في غيابك انتهى طعم الفرح

البارت الخامس - الجزء الثاني

فهود:لا جدامي يمكن ما تعجبني امنيتج اغيرها مو قلنا اطلب اغلى الاماني
ايات:ههههههه امنيتي ليش تعجبج كيفي فيها ما يصير اقولها
فهود:قوليها عشان نحققها لج
ايات:انزين امنيتي انكم دايم تكونون يمي و ما انحرم منكم هاي امنيتي
الكل:تممممممم و سمعاً و طاعه
ايات:احبكم
فهود:بس انا بعد عندي امنيه
سبايكيو:كلش مو عيد ميلادج صبري ايي عيد ميلادج و ندلعج
فهود:لا امنيه تخص كنغنا (تقصد ايات)
ايات:امري عيوني لكم
فهود:ترجعين حق ابرار و تكتمل لمتنا

#اختفت ابتسامة ايات و طالعت فهود و اهي منصدمة بكلامها ..الكل لاحظ حق ايات ...

سبايكيو(تبي تلطف الجو):اي يلا نتعشى
ايات(عينها في عين فهود):منو قالج ابي ارجع حق احد
فهود(تتكلم بحرقه من غلاة ايات):انتي لازم تطلعين من اللي انتي فيه
ايات(تبتسم بكل برود):و منو شكا لج ما ابي اطلع من شي و اصلا مافيني شي
فهود(تتكلم و كأنها تتحدى ايات):هه ما فيج شي ليش ما نعرفج احنا و لا عبالج السنتين وشي اللي بعدتي عنا نسينا ايات ترا احنا ما ننساج و نعرف كل تفاصيلج و انا اعرف عدل متى تكونين مرتاحة و متى تكابرين
سارة:خير فهود ياييبينها تضايق او شنو خلاص
فهود:انا مستعدة اخذج و اوديج حق ابرار يمكن يحن قلبج
ايات:هههه و من قالج ابي ابرار
فهود:عيل تبين هالسفله اللي بعدتج عنا
ايات(بعصبيه):تحجيييييي عنها عدل
فهود:و مازلتي يا ايات تحبينها
سبايكيو:خلاص ذكرو ربكم ايات تعالي نتعشى
ايات:ما ابي شي
فهود(حست على نفسها انها ضايقت ايات):مو كيفج طبعا بتاكلين عشان انا اكل
ايات:(اكتفت انها تبتسم لها بس)

#راحت فهود حق ايات و لمتها و شدت عليها و ايات بادلتها...

فهود:لو ما احبج ما حرقت اعصابي عليج
ايات:اي بس مو جي
فهود:حقج علي

#راحو ياكلون كانو قاعدين بكل هدوء على طاوله الاكل رن تلفون ايات و اعتفس ويها ...

فهود:من متصل لج
ايات:(ساكته تطالع التلفون)
فهود:اي من متصل لج
ايات:رنااااااا
فهود:صكي تلفونج و كملي اكلج
ايات:بس
فهود:بس شنو بس لازم تردين عليها و تطلعين من اهني مضايقه
سبايكيو:خلاص شنو قطاوة انتو ما تبين تردين ايات لا تردين تبين تردين ردي
ايات:ماراح ارد عشان فهود (طالعت فهود و ابتسمت)
فهود:اكلي اكلي احين عشاني
ايات:جب بس يلا

#فهود رفعت تلفونها و اتصلت حق ابرار فيديو بدون محد يدري حتى ابرار ما كانت تدري ان ايات موجودة معاهم فهود كانت حاطه سماعه ردت ابرار...

ابرار:هااااااااي
فهود:هاياتتتت
ابرار:شنو خاينيني طالعين بدوني
فهود:احنا نخونج ما يهون اصلا
ابرار: اي عيل مسوين لكم اجواء بدوني
فهود:اي احنا اليوم محتفلين في شخص وايد غالي علينا
ابرار:شنو مدخلين اشخاص بدون ما تقولون
فهود:لا لا صبري احين ارويج الاشخاص