Within Seven Days

WSD [29] - Surf Dance

Chapter 29

Micah’s POV

“Malapit na Field trip! Ano ba?!” paghihimutok ni Kate.

“Oo nga,” walang ganang sabi ni Faye.

“‘Oo nga?’ Ayaw ako payagan!”

“Liit mo daw kasi,” pang-aasar naman ni Ivy.

“Ugh, guys,” sabi niya sabay bagsak ng katawan sa sofa.

I pity her. Masyadong strict parents niya sakanya. Siya naman kase, wala alam sa buhay! Hindi marunong lumunok ng tablet, hindi marunong maglaba, hindi marunong tumawid, at marami pang iba. Iisipin niyo bang pangalawa siya sa pinakamatanda sa grupo? Parang . . . imposible diba?

Tinabihan ko si Kate habang pina-pat yung braso niya, “Ok lang ‘yan. Hindi ka pa nasanay, parang lagi ka naman hindi pinapayagan sa malalayo.”

Niyakap niya ko. “Salamat, Maknae ha. Salamat. Sobra. Nakatulong ka sa pagddrama ko,” may pagkasarcastic na sabi niya. Ngumiti nalang ako.

“Kanino bang phone ‘yun? Ang ingay!” reklamo ni Timang habang nanonood.

Pagkasabi niya, dun ko lang narealize na yung phone ko pala yung maingay. Tinignan ko yung screen, Rence calling . . . at bakit naman natawag ‘to?

“Hello,” sabi ko Pagkasagot ko.

“Good evening! Na-istorbo ba kita?” he said over the phone.

I shook my head kahit naman alam ko na hindi niya makikita. “Hindi noh.”

“Sino ‘yan?” Kate mouthed. Pinakita ko ‘yung screen ng phone ko, tapos nagnod siya. Umakyat ako sa may kwarto para sa ‘privacy’. Naks.

“Oy, nakikinig ka ba?” sabi ulit ni Rence.

“Ay, sorry. Ano ulit ‘yun?”

“Sabi ko tabi tayo sa bus!”

 Ngumiti ako, “Ok, sige,” simpleng sagot ko.

“May problema ba?”

“Mmm . . .” sagot ko, “Baka kasi hindi makasama si Kate sa field trip eh. Kasi naman, kahit malayo kami sa parents namin, syempre kelangan pa rin namin ipaalam ‘yung nangyayari samin. At kelangan pa rin namin magpaalam kung san kame pupunta. Eh, alam mo na.”

“Tayo bahala,” simple pero makahulugang sagot niya.

--

“Nasan si Kate?” tanong ni pounder.

“Ha? Ewan ko, kakababa ko lang,” sagot ko habang pababa ng hagdan. Hindi ba masyadong halata na galing ako sa taas? Hay nako, pounder talaga.

“Nasa may ano,” sabi bigla ni Nec. “Sa may kwarto niyo. Hindi mo nakita, Mikay?”

Umiling ako. “Hindi, eh.”

“Ninja ni si Ketek ngayon, galing,” comment naman ni Aybe.

“Sayang hindi tayo kumpleto sa fiel trip,” sabi ni Timang.

Umupo ako sa tabi niya sa may couch tapos tumingin sa TV. Nanonood sila ng Sinister kaya inagaw ko nalang yung popcorn na hawak ni Timang.

“Bastos ka, Maknae ah!” reklamo niya.

“Penge lang.”

“Sino may sabing hindi tayo kumpleto? Syempre noh, kumpleto tayo,” sabi ni Pounder.

Napatingin kami sakanya.

“What do you mean?” tanong ni Pepay.

Pounder gave us her infamous poker face as she answered, “Nakausap ko na parents niya. Sasama yung pandak na yun sa’tin.”