في غيابك انتهى طعم الفرح

البارت العشرون

#قررت زين تروح حق ايات بيتهم عشان تتفاهم معاها ...
ايات تقوم على صوت التلفون مدت يدها بدون ماجوف من ردت ..

ايات(بصوت كله نوم):الو
زين(خقت): الو
ايات(تحاول تعدل صوتها):نعممممم
زين:ابي اجوفج
ايات:انتي شفيج ماتفهمين
زين(ترفع صوتها):قلت ابي اجوفج
ايات:قصري صوتج لا اييح طراق
زين:اكثر من اللي سويتيه فيني
ايات:اوهه زين تذكرين بعد

#قطعهم اتصال ابرار ايات توترت ماتبي ابرار تدري بشي سيدة ردت على ابرار..

ايات:هلا حبيبي
ابرار:عندج خط
ايات:اي حبي
ابرار:اي مع منو
ايات:وحدة فاضيه
ابرار:اي ابي اعرف منو انا
ايات:حبيبي شفيج توني قاعدة عاد
ابرار:نعم خيررر توج قايمه وتحجين بالتلفون
ايات(تهدي اعصابها وتبتسم):تغارين
ابرار:ايه اكيد حبيبي اغار عليه من كلشي
ايات:ياعيون حبيبج وقلبه وروحه
ابرار:بتطلعين اليوم عمري
ايات:بروح المقبره حق عواش ولهت عليها
ابرار(بحزن):اوكي حبيبي يلا اخليج راح اسكر وادش اخذ شاور مابي ارد ادق اشوفه بزي
ايات:طيب

#سكرت من ابرار لقت للحين زين على الخط ....

ايات:انتي للحينننننننننن على الخطططططط
زين:انا قريب بيتكم طلعي لي

#ايات سكرته في ويها قامت دخلت الحمام غسلت ويها ولبست بسرعه ونزلت سريع على الدرج خالتها كانت موجودة...

خالة ايات:هلا صح النوم بالعدال لاطيحيين
ايات:هلا هلا خالتي رادة لج (طلعت وصفقت الباب)
خاله ايات:شفيهااا
ام ايات:مادري شفيها

#طلعت لقتها واقفه ركبت السيارة ...

ايات:حركي من اهني
زين :وين
ايات:قلت لج حركي صح مابي احد يجوف اوادم خرا يم باب بيتنا
زين(بتنرفز):وين اروح
ايات:تحجي عدل لا اصفقج احين ذلفي اي مكان تحجي قولي اللي عندج

#ساقت زين السيارة وايات كانت تكلم ابرار بالجات واهي تبتسم وتضحك ولا معطية زين اهتمام او ويه ولا جنها موجودة بعد نص ساعه وصلو عند البحر حست ايات ان السيارة وقفت رفعت راسها ..

ايات:شتبين خلصيني من مساعه ساكته
زين(بغيره):ساكته لانج تكلمين االلي عندج
ايات(تلف عليها وصارت عينها بعينها):نعم
زين(توترت نزلت راسها):ايات انا
ايات:انتي شنوووو انتي كنتي تبين تخربين بيني وبين حبيبتي
زين:اسفه والله اسفه
ايات(بعصبيه وصراخ):اسفه على شنو اسفة على دموع حبيبتي لما نزلت اسفه على عصبيتي لاول مرة على دلوعتي
زين(بخوف):احبج اناااا حسي
ايات:وانا قلبي حق حبيبتي مووووو حقج
زين:بس انا
ايات:انتي تاكلين خرا وترديني البيت وتنسيني للابد انا كنت اكلمج اي بس اكلمج وتدرين اني احب واني انتظرها نطرة وتدرين انج كنتي شي عادي بالنسبه لي
زين(دموعها تنزل):اسفه
ايات:من وين خذتي الرقم
زين:من القروب مالكم من تلفون سمر
ايات:يعني سمر مالها يد
زين:لا انا السبب وسمر من اول ماقلتها عصبت علي وطلعت خافت دينجرو تسوي لها سالفه
ايات(بتنرفز): رديني البيت لا ادفنج اهني ومحد لج
زين:دفنيني عشان ارتاحح ولا اجوفج بحضن غيري
ايات(بصراخ):يلاااا رديني احسن لج دراما مو علي

#حركت زين وردت ايات البيت ايات نزلت بيتهم وزين مشت بسرعه جنونية واهي رادة صار لزين حادث ....

ايات:هلا هلا بالزينن هلا بخالتي
خاله ايات:هلا بلي ماعطتني وي
ام ايات:وين كنتي
ايات:رفيجتي متضايقه وياتني
ام ايات:تغدي
ايات:مابي
ام ايات:وانا مادري ليش اطبخ واهم ماياكلون
ايات(تصرخ):مييييييرييييي
ميري:نعم
ايات:ميري ييبي البايسن مالي في الثلاجة
ميري :اوكي

#يابت ميري البايسن حق ايات ايات فتحته وتمت تشرب وتكلم ابرار جات.....
(في الجات)
AH:احبج
AlMutairi:وانا اموت فيج جميلي شسوي
AH:اشرب بايسن
AlMutairi: حبيبي بتزعليني عليج مو زين لجج بسج
AH:طيب خلاص شوي واكمله
AlMutairi:لا قطيه ولا راح ازعل
AH:خلاص انشاءالله
ام ايات:هييي اكلمج
ايات(انتبهت):هلا يمه
ام ايات:اقولج هدي التلفون وقومي ييبي حق خالتج ماي
ايات:انشاءالله يمه

#نروح مكان ثاني بالتحديد بالشارع اللي صار الحادث فيه....
....:الو السلام عليكم اخوي ابي اسعاف بسرعه فيه حادث اهني
الشرطي:اوكي بس ممكن اسم الشارع والعنوان

#عطى الرجال الشرطي كل المعلومات والاسعاف يوو بسرعه وخذوها المستشفى وسمر ياها اتصال لان كانت زين تتصل لها قبل لاتسوي الحادث كان اخر رقم سمر كانت مع دينجرو ...

دينجرو:سمر تلفونج من مساعه يرن ردي
سمر:اي رقم غريب
دينجرو:اي ردي يمكن احد ضروري
سمر:الو
المستشفى:الو سلام عليكم اختي صاحبة هالرقم مسويه حادث ومانعرف ولا معلومه عنها اذا ممكن تتفضلين المستشفى قسم الحواث والطوارئ
سمر(بصراخ وخوف):ززززززززين شفيها زيوووون شفيها تحجو
المستشفى:معليه اختي هدي بالح ماعليها الا العافيه بس تعالي وانشاءالله خير نحتاج الحضور
دينجرو(وقفت تنتظرها تتكلم):شفيها زين
سمر(بصياح وخوف):سوووووت حادث وديني المستشفى احيننننن احين
دينجرو:انزين هدي روحج مافيها شي
سمر(بصياح):زيوننن ماعندها احد امهاا مسافرة وماتدري عن هوا دارها من لهااااا من احين وديني ان صادها شي ايات السبب
دينجرو:جوفي عاد رفيجتي مالها شغل تفهمين
سمر:اي هايييي اللي هامج رفيجتج ورفيجتي اللي مادري شفيهاااااااا
دينجرو:اوهووو يلا انا انطرج بالسيارة

#طلعت راحت تنطرها في السيارة عشان يروحون المستشفى ...