في غيابك انتهى طعم الفرح

البارت الحادي عشر -الجزء الثاني

((احداث البارت السابق))
ابرار:ممكن سؤال
ايات:تفضلي
ابرار:شنو اللي في رنا حبيتيه عطيني سبب واحد
ايات:و لاشي ما فيه و لا سبب اصلا لانها مو انتي عشان يكون لي اسباب لو السؤال سألتيه شنو فيني حبيتيه جان عطيتج مليون سبب

ابرار:شنو لازم اسوي عشان هالكسره تنجبر شنو لازم اسوي عشان ايات ترجع القبليه ايات ترا كل ربعج ياخذون قوتهم منج مابيج تكابرين اكثر عيشي طبيعيه بقوتج و هيبتج و حبج حق اللي حولج
ايات:ابرارررر ما اقدر ابرار حسي شوي فيني
ابرار:انا حاسه فيج و ما ابيج اتمين جذي تذكري اني بكلشي يمج و راح اخلي كلشي عشانج
ايات(ابتسمت):يلا نمشي
ابرار:لا
ايات(تطالع ساعاتها):اي بس الوقت تأخر
ابرار:اي عادي انا معاج
ايات:يلا نمشي نروح للبنات
ابرار:بس بشرط
ايات:امريني
ابرار:احين اذا دخلنا عليهم ندخل ما فيج شي
ايات(تبتسم):من عيوني
ابرار:فديت عيونج

#ركبت السيارة مع ايات شغلت المسجل يت اغنيه راشـد الماجد - بترجعـين
..
طولت ابرار على صوت المسجل و اهي قاصده و ايات كانت تسمع بهدوء ..

بترجعين لو قلت لك إني أحبك للأبد
بترجعين لو جيت لك بكرة على آخر وعد
أركض ورا ظلك بجيك أركض ولا حصل أحد
طول خريف أيامنا طول وأنا صبري نفد
ما حسني فاقد حبيب أحسني فاقد بلد
فاقد بلد، فاقد بلد جيتي مثل غيمة وله
رحتي بلا برق ورعد صيف وشتا مروا وأنا
مشتاق وشوقي ما برد جيتي مثل غيمة وله
رحتي بلا برق ورعد صيف وشتا مروا وأنا
مشتاق وشوقي ما برد أستحلفك بالله ليه
رحتي وما صنتي العهد ما كنت لعيونك ضوا
ما كنت لك ظهر وسند أستحلفك بالله ليه
رحتي وما صنتي العهد ما كنت لعيونك ضوا
ما كنت لك ظهر وسند زرعت لك، صدري حنين
زرعت أنا وغيري حصد غيري حصد، غيري حصد
بترجعين ما دري متى ما دري متى
محتاج لك روح وجسد بترجعين
بترجعين لو قلت لك لو قلت لك إني أحبك للأبد للأبد بترجعين

ايات(مسكت يد ابرار و شدت عليها و خذت نفس ):برجع
ابرار(ما استوعبت ان يدها بيد ايات و لا استوعبت كلام ايات من صدمتها):هاااااااا
ايات:هههه بالعدال قلت برجع شنو ما تبين اهون خلاص
ابرار:لا بس انتي من صجج
ايات:و ليش اكابر اكثر منو يقدر ينكر اني احبج و حب مو عادي
ابرار(طايره من الوناسه و الكلمه طلعت من اعماق قلبها ): احبججججججج
ايات(ابتسمت لها):و انا هممم احبج
ابرار:زين مو لازم حبيبي يدلعنيييي يوديني يعشيني
ايات:اي بلى لازم بس اذا طولنا اكثر عليهم بتطلع زيرانهم علينا عطيني تلفوني بس اجوف منو مكلمني
ابرار:هههههههه اي صح خلاص سامحتج بس هالمرة

#عطت ايات تلفونها .. شافت ايات 5 مكالمات من مريم و 3 مكالمات من ام عايشه و 7 مكالمات من سبايكيو..

ايات:اوله شفيهم هذول
ابرار:شنو فيه حبيبي
ايات:جوفي (عطت ابرار التلفون)
ابرار:اي حياتي دقي عليهم اكيد يحاتون
ايات:مابي كا شوي و نوصل