نهار تزعطات جعواقة

البارت 36

🔞
                          البااارت36💓

لاللة يزة:نتوما لي سمحولينا على هااد دخلة على غفلة راه غا زياد بغا يديرها لعروستنا مفاجئة هه
بقاو كيهضرو حتى دخل سي جمال سلم على واليدين زياد
سي جمال:مرحبا وألف مرحبا
واليدين زياد:ترحب بيك جنة ونعايمها اسيدي
شويا تكلم الأب ديال زياد
إوا أسيادنا كيف كاتعرفو جينا ليوم طالبين راغبين فيد بنتكم لالة بسمة لولدنا زياد
سي جمال:إوا لكاانت لبنت موافقة ماعلينا غانزيدهم بالخير مشات لالة ربيعة عيطاات لبسمة وجات داخلة گلسات حدا واليديها ونطق سي جلال بنتي بسمة هاد الناس جاو يخطبوك لولدهم سي زياد إوا أش ضهر ليك بسمة حشمات وحدرات راسها وقالت قابلة
سي جلال:إوا منين لبنت قابلة ماعلينا حنا غانزيدهم بالخير
زياد زربان هه إوا هي نقراو الفاتحة قراو الوالدين ديالهم الفاتحة وركب زياد لخاتم لبسمة وهي غاطير بالفرحة
زياد:سي جلال ممكن ناخد بسمة واحد دقيقة نهضر معاها
سي جلال:الله أودي دبا راه ولات محسوبة عليك وقلبوها ضحك طلعات بسمة وزياد لبيتها وهي طير عليه بتعنيقة
بسمة:وأخيرا غانتجمعو تحت سقف واحد هه وأخيرا غاتفكرات بسمة أش وقع ليها طاحت دمعة من عينيها
فهمها زياد وهو يمسحها ليها
زياد:من اليوم هاد العينين مابغيت حتى دمعة تنزل منهم صافي داك الكلب عطيتو درس عمرو ينساه ودبا راه فين يتربا ونتي من اليوم ديالي ومكاينش لي قرب ليك
ودخلو فقبلة كايحيدو وحشهم وشوقهم لبعضهم
زياد:هه كنبغيك
بسمة:حتى أنا
يالاه نزلو لايصدقو شاكين فشي حاجة
زياد:ويشكو وحنا مالنا ههه
ضرباتو على صدرو تفو تفكيرك باقي منحط
زياد عنقها وهو كايضحك
من بعد هبطو وتسالمو عائلة زياد مع عائلة بسمة من بعد ماتافقو العرس يكون من هنا لشهرين