في غيابك انتهى طعم الفرح

البارت الثالث -الجزء الثاني

((البارت السابق))
ايات:(ساكته)
رنا:ايات
ايات(سكرت عينها و خذت نفس):نعم
رنا:و الله اسفه ايات انا مالي غيرج
ايات:هههه مالج غيري وحدة اغلى من سكن قلبج و الثانيه تجوفينها الكل بعيونج انا و لاشي اساسا
رنا:ايات ترا مجرد كلام و الله مجرد كلام ما كان بشعور مجرد كلام عادي
ايات:اي امري احين مو مهم عادي او لا المهم عوارة
رنا:ايات سامحيني
ايات:ابوي مو راضي اكلمج استوعبي
رنا:ايات انا احبج سامحييني و الله ما اقدر بدونج
ايات:(ساكته و تسمع ما تدري تصدق كلامها او تصدق اللي جافته بعينها و ما تدري شتسوي تسامحها او تروح عنها)

ايات(خذت نفس):ما اقدر
رنا:و الله وعد ما اعيدها ايات احبج
ايات:ما اقدر خليني بروحي تكفين
رنا(تغير صوتها):بس انا احبج
ايات(حست بنبره رنا و ضعفت لما حست انها قاعدة تصيح):رنا
رنا:(ساكته)
ايات:اتكلم انا
رنا:هلا
ايات:يصير اتكلم شوي
رنا:اي اسمعج
ايات( تتكلم بحرقه): انا شنو قصرت فيه معاج انا شنو سويت عشان تكون هاذي ردت فعلج خلنا نكون واقعين انا ضحيت بكلشي عشانج و عشان راحتج و عطيت و سويت اكثر من اي شي سويت بما فيه الكفايه اتوقع رايتي بيضه انا ما قصرتتت بشي الكل كان يحسدج علي انتي شنو قاعدة تسوين لي كافي جد عطيتج اكثر من اللازم لا تزعلين بس اللي بقلبي وايد مو شوي لازم تسمعينه انتي ما يعجبج العجب انتي تجوفين نفسج فوق معنه انا اللي رفعتج فوق انا اللي كنت مستعدة افرش لج الارض ذهب مو ورد كلشي اسويه مو عاجبج معنه غيرج يتمناني بس اكتشفت ان لو شسوي لج مايبين بعينج و لو شسوي والله مايملي عينج وصلتيني لي مرحلة ان اكرهه اسمع صوتج اليوم
رنا(قطعت ايات):ايات
ايات(بعصبيه):سكتيي خل اكمل
رنا:اوكي كملي
ايات:وصلتي لي مرحلة اني ما اشتهي اكلمج لانه لو شسوي لج ما يكفيج ما يعجبج كنت لو تقولين اي شي اقولج من عيوني و تم و يوصلج بس اكتشفت انج ماحبيتيني لانج ماديه بختصار ما تحبيني تحبين اهتمامي فيج تحبين دلعي فيج بالاخير شنو انا اطلع اطلع ولاشي بحياتج طلعتي الشخص الغلط
رنا:ايات بسكره
ايات:ههه ما عجبج كلامي صح اوكي بس بقولج شي قبل لا تسكرينه انا مسامحتج و بقولج شي ثاني لما احبج مو يعني ما اقدر احب غيرج لا اقدر و لما اغار عليج و اكون انانيه فيج مو يعني ابيج تنعزلين عن الكل بس هاي شي فيني و لما اخاف عليج لاني جد اعتبرج قطعه من قلبي بس طحتي من عيني يلا مع السلامه

#سكرت ايات من رنا و نزلت دموعها و صارت تفكر لين غفت.....
قامت يوم ثاني ... فتحت تلفونها على الواتساب لقت جات رنا ..

(الجات)
R:شكلج نمتي 👍🏼عوافي للأسف ما توقعت اوصل وياج لي اهني لو شنو كان بينا و لو شنو صار ما توقعت توقعت لو دمي و دمج يسيل من بعض ما نوصل لي اهني بس لأسف احسني بعدادي الاخير من عمري الحين ريلي مو قاعدة تشيلني هالاحساس زاد اليوم و ادري بصير خلاص

AH:زال لاني طلعت من حياتج!

R:و الله زاد احس خلاص و انتي مشكلتج وياي تحملي بنفسج و بأهلي ترا ريحتي فيج