نهار تزعطات جعواقة

البارت 22💕

    البااارت22💓

بقات كل مرة كاتبعو بلا حتى نتيجة غاهو ولات عارفة الوقت لي كايدخل ويخرج لدار وعرفات دار  فين كايدخل ولا شاكة وهي طيح عليها فكرة تمشي عند العساس ديال العمارة تسولو
جنات:سلام عليكم سيدي
العساس:وعليكم السلام ابنتي
جنات:عفاك أسيدي بغيت نكري شي دار فهاد العمارة وكيف كايقولو أسيدي الجار قبل دار
العساس:اييه ابنتي جيتي لعمارة المطلوبة الناس فيها الله يعمرها دار كاين فطاج الاول واحد الفرملية ومها ساكنين حداهم سااكن أستاذ ومراتو وعندو جوج وليدات وفطابق الثاني ساكنين شي موضفين أما الثالت كاين واحد الكوميسير كان كايجي مرة مرة ولا هااد ليااماات كل نهاار كاايجي مرة يبات مرة يگلس حتى لشمن وقت يعني مامستاقرش
جنات:شكرا اسيدي بزاف
مشات جنات لي راسها عاد زاد ضرها اشنو سر ديك دار لي كايضل يمشي ليها واه هو على معرفاات وبحثات سااكن مع مو وباه ومعندو حتى شي علاقة مع شي وحدة من نهار ماتت خطيبتو وهو كره جنس الإناث عيات متفكر فالأخير قررات تمشي لدارهم
هه بغيتو تعرفو كفاش عرفات هادشي كامل نهار لي بدات كاتبعو ولات كاتجمع عليه معلومات ومنها عرفات باللي كان خاطب وخطيبتو ماتت بواحد طريقة مفاجئة وموتها كانت صدمة لكولشي خصوصا لواليديها ولواليدين زياد وحتى زياد كاانت هي نور عينيهم لي بغاتها تحضر
               ______حاليا______
جنات:اهااه أسي زياد هذا هو سرك خطيبتك رجعات من الموت ولكن علاش تاواحد معاارف بهادشي وعلاش معمرني شفتها خرجات ولا بانت وعلاش مابيناتش راسها لواليديها
ههه ولكن متخاافش أنا غانسهل عليك شغل 😈😈