نهار تزعطات جعواقة

البارت 20💕

                          البااارت 20💓

لاللة حبيبة:اويلي واشنو درتي
جنات:اش غاندير ستسلمت لأمر الواقع وطلبت سماح
لاللة حبيبة:الله اكبر قيد ياتااريخ وسجل بنتي مشات طلبات سماحة من شيخة ديال لخلا غابلاتي تخرج
تمات خارجة شيخة ونيفها هازاه لسما بحلا صدرات ليا سكر لميريكان
شيخة:صافي هه تقاداو ليكم الله يعز المخزن رض ليا حقي ودلكم اميمتي ههه
لا للة حبيبة:شمرات على يديها أييه مقلتي عيب لمخزن مكايضلم حد وأجي هنا گلسات عليه نتف ياماتنتف نتف ياماتنتف والبوليس كايفارقو والو لسقات فيها بحال لسقت العمى فضلمة جا جوااد لي سيفطو زياد يمشي من مورااهم حينت عاارف غاتوقع هااد الحالة وهادشي نيت داز قدامو هو معمرو دخل فشغال لعيالات مي هااد المرة غير بغاها ضد حينت تحداتو وهانتو فروجولتو ورفعات صوتها عليه حلف تايعلمها درس عمرو يتنسى (هه راه هيا لي غتعلمك درس عمرك تنسااه وأكبر سر لي واليديك هما اللخرين معارفينو غاتفضحو ليك هه)
فرق جواد جوقة وشيخة غادية وتنگر عكس لاللة حبيبة لي كاتنهج وتشرب لماا عادي
فردوس:واش أخالتي حبيبة بغيتي تانتي يدخلوك وتصدقي تانتي طالبة سمااحة منها ناضت عطاتها واحد القرصة لفخض(تحية لي مجربينها أنا وحدة منكم😂)لهلا يحي زماان تانطلب سماحة منك ولا من شيخة ديالك
جنات:صافي ساليتو دردبو لطوبيس
سبقااتهم جنات لي ضرباات أخماس فأسداس وحلفات تاتعطيه دقة قاضية غاتنبش فحياتو شويا ربما تلقا شي حاجة إلى منفعش هااد البلااان تشوف حاجة تانية
وصلات جنات لداار ومشات ديريكت لبيتها دوشات من العيا ولبسات واحد تريكو بيض وسروال حد ركبة مفضفض كحل وگلساات فبلاصتها كاتحاول ترتب أفكاارها وحلفات حتى من غدا تبدا نيت تقلب جات تقريبا مع نهاية المدرسة باقي امتحان ولا جوج وصافي سالاو
طاحت فراشها وكضحك بشر نعساات حتى لجوايه ديك 8 ديال ليل فاقت نزلات لتحت لقات فردوس مكايناش ولاللة حبيبة حاطة كاس دأتاي وكتفرج فسامحيني هه (تحية لواليدة ديالي لي كاديرها😂)
جنات:لواليدة بغ
لاللة حبيبة:سكتي سكتي راه واليد كايهضر مع فريدة عرفاتو مريض بداك المرض ديال زمايمر
جنات:زهايمر أمي
لاللة حبيبة:أييه هدااك غاسكتي
جنات:دبا غاطفي هاد تلفازة ولا لا
لا للة حبيبة:هاهيا الله يغبر ليك شقف شباغا
جنات:ميمتي زوينة لغزالة نوارت دار نبع لحناانلاللة حبيبة:باركة من تبلحيس ديال والو والله معندي ريال اللخر
جنات:حشومة عليك أمي غا واحد 200 درهم
لاللة حبيبة:شناهواا
جنات:بغيت نقول 100 درهم عفااك عفااك
لاللة حبيبة:فين بغيتي نلقاها ليك مزال ماخلصني الخياط فدوك جلالب لي درت ليهم سفيفة
جنات:عفاك محتاجاها عفاك أمي وندير ليك لي بغيتي
لاللة حبيبة:إوا منين هاكا مزيان غدا مع صباح بغيتك تنزلي زرابي وتخملي دار وتغسلي لمااعن راه العواشر هادي
جنات:😲😲من نيتك أمي
لاللة حبيبة:مالي موالفة كانضحك معااك
جنات:لا صافي بلاش مابقيت باغا والو وهي تنوض كاتجري لكوزينة تخربق شي حاجة تعشا بيها تالغدا دوز عند فردوس فطريقها تسلفها شي حاجة