في غيابك انتهى طعم الفرح

البارت السابع - الجزء الثاني

((احداث البارت السابق))
سبايكيو:انتي هي يا ام القادمون و المغادرون ياييبتني اهني ليش
فهود:استقبل وحدة
سبايكيو:من هاذي
فهود:احين بتعرفين انجعمي شوي
سبايكيو:فهود خلصيني لا تقعدين تلعبين في اعصابي
فهود:طالعي هناك و جوفي اللي احين بتطلع
سبايكيو:و قسم بالله مالي خلق سخافتج
فهود:انزين جوفي وراج السبرايس وصلت
#سبايكيو لفت ويها و انصدمت لي درجة انها ما قدرت تقول شي واحد ...

#تقدمت البنت صوب سبايكيو و وقفت في ويهااا و سبايكيو واقفه مصدومه..

....: ما وحشتج
سبايكيو:(تحاول تستوعب و دمعتها طاحت)
....(تلم سبايكيو تشد عليها بلهفه ):يا اني مشتاقه لكم شوق
سبايكيو(تحاول تنطق):ل ل ليش م ماقلتي انج بتختفين ليش وينننج كل هالسنيننننننن
فهود:سبايكيو مريم كان فيها السرطان و محد يدري فينا و عايشه الوحيدة الله يرحمها كانت تدري و انا توني امس دريت عن كلشي و حبيت اسوي لكم مفاجأه
سبايكيو(تلم مريم بقوه و تشدها و تصيح):يا بعد روحيييي و قلبي ليشششش كنتي تتعبين بروحججج ليش ليش كنتي بعيده عنااااا
مريم(تمسح دموع سبايكيو):كاني رديت و صرت احسن و تشافيت بس بسألكم ايات وين
سبايكيو:ايات موجودة
مريم:اهي بخير عايشه موصيتني عليها
فهود(تقطعهم):ما تبون اييب لكم شيشه و بعدين ليش ما سلمتي ترا انا بعد رفيجتج
مريم:حبيبتي انتي و روحي (راحت حق فهود تلمها)
فهود:حمد الله ع سلامتج يا قلب ربعج توها نورت البحرين
مريم:ام عايشه وين
فهود:احين نروح لهم

(تعريـف)
مريم :بويه - رفيجتهم و كانت وايد جريبه منهم و سافرت عنهم و قالت لهم انها بتدرس و ما بترجع البحرين و كانت متواصله معاهم و اختفت عنهم من سنين ولحقت على ايات تقريبا بس سنتين بس بهالسنتين كانت وايد مع ايات و عايشه مشاركتهم في اينونهم وسوالفهم وكلشي ..و حاولو وايد يوصلون لها بس ماقدرو لانه مريم غيرت كلشي يخصها كانت تعاني و تتعب بروحها.. مريم وايد هاديه و كتومه و مو اجتماعيه ابداً ..

مريم:مشتاقه حق البحرين وايددددددد و الله
فهود:الا اقولج نسيت اعرفج على الحب
مريم(تطالع ملك و تبتسم):تشرفنا
ملك(تبتسم لها):الشرف لي
فهود:كلتي شي مريم
مريم:اي عطونا بالطيارة بس وين ايات
ملك(بستغراب):من مساعه تسألين عن ايات ليش
مريم:لانه عايشه الله يرحمها قبل لا تموت بيوم وصتني على ايات و انا كنت اتعب و ماقدر اوصل لها بس دامي تشافيت لازم اعوض ايات عن اهمالي و اسوي الوصيه
فهود:الله يرحمها بس ايات احين اقوى وحدة فينا و توها عاد مسويه نيولوك
سبايكيو:ههههههههه توها مسويه لنا مفاجأه مسكينه هالايات و الله تعور قلبي شالت مسؤوليتنا كلنا و اهي اصغرنا
فهود:اي و الله بس لا تسمعج تقولين مسكينه عشان ما تلعن خيرج
مريم:هههههههههه

#وصلو بيت ام عايشه نزلو تقدمت فهود عند الباب و ملك و سبايكيو و مريم وراها ..
ايات توها تنزل من الدرج معاها رهف توها قاعدة من النوم انفتح الباب و ايات عينها على الباب ..
تجمدت ايات مكانها من الصدمه فتحت عينها مو مصدقه اللي تجوفه و تمنت مثل ما مريم ردت تمنت عايشه ردت ..
مريم واقفه تجوف كلشي اللي تغير تجوف الاثاث تجوف ربعها بس اللي ما تغير صورهم اهي و ايات و عايشه ...
اما القروب الموجودين كلهم قامو وقفوو من الصدمة...
رهف(بصدمه و شوق و لهفهه):مررررررررريم
مريم(تبتسم لهم):ما فيه حمدالله على السلامه
ايات(تروح لها):وين كنتي ليش ما كنتي موجودة ليش توج ترجعين ليش من بعد ما تعبت و انكسرت و اندمرت كنتي انتي تقدرين كنتي تقدرين تسوين وايد اشياء لو عايشه موجودة قدرت اني اسويها
مريم(حضنت ايات بقوه):كاني رديت و ما عاش من يكسرج انتي اللي روحي فيج انتي اللي ريحة عايشه فيج انتي
ايات:ليش توج ترجعين
فهود(حبت تلطف الجو):بما ان مريم ردت لنا مريم لازم الكل يعرف انتي وين كنتي عشان ما يلومونج مريم ترا كانت مريضه بالسرطان و اليوم ردت لنا سالمه و مافيها شي يعني ايات لا تلومينها
الكل(بصدمه):شنووووو
رهف(فتحت عينها):سررررررطان
مريم:لحد يلومني ترا كنت اتعب و اجوف الموت بس ما قدر اتعبكم معاي
سلفرو(راحت لها وقفت قدام ايات ومريم و تتكلم بحرقه و صوتها يرجف ):يصير اعرف ليش احنا اسمنا ربع ليسشششش عشان تتعبون بروحكم عشانننن تخلوننننن كلشي بقلبكممم و تسون كلشي بروحكم عشان بس محد يجوف ضعفكم عيل ليش احنا بحياتكم ليش نبي اعرف شنو فايدة الربع اذا ما نشيل تعبكم اوكي صح ما نقدر يا مريم نشيل الالم منج و التعب بس نقدرررررر نتقاسم دموعنا مع بعض صح ايات مو هاي الكلام اللي كنتي تقولينه لنا لا تصيحون بروحكم اشاركم بصياحكم و حزنكم ليش ايات انتي ما شاركتينا تعبج لما كنتي تنقطين بالمستشفيات عشان وحدة خراا ما عرفت قدرج ليش ما شاركتينااا دموعججج لما كانت تنزل لانج تبين تشكين و ماتلقين يمج احد ليش ما شاركتينا كلمه اخخخخخ لما كنتي تقولينهااااا ليش ليش ((خنقتها العبره و نزلت دموعها)) بس عادي اهم شي كبريائكم ثنتينكم ما ينكسرررر صح ما ينكسر منكم شي اهم شي تردون لنا و انتو تضحكون و راسكم مرفوع اهم شي تردون و انتو ما فيكم شي  و تسمعوني و تسمعون سبايكيو و غيرنا و تحلون مشاكلهم بس انتووووو مشاكلكم تغصون فيهم و محد لكم
سبايكيو:ذكري ربج سلفرو شفيج ليش كل هالكلام
سلفرو:لانه من ماتت عايشه و انا غاصه فيه من راحت ابرار من اهني و انا غاصه فيه تحاسب مريمممم لانها اختفت من حاسبها لما كانت تتعب بروحها قلبنااااااا كان ينحرق عليها من حاسبها
سبايكيو:خلاص اللي راح راح احنا عيال اليوم
ايات(راحت عند سلفرو):محد حاسبني و محد كان يتعب معاي لاني انا اخاف عليكم من التعب مابيكم تتعبون انا مستعدة اشيل تعبكم بس ما تتعبون و انا مستعدة اشيل حزنكم بس قلبكم ما يضيق و مستعدة اتقاسم معاكم دموعكم عشان ما تحسون بالوحدة بس مابي احد فيكم تنزل دمعته عشاني لاني احبكم مو لاني مابي اشكي لكم لاني اخاف عليكم من العوار
سلفرو:لما تقولون ثنتيكم اخخخ شكثر تعب جاوبوووني شكثر تعوركمممم
ايات و مريم:وايد
سلفرو:تعورنييييي اكثر بوايد و اضعاف العوار اللي تحسون فيه اذا ما شاركتكم هالتعب ليش ما تحسون حسووووو
ايات(راحت لمتها):خلاص قلبي انتي اهدي اهدي ما يستعدي كل هاي
ام عايشه (نزلت خايفه عبالها فيهم شي ):شفيكم (( و استوعبت حق مريم))
ممممممم مممم مريممم
مريم:يا روح مريم
ام عايشه:بنيتييييي و روحي وين كنتي
مريم:خالتي
ام عايشه:مو خالتج قولي لي يمه
مريم:يمه كنت مسافرة علاج
ام عايشه(بخرعه):يمه قلبي بنيتي شفيج
مريم(راحت باست ام عايشه ):بسم الله عليج يمه كنت مسافره علاج كان فيني السرطان
ام عايشه:الله يكافيج شره احين احسن ليش ما بلغتينا نوقف وياج خواتج موجودين
مريم:ما ابي ااذيكم معاي
سلفرو (كانت تصيح و ضحكت ضحكه استهزاء):هه هاي اللي تقدرون عليه
ام عايشه(لاحظت لها):شفيج يمه تصيحين
سلفرو:لا يمه مافيني شي بس اللي حولج ما يعرفون شنو الربع لازم يتشاركون التعب والحزن و كل زفت
رهف:خلاص سلفرو لاه
ام عايشه:شفيكم تحجو
ايات:يمه سلفرو زعلانه لانه كنا نتعب بروحنا و ما نقول و بس هاي السالفه
ام عايشه:اي معاها حق احنا في هالبيت من اكبرنا لي اصغرنا مفروض نشكي لبعض و نسمع بعض و نتقاسم كلشي مو هاي وعدكم لي
ايات:بس يمه ما يصير احبهم ما ابيهم يتعبون
ام عايشه:بس

#قطعها صوت الباب اللي انفتح و الكل سكت ينطر ردة فعل من ايات....
#تهقون من ...