نهار تزعطات جعواقة

البارت 53

🔞                     البااارت53✔

بسمة مرضاتش وهي تبعها لبيت
بسمة:كفاش تجرأتي وكبيتي عليا العصير ولكن سري أنا لي عطيتك قيمة وضسرتك  يسحاب ليك خفت منك راه بكلمة مني تقلعي من هاد دار
جنات واقفة مربعة يديها وقاالت بكل برودة ساليتي
بسمة:واش متأكدة راك بخير الأشكال دياولك باينين جايين غا من زنقة بحسن عوان مك وباك معاك
جنات كانت مهدنة غااسمعات كلمة باك لي تحرمات منها وعمرها حتى شافتو بعينيها تمنات تكون ليها ذكرى وحدة معاه ودبا بسمة بهضرتها زادت على مابيها ما عقلااات حتى هزات واحد لفاز شيرات عليه بيها جاها فرجليها ولا لبيت كلو دمايات وبسمة كاتغووت وتبكي وجنات ولات فواحد لحالة مواعيااش بشنو كادير
جنات:أنا تقولي عليا بنت زنقة أنا ممربينيش واليديا أنا تجبدي ليا با بداات جراها من شعرها وخلات لطراس ديال دم وشداتها بدات كاتشتف وضرب فيها حتى سخفات وبسمة منين شافتها سخفانة مشات كتزحف هزات تيليفون وعيطات على زياد
بسمة:ألو ززييياااد
زياد:وي بسمة يكما خاصاك حاجة خرى
بسمة:زياد جي دبا لددار عتققني وهي طيح تاهيا غايبة على الوعي زياد فاش كان كايهضر معاها وقالت ليه عتقني جات ليه جنات فبالو ناض كايجري خلا گاع لكوميسارية كاتشوف فيه
مشا طاير لدار ومشا فدروج بلا مايدخل لسانسور
كل خطوة كايدير فيها عشرة ديال لخطوات والعرق داير فيه مابغا ولكن زادو جذبية زوينة دخل لدار أول وحدة جات عينو عليها هي جنات معرفش علاش ولا كيفاش حتى لقا راسو هزها وطاير بيها حطها فالبيت وعيط على صاحبو لي كان جا فالمرة سابقة شويا تفكر بسمة مشا تصدم فاش لقا فخضها مفلح كامل وعااامر بالدم ومنتوفة كاملة معارفش شنو طرا تاهيا هزها وحطها فبيتها جا صاحبو وهو يدخلو عند جنات فحصها وقاليه
طبيب:المريضة جاها نهيار عصبي داكشي علاش سخفات يقدر سمعات ولا شافت شي حااجة لي معجبتهاش داكشي علاش وفيها الأعصاب خاصها تبع هاد تخيتمون ويكون خير
زياد:شكرا سمحليا اخويا غانعاود نصدعك ولكن كاينة واحد لمريضة فالببت لاخور
طبيب:الله أودي هادي خدمتي
مشا معاه ودخل تصدم طبيب فاش شاف حالة بسمة