في غيابك انتهى طعم الفرح

البارت الثامن وثلاثون

#راحت ابرار تسوي القهوة حق ايات .. بعد 10 دقايق جهزت القهوة...

ابرار:تفضلي
ايات:شكرا
فهود:ترا من الذوق يقولون تبون على الاقل
ايات:انتي وبعدين وياج
فهود:بعد هاي الصج
سبايكيو:يلا كملتو نطلع (تلف على ايات) الحب بتشربين قهوتج اهني او بالسيارة
ايات:ها اي صح طلعو انا وابرار مابنيي وياكم
سبايكيو:لا عااااااد
ايات:مانبي نروح الافنيوز بنروح نجوف فلم وبعدين بنيي وياكم المطعم
سبايكيو:اكيددد بتيون
ايات:اي حبي اكيد
سبايكيو:على راحتكم
فاطمه:حسافه كنا نبي مع بعض نطلع
ايات:مرة ثانيه بس ابرار بخاطرها فلم

#ابرار تطالع ايات مبتسمه لانه ايات حست فيها وتصرفت بروحها وايات تطالع ابرار وتبتسم ... وفاطمه تطالعهم بحقد ....

سارة:يلا حبايبي تحملو بروحكم بتوحشوني
ابرار:ونتي بعد
ايات:ونتي بعد بتوحشيني يالدلوعه
سارة:تييون تتعشين ها
ايات:انشاءالله

#اتفقو على مطعم وطلعو كلهم وايات وابرار تمو بالبيت ..

ايات:ها حبيبي وين تبين تروحين
ابرار:كيفج حبي
ايات:انا كنت ادري انج بتضايقين لو طلعتي معاهم عشان جي تصرفت بس اذا تبين تروحين خلاص خل نروح معاهم
ابرار:لا لا لا انا ماكنت ابي اطلع بس ما ابي اعكر عليج عشان جذي رضيت حبيبي
ايات:انزين احين نقعد بالبيت او نطلع او شسالفه
ابرار: لا بنطلع
ايات:يلا طيب
ابرار:جاهزة حبيبي انا

#يودت ايات يد ابرار وطلعو راحو سينما حجزو فلمرودخلو .. في الفلم ...

ابرار:حبيبي بروح حمام وارجع
ايات:ايي معاج؟
ابرار:لا عمري مايحتاج اروح وارجع
ايات:اوكي لاطولين
ابرار: حاضر

#طلعت ابرار وراحت الحمام طلعتها من الحمام عارضت لها بويه ..

ابرار(تطالع خايفه):نعم شتبين
البويه:ابيج انتي
ابرار: بعدي

#البويه يودت يد ابرار بقوة ودزتها بالحمام..
#ايات حست ان قلبها ناغزها طلعت من السينما وراحت الحمام بسرعه ...

ابرار(بصراخ و خوف):بعديييي
البويه:خلينا نستانس شوي
ايات(بعصبيه وصراخ هز المكان):وخري عنها لا تندفنين اليوم
البويه(بعدت بخوف):من انتي
ايات:انا اللي بتدفنج اهني
ابرار:حبيبي خليها عنج
ايات:هه انا اخلي هالاشكال لعبتي مع وحدة غلط نويتيها على روحج

#ايات خذت البويه ويودتها من تيشيرتها ودزتها بالطوف وثبتها عطتها طراق وتفلت في ويها وخذت ابرار ومشت وطلعو من المول..

ابرار:حبيبي
ايات:سكتي
ابرار:اوف انا شكو احين
ايات:سكتي قلت
ابرار:انزين انا شكو
ايات:لانج شكو سكتي
ابرار:حاضر حاضر
ايات(رفعت تلفونها ودقت على سبايكيو):الو
سبايكيو:هلا
ايات:وينكم
سبايكيو:بالمطعم يلا تعالو
ايات:يلا بالطريج
سبايكيو:ننطركم
ايات:ابرار
ابرار:زين انا احين شنو ذنبي تعصبين علي
ايات:اذا وصلنا هناك ولا جنه صاير شي تفهمين
ابرار:انشاءالله بس شذنبي
ايات:ذنبج لانج رحتي الحمام قلت لج بيي وياج قلتي لا
ابرار: انزين انا ماكنت اعرف راح يصير جي
ايات:مو مشكلتي صح

#حطت ايات اغنيه وطولت عليها مسافة الطريج ووصلو المطعم نزلو يودت ايات يد ابرار ودخلو ...

ابرار:انا ماكنت ابي اجابلهم
نور:شخبار الفلم
ابرار:اينن
نور:بالعافيه عليكم
ايات:الله يعافيج
سبايكيو:شنو بطلبون
ايات:انا مو مشتهيه شبعانه
ابرار(بهمس):طلبي لو شي خفيف ماله داعي
ايات(بهمس وابتسامه):السكوت احسن
ابرار(بقهر):اوف
خلود:انتو هي شفيكم من مساعه بروحكم وبعد احين مكملين يلا طلبو شنو مو مشتهين
ايات:ولاشي حرام الواحد يتم مع حبيبته وي
سبايكيو:استغفرالله شنو مشتهين مومشتهين يلا اكلو
ايات:سخافتج طلبي لي اي شي
ابرار:انا بطلب لكم
فاطمه:لا انا بطلب لهم على ذوقي (قالتها بدلع)
ابرار(تطالعها ان خير شتبي):اي اوكي طلبي منو ماسكج

#طلبت لهم وكلو وتمو يسولفون لين كملو الاكل دفعو وطلعو...
فاطمه ونور راحو مع ايات وابرار بالسيارة...

فاطمه:احنا اليوم بنام عندكم
ابرار(بقهر وتنرفز):ليش
فاطمه: شنو طرده
ابرار:لا بس اسأل شفيج
فاطمه ابرار تراج متغيره حيل
ابرار:لا شكو

#ايات كانت حاطه السماعات وتسمع اغاني ربع ساعه ووصلو البيت اول مادخلو البيت ايات ركبت سيدة فوق وصفقت الباب حتى ماعطت ابرار خبر وابرار واقفه منصدمه من الحركه ومتنرفزة ان ايات اول مرة تسوي جي جدام احد وكل واحد يطالع الثاني ويسأل..

سارة:شفيها ايات
سبايكيو:ابرار شفيكم
ابرار: ماكو شي يمكن تعبانه بصعد اشوف

#صعدت ابرار فوق دشت بعصبيه وتنرفز ايات كانت تبدل ملابسها .. ايات التفت عليها تطالعها تنطر تقول حرف واحد.

ابرار:ابي افهم شلي صار تو من شوي
ايات:سكري الليت بنام (انسدحت وغطت ويها باللحاف)
ابرار(شالت للحاف):قاعدة اتكلم
ايات(بصوت عالي شوي ):جم مرة قلت لج لاتعلين صوتج
ابرار(دمعت عينها):اسفه انا غلطانه لما تتركيني وتمشين جدامهم اصير غلطانه بكلشي لما يسألوني وماعرف شنو ارد اصير غلطانه تحاسبيني عشان شي مالي ذنب فيه بس الغلط مني اني طلعت حلو (نزلت دموعها)
ايات:طيب ممكن تسكرين الليت ابي انام
ابرار: راح تنامين عني وتخليني جذي بعد
ايات(ضحكت عليها):انزين انتي ماتبين ترقدين شسوي يعني ارقدج غصب
ابرار:مايضحك بغير ملابسي وبنام
ايات:زين يلا (رفعت يدها ومسحت دموع ابرار وباست خذها)