نهار تزعطات جعواقة

البارت 78

كايهضرو ومشات خرجات دجاج من ثلاجة رقداتو فقوامو...ومشات كتوجد ليه المرقة ديالو...عاد شدات لحم رداتو يطيب فطنجرة...وقدات شلايض..رجعات لدجاج رضاتو يطيب المهم بقات هكاك من حاجة لحاجة حتى طااح ضلام شويا سمعاات صوت طموبيل وقفات حدا دار عرفاتو

وجدات لاللة يزة داكشي كولو فوق طبلة أشمنك يا شلايض وشمناك يادجاج واشمنك ياللحم بالبرقوق والعصير والمونادا تقول دايرة عرس هه علاش لا. هي ولد ختها مشافتوش فاش كانت عندو 14 عام عاد ولدها لي من نهار تناقشو بغات تشم غاريحتو مالقاتوش المهم حطات داكشي..فوق طابلة وعيطات ليهم..
جا زياد تسااالم مع باه ولد خالتو ومشا عند مو عنقها حتى طاحت ...دمعة من عينييه
وهو يهود تحت رجليها كان غايبوسها ليها ...
ولكن لاللة يزة...دغياهبطات هزاتو
زياد:سمحيلي الواليدة سمحيليا بزاااف
لاللوة يزة:إلى ماسمحتش ليك لمن غانسمح
وعنقاتو..وهي كاتبكي
أما واحد صفوان "زي الأطرش في زفة''مفااهم والو غاكايشوف حتى كمل هاد المشهد درامي عاد نطق
صفوان:فهموني دبا نتوما مالكم ولد لخالة ياك ماقلقتيها
زياد قصة طويلة أخويا دبا نعاودها ليك
لاللة يزة:زياد ولدي من بعد العشا بغيت نتكلم معاك..
زياد:مايكون غير خاطرك الواليدة
تعشاو ولاللة يزة مقاداها فرحة حينت گااع لي موحشاهم حدااها دور دورة وتعطي لولدها وصفوان وتحط قدامهم
سي مبارك:واقيلة راني غانغير واه من صباح ونتي توكلي فيهم
صفوان:خالتي شمينا ريحة الغير
وقلبوها ضحك ونشاط منين سالاو العشا وجدات ليهم لاللة يزة القهوة ليهم وگلسو كايهضرو حتى ستأذن منهم صفوان
صفوان:سمحولي مسخيتش بجماعتكم ولكن هذا الوقت فاش نعس غدا خاصني نوض بكري
لاللة يزة:واخا أولدي طلع لبيتك راه على ليسر حدا بيت زياد قاديتو ليك
صفوان:لهلا يخطييك عليا
مشا وخلاهم وهنا لقا الفرصة زياد نيت باش يهضر مع مو
زياد:الواليدة بغيت نهضر معاك
لاللة يزة:أييه أولدي تاأنا باغا نهضر معاك وبغااك تفهمني كيفاش حتى بنتي بسمة رجعات لحياة وفين هي مالك مجبتيهاش لينا معاك
زياد:والله الواليدة معرفت منين نبدا ليك هادشي ولكن متستغربيش وسمعي ليا من الاول حتى الأخير مهم گلس زياد كايعاااود ليها كولشي وهو فاش كان كايهضر مو غاحالا فمها ولكن صدمة لكبيرة فاش قاليها راه عثمان صيفط بنت خرى على شكل بسمة المهم عااود ليها داكشي كااامل مانسا حتى حرف حتى حبو لجنات
لاللة يزة:هادشي كاااامل وقع وانا نفراسي مايتعاود
زياد:سمحيليا الواليدة كنت ناوي نعاود ليك ونعرفك على جنات ولكن