله ياما قالو خل نطلع كنت اطلع وياج واخليهم اقول انج اولى بالوقت
ايات:كلفتي على نفسج وايد
رنا:ايات صدقيني و الله احبج مابي اخسرج
ايات:مو انا وصخة لاني كسرت تلفونج خلاص تلفونج رد لج احين بس انا ما رديت قومي نزلي خل امشي
رنا:ايات
ايات:قومي نزلي
رنا:يصير ما تخليني
ايات:بفكر
رنا:ايات
ايات:بفكررررر قلت قومي نزلي انا تسوين فيني جي عشان خمتججج اكتفيت فيج تميت بروحي ما خليت لي احد يشيلني احين بس انتي شنو سويتي رحتي و خنتي و غدرتي قومي نزلي احسن لج
رنا:طمنيني اذا وصلتي البيت و فكري
ايات:قومي

#رنا نزلت من السيارة و مشت ايات بسرعه ...
وصلت البيت راحت حجرتها و حطت راسها على مخدتها و صارت دموعها تنزل بهدوء .. دخل عليها ابوها الحجرة ..

ابو ايات:ايات
ايات:(ساكته)
ابو ايات:ايات بابا قومي رفعي راسج ما يسوا الموضوع تسوين في نفسج جذي بالاول و الاخير الدنيا دروس نتعلم منها و الشاطر و الذكي اللي مايعيد غلطه احنا نتعلم من اغلاطنا بس ما نعيدها صلحي غلطج
ايات:يبه وقفت في وي الكل عشانها يبه كنت اقصر مع اختي و ماطلع مع اختي عشانهاز
ابو ايات:و هاي الغلط مفروض ما يتكرر لما كنا نقولج و نلومج ما ترضين تجوفنها حياتج و كلشي علاقتكم كانت اوفر من المفترض ما تتعمقين بابا في علاقاتج عشان ما تنكسرين و رنا مابي اجوفج تكلمينها خلاص
ايات:(هزت راسها)

#طلع ابو ايات من الحجرة و قعد في الصاله اللي يم حجرة ايات .. ياه رقم غريب رد ..

ابو ايات:الو
......: هلا عمي
ابو ايات:من وياي
......: عمي انا رنا
ابو ايات:امري
رنا: عمي الله يخليك خل ايات تكلمني و الله ما اقدر بدونها عمي انا اعتبرك حسبه ابوي و تعرف كل خوات يتهاوشون انا اعتبر ايات كلشي في حياتي مابي اخسرها
ابو ايات:سمعيني رنا انا عيالي اذا يصيدهم شمخ اقلب الدنيا ما بالك يدخل علي احد من عيالي و فيه شي و مخنوق و يحط راسه على مخدة و يصيح لو كنتي تعزينها ما سويتي فيها اللي سويتيه
رنا: و الله غلطه و لي تبيه بصير خلاص بس خلها تكلمني
ابو ايات:حتى لو اهي تبي تكلمج انا ما بخليها انا مو مستعد اجوفها جذي تتعب كل يوم و لا مستعد اخسرها عشان احد
رنا:بس انا
ابو ايات(قطعها):و لا مستعد اجوفها بالمستشفيات كل يوم و عليها اجهزة
رنا: يعني شنو
ابو ايات:يعني بعيد عن ايات و يالله مع السلامه
رنا:مع السلامه

#سكر منها دقت رنا على ايات .. ايات ما ردت عليها لانه حاطه التلفون سايلنت ..
دخلت رنا على ام ايات في الواتساب و كتبت لها ..

رنا:خالتي انتي حسبه امي و تدرين شكثر اعزج و اغليج خالتي كلنا نغلط محد ما يغلط انا مابي اخسرها خالتي حسبني و اعتبريني بنتج ترضين بنتج يصير فيها جذي خلوها بس تكلمني انا مستعدة اسوي اي شي عشانها

# طلعت من الواتساب صارت تدق على ايات بس ايات ما ترد ..
قامت ايات يودت تلفونها جافت مكالمات وايد من ضمن المكالمات ربعها و اهي تطالع شاشه التلفون اتصلت رنا سكرت ايات في ويها ردت اتصلت فيها مرة و مرتين و ثلاث ردت ايات ..

ايات:(ساكته)
رنا:ايات
ايات(سكرت عينها و خذت نفس):نعم
رنا:و الله اسفه ايات انا مالي غيرج
ايات:هههه مالج غيري وحدة اغلى من سكن قلبج و الثانيه تجوفينها الكل بعيونج انا و لاشي اساسا
رنا:ايات ترا مجرد كلام و الله مجرد كلام ما كان بشعور مجرد كلام عادي
ايات:اي امري احين مو مهم عادي او لا المهم عوارة
رنا:ايات سامحيني
ايات:ابوي مو راضي اكلمج استوعبي
رنا:ايات انا احبج سامحييني و الله ما اقدر بدونج
ايات:(ساكته و تسمع ما تدري تصدق كلامها او تصدق اللي جافته بعينها و ما تدري شتسوي تسامحها او تروح عنها)

#تتوقعون ايات ترجع حق رنا..
#تتوقعون بتسامحها او بتدوس على قلبها و بتبتعد عنها .