نهار تزعطات جعواقة

البارت 83

🔞            البااارت 83✔

مشا زياد لواحد المول دخل جنات باش تختار خواتم زواج شحفاتو تاحاجة معجباتها وهو غادااير ليها خاطرها وتابعها فهبالها
حتى طاحت عينيها على واحد الخااتم حمقها وعجبها وگالت لزياد والو هذا منو نخلاق صافي خداه ليها الصورة 👇👇مهم بقاو من هنا لهنا شري هادي شري هاديك حتى وصل وقيت لغداء نساو لواحد ريسطورون وهما يكومونديو على لي بغاو وبقاو كاياكلو
زياد"عمرني نسمح ليك عدبتيني ليوم
جنات:مزياان باش نخرج فمك لفقسة ديال لبسة لي خديت جديدة ومانعها عليا
زياد:سمعي أجنات نتي عقلك باقي صغير مزال مانضجتي بالنسبة ليا أنا فعمري دبا 30 سنة راه شفت العجب شفت حاشاك راجل كايقود مراتو شريكة حياتو وعادي عندو بالنسبة ليا أنا لا نفسي حااارة مانبغيش لي يشوف فمراتي حتى بنص عين غاتقولي هادي فاتت لغيرة مي أنا هاكا مغيار وعصبي كثر من لقياس حاجتي كانبغيها ليا بوحدي ونتي دبا على أبواب زواج حياة خرى مسؤلية خرى خاصكي تبدلي لبسك ماشي كانقوليك ماتلبسيش لا لبسي ولكن فدارك مع راجلك سيري قدامي حتى عريانة ولكن برا لا فهمتي
جنات:نزلات دمعة من عينيها أنا هادشي عمرني عرفتو حينت لي كان خاصو يعلمني ويفهمني مات فاش كنت فكرش ماما حلفت من داك نهار دمعة ماتنزل من عيني ماما رباتني بنت بألف راجل عمر شي حد مسني ولا قاسني ولاا حتى عرفت كيف دايرة كنت ديما وسط حوايج دراري تامن شعري ديما فوقو لكاسكيطة
زياد:عارف حبيبتي وهااد لعوينات من ليوم مابغيتش تشوف فيهم دمووع حينت نتي ديالي وتاحاجة متقيسك من اليوم معاك حتى الأخير نفس
ناضت جنات من فوق لكرسي عنقاتو مهمهاش الناس لي كايشوفو فيها لي كانت عارفة فديك اللحظة باللي لقات نصفها الأخر وباللي قلبها دق لراجل لي بغاه قلبها
جنات:ودموع كينزلو كنبغيييييييييك بزاااااف
زياد:هاد الكلمة حس بيها خاارجة من داخل قلبها زير عليها حتى أنا كنحماق عليك
شافوهم الناس فداك الوضع لي كايعبر على حبهم وگاع الورد لي كان حداهم رماوه عليهم وكايسفقو عليهم
جنات فرحااانة وكاضحك وزياد مبادلها نفس ضحكة
زياد:حميقتي نوضي يالاه نمشيو فحالنا
جنات:هه واخاعيط زياد..على النادل جاب ليه لحساااب..خلص وتمو خارجين مشادين فاليد أما لبنات غاياكلو جنات بعينيهم كاينة لي حاسداها وكاينة لي فرحاانة ليهم ومكرهاتش بحال داك القلدة لي معاها
جنات:قل أعود برب الفلق
زياد:هه مالك
جنات:ماشفتيهمش غاياكلونا بعينيهم الله يستر
زياد:يكفيني عندي نتي تحت جناحي لوخرين مكايهمونيش 
جنات:لا غايهموك نيييت
زياد:ههه