في غيابك انتهى طعم الفرح

البارت الخامس وثلاثون

#صارو ياكلون والكل ساكت .. ايات ماكانت مشتهيه تاكل لانها متنرفزة على ابرار..

ايات:حمدالله
ام ابرار:ماكلتي
ايات:شبعت حمدالله
ام عايشه: وين شبعتي صحنج ماتغير
ابرار(بصوت مايمسعه الا ايات):شفيج
ايات (بنفس مستوا الصوت):ولاشي
ابرار:شفيج
ايات:ماتسمعين اقولج ولاشي
ابرار:قعدي اكلي اكلج
ايات(قامت وقفت):انا بطلع بره شوي
ام ابرار:اخذي راحتج وبشيل لج من الاكل يمكن تيوعين بعدين
ايات:ماتقصرين خالتي

#طلعت ايات وابرار قعدت تلعب بالاكل وتفكر بايات .. عشر دقايق قامو من الاكل ..

ام ابرار:ابرار نادي الخدامه تنظف انا بروح اسبح على ماتيي خالتج على اذنكم البيت بيتكم مافي غريب (راحت عنهم)
ابرار:انشاءالله يمه
ام عايشه:حبيبتي والله ماتقصرين
سبايكيو:شفيهااااا ايات
سارة:يمكن متهاوشه مع ابرار
سبايكيو:مستحيللللللل
فهود:ليش مستحيل يعني
سبايكيو:لانه مستحيل
خلود : بقوم لها
رهف:قعدي مكانج ابرار راحت لها
خلود: انزين عمتي

#عند ايات .. كانت بالحديقه وقاعدة تلعب بتلفونها ..

ابرار:ممكن اعرف شلي صار داخل جدامهم
ايات(ساكته عنها )
ابرار:احاجيج اناااااااا
ايات:احد قالج حاجيني طيب
ابرار:شفيج انتي علي شمسويتلج
ايات:ولاشي بس نرفزتييني بلبسج الخرااا
ابرار:اسفة ماراح تنعاد حاضر من عيوني
ايات:طيب قومي دشي داخل
ابرار:بدونج لا
ايات:قومي بيي وراج
ابرار:لااااااا بقعد بدون صوت
ايات:كيفج قعدي (قعدت تجوف تلفونها)
ابرار:شتسوين
ايات:شقلتي بتسوين بتقعدين بدون صوت صح
ابرار:اي بس ابي اعرففف شتسوين بتلفونج مجابلته ومخليتني (قالتها بغيره)
ايات:ولاشي اطالع لصور
ابرار:صور منو
ايات:صور يعني في صور بعد منو ومامنو
ابرار:اي منو ذي اللي تشوفين صورها
ايات:ابرار
ابرار:اوووووف
ايات:قومي قومي داخل قومي
ابرار: بس بس بسكت

#قطعو كلامهم دخلت خالتها وبنات خالتها واختها وايات عيونها بالتلفون ماحست بدخلتهم...

ابرار:اوفف الله يعين
ايات:وبعدين وياج
ابرار:انتي شفيج عليج ماحاجيج اتحجى عن اللي يوو
ايات (ترفع راسها وتجوفهم):ونتي شسالفتج وياهم
ابرار:مابي احد يشوفج بعد شنو
ايات:هههههههه
ابرار:مايضحك
ايات:اوكي قومي ندش
ابرار:مابي احين من مساعه اقولج قومي ماتقومين احين تبين تدشين
ايات:تعالي حبيبي بحضني شوي
ابرار(راحت بحضنها):ماراح ادش
ايات:لادشين بصور عشان جي ناديتج
ابرار:صج والله
ايات:اي بصور وياج وي
ابرار:يعني ماراح تراضيني
ايات:انتي اللي راضيني مو انا
ابرار:انتي اللي حاجيتيني بأسلوب مو عدل
سبايكيو(قطعتهم):انتووو هيي روميو وجوليت قومو داخل بنات خالتج وخالتج يسألون عنج
ابرار:انتي كله داشه عرض
سبايكيو:اي وضبطيلي وحدة من بنات خالتج
ايات:يلا جدامي لا اشوتج وحبيبتج اللي داخل
سبايكيو:اوههه نسيت اني احب
ايات:يلاااا داخل فندق فندق مو قلب
سبايكيو:شصار انزين
ايات:فندق خدمة خمس نجوف كل واحد له سويت بعد
ابرار:هههههههههه
ايات:احب ضححكتها ياناااااس
ابرار:وانا احبج انتي
سبايكيو:وانا احب بنات خالتج والبنات
ايات(تشوتها):وانا اقولج دشي داخل

#دشو داخل ابرار سلمت على خالتها وبنات خالتها وقعدت ...

بنت خاله ابرار: ابرار شرايج نطلع
ابرار:ماعرف
سبايكيو:اي نبي نطلع
ابرار(تلف على ايات بصوت بالعدال):تبين تطلعين
ايات:كيفج حبي
ام ابرار:ابرار انا وخالتج وخالتج ام عايشه بنطلع شوي
خلود:ويننن بتروحون
ام عايشه:لقافتج يالملقوفه
ام ابرار:ههههه بنروح سوق المباركيه بتيين
خلود:اي بيي
ام عايشه:غريبه والله
ايات:انا اقول قعدي مكانج تراج ماييتي معانا لما طلعنا انثبري محلج خير اللي بتروحين وياهم
خلود: انزين انزين كاني بقعد بس يمه مابيي روحو (وتبتسم)
ام عايشه:على راحتج

#لبسو عباياتهم وطلعو تمو بالبيت بروحهم ...

ربى: نورووووو قومي ييبي الاونو (بنات خالة ابرار نور &فاطمه)
نور:وين حاطتها
ربى:بداري
نور:اوكي (راحت اتييب لها الاونو)
ربى:ترا بتلعبون معانا
ايات:ترا مانبي نلعب معاكم
فاطمه:ابرار مو ناويه تعرفينا على ايات
ابرار(بقهر وغيره):يمي ايات الاسم يكفي
خلود وسبايكيو (يطالعون بعض على اسلوب ابرار):ههههههه
سبايكيو:حلوةةة النكته جوفو لقروب (ترقع السالفه)
خلود:اي خوش نكته ههههههههههه
رهف:سخيفيننننن (تطالع ربى) انا بلعب وياكم احسن من سخافتهم
فاطمه:ايات تشرفنا فيج
ايات(تبتسم تسليك):الشرف لي
ابرار(بصوت بالعدال مايسمعه الا ايات):احين ماكو الا ايات صبرك يارب